सार्वजनिक ऋणको भार थपिँदै, साँवा र ब्याज तिर्नै १ खर्ब चाहिने

काठमाडौँ – १५ फागुन २०८०

सार्वजनिक ऋणको भार थपिँदै गएपछि आगामी आर्थिक वर्षमा मात्र साँवा र ब्याज तिर्न १ खर्ब रुपैयाँ आवश्यक पर्ने भएको छ । सार्वजनिक ऋण २४ खर्ब पुगेकाले सोको साँवा र ब्याज तिर्न आगामी आर्थिक वर्षमा १ खर्ब रुपैयाँ आवश्यक पर्ने भएको हो ।

अर्थमन्त्री डा. प्रकाशशरण महतले सोमबार संघीय संसदमा आगामी आर्थिक वर्षको बजेट सिद्धान्त र प्राथमिकताका सम्बन्ध’बारे जानकारी दिँदै भने, ‘बर्सेनि सार्वजनिक ऋणको दायित्व बढ्दै गएकाले चुनौती थपिएको छ ।’

सार्वजनिक ऋण बढे पनि पुँजीगत खर्चको प्रभावकारिता वृद्धि गर्न गरिएको पहल, मौद्रिक र वित्तीय नीतिबीच तादम्यता मिलाउन गरिएको पहलले अर्थतन्त्र सहज भएको दाबी भने उनले सदनमा गरेका थिए ।

उनका अनुसार घरजग्गा कारोबार र पुँजीबजार सुधारोन्मुख भएको छ । यसैगरी, विदेशी विनिमय पर्याप्तता, राजस्व वृद्धिदर १० प्रतिशत जस्ता कारणले देशको अर्थतन्त्र सुध्रिँदै गएको दाबी उनको छ ।

उनले सहकारी तथा लघुवित्तीय संस्थामा पनि समस्या देखिएको स्पष्ट पारे । उनले जलविद्युत्, पूर्वाधार, पर्यटन र सूचना प्रविधिको विकास, कृषिको आधुनिकीकरण तथा व्यवसायीकरण, निजी क्षेत्रको प्रवद्र्र्धनलाई प्राथमिकतामा राखेर बजेट ल्याउने जानकारी सदनलाई दिए ।

निजगढ विमानस्थल निर्माणको ढाँचा टुंगो लगाउने तथा पोखरा र गौतमबुद्ध अन्तर्राष्ट्रिय विमानस्थल पूर्णक्षमतामा सञ्चालनमा ल्याउन देखिएका अड्चन हटाइने गरी बजेट ल्याइने पनि अर्थमन्त्री महतले जानकारी दिए ।

निजगढ विमानस्थल निर्माण’bout अध्ययन गर्न पूर्वअर्थसचिव शंकरप्रसाद अधिकारीको संयोजकत्वमा अध्ययन गरी सोअनुसार निजगढ विमानस्थल बनाउने तयारी सरकारको रहेको छ ।

आगामी बजेटमार्फत निजी क्षेत्रलाई आर्थिक विकासको इन्जिनका रूपमा विकास गर्न नीतिगत व्यवस्था गर्ने तथा उद्योग सञ्चालनका लागि जग्गा प्राप्ति प्रक्रियालाई सरलीकरण गरिनेछ । उनले व्यवसाय र लगानीमैत्री कर नीति लिने जानकारी पनि दिए ।

यसैगरी, चालू खर्च नियन्त्रण गरी दोहोरो कार्यक्षेत्र भएका संरचना खारेज गरिने भएको छ । अर्थमन्त्री महतले चालू आवको बजेटमार्फत पनि २० वटा निकाय खारेज गर्ने घोषणा गरेका थिए । तर, अहिलेसम्म कुनै पनि निकाय खारेज गरिएको छैन । आजको राजधानी दैनिकमा यो समाचार छ ।

थप समाचारहरु

स्वास्थ्य बीमा बोर्डको अध्यक्षमा सुर्यबहादुर थापा आईपीओ निष्काशन गर्दै पियोर इनर्जी यस्तो छ आजको विदेशी मुद्राको विनिमय दर मुख्यमन्त्रीलाई बुझाए नवलपुरका किशोरीले ध्यानाकर्षण पत्र आजका लागि निर्धारित विदेशी मुद्राको दर एभरेष्ट अस्पताललाई काठमाडौँ महानगरले ५० हजार जरिवाना तिराउने यसरी गरौं गर्मी मौसममा छालाको हेरचाह प्रदेश अस्पतालको शय्या क्षमता सात सय पुर्याउन मन्त्रिपरिषद्को सैद्धान्तिक सहमति    आज विश्व पुस्तक तथा प्रतिलिपि अधिकार दिवस विपदमा खोज, उद्धार र राहत प्रतिकार्य गर्न आवश्यक : गृहमन्त्री लेखक आन्दोलनरत शिक्षक र प्रहरीबीच झडप जनकपुरमा पवित्र जानकी जन्मोत्सव सुरु नेपाल परिवार नियोजन सङ्घको साधारण सभा सम्पन्न माधव नेपाल विशेष अदालतमा हाजिर एसईईको नतिजा सार्वजनिक विकासको मार्गमा सरकार जनतासँग काँधमा काँध मिलाएर अगाडि बढ्छ : मन्त्री यादव सप्तरीमा सिटी रिक्सा चार्ज गर्ने क्रममा श्रीमान्, श्रीमतीको मृत्यु आज देशभर बदली हुने, कोशी र मधेस प्रदेशका केही स्थानमा भारी वर्षाको सम्भावना