सिरहा छोटी भन्सारको राजस्व सङ्कलनमा वृद्धि

ललितपुर । सिरहा जिल्लाको माडर मुख्य भन्सारअन्तर्गत पर्ने बरियारपट्टी छोटी भन्सारले पछिल्लो तीन आर्थिक वर्षमा राजस्व सङ्कलनमा उल्लेखनीय प्रगति गरेको छ ।

आव २०७९/८० मा जम्मा रु १९ लाख ६६ हजार मात्रै राजस्व सङ्कलन गरेको यस भन्सार कार्यालयले आव २०८०÷८१ मा रु ४६ लाख ५० हजार सङ्कलन गर्न सफल भएको थियो भने गत आव २०८१/८२ मा रु ७० लाख छ हजार राजस्व सङ्कलन गर्दै उल्लेखनीय वृद्धि देखाएको छ ।

छोटी भन्सार कार्यालयका प्रमुख शम्भु केसीका अनुसार हाल मासिक सरदर रु छ लाख बराबरको राजस्व सङ्कलन भइरहेको छ । उनले भने “सामान्यतः खाद्यान्न, किराना सामग्री, मेलापर्वका लागि आवश्यक सामग्री, खेलौना र सजावटका वस्तुहरू यो भन्सार नाका भएर आयात हुने गरेका छन् ।”

राजस्व वृद्धिको पछाडि सीमावर्ती व्यापारिक गतिविधिको विस्तार, चेकपोइन्ट व्यवस्थापनमा सुधार र आयातकर्ताको सक्रियताजस्ता कारण रहेको प्रमुख केसीको भनाइ छ । भारतसँग सीमा जोडिएको सिरहा जिल्लामा यो छोटी भन्सारले गाउँस्तरको सस्तो तथा दैनिक प्रयोगका सामग्री भित्र्याउन सहजता प्रदान गर्दै आएको छ ।

त्यस्तै, स्थानीय व्यवसायीहरूले भन्सारको सेवा प्रवाहमा भएको सुधार र सहज प्रक्रियाले व्यवसायमैत्री वातावरण बनाएको बताएका छन् ।

भन्सार प्रमुख केसीले आगामी महिनामा राजस्व सङ्कलन अझ बढ्ने विश्वास व्यक्त गरे । भारतसँग सिमाना जोडिएको यस जिल्लामा माडर र ठाडी गरी दुईवटा मूल भन्सार रहेका छन् भने एउटा छोटी भन्सार सञ्चालनमा रहेको छ ।

थप समाचारहरु

घट्यो सुनको मूल्य, आज कतिमा हुँदैछ कारोबार ? नेपालको आर्थिक वृद्धिदर ४.५ प्रतिशत पुग्ने विश्व बैंकको प्रक्षेपण सुन–चाँदीको मूल्यमा भारी गिरावट आजका लागि निर्धारित विदेशी मुद्राको विनिमयदर यस्तो छ आठ महिनामा साढे १० खर्ब विप्रेषण यस्तो छ आज लागि निर्धारित विदेशी मुद्राको विनिमय दर बूढीगण्डकी प्रभावित करिव ८० रोपनी जग्गाको मुआब्जा निर्धारण शोधनान्तर स्थिति तीन खर्ब ४६ अर्ब २३ करोडले बचतमा प्राथमिकताका आधारमा बजेट विनियोजन गरिनुपर्छ : पूर्वअर्थमन्त्री महत सहकारीको रकम अपचलन गर्नेको सम्पत्ति लिलाम गरी बचतकर्तालाई फिर्ता गरिने बागमती प्रदेशको बजेट, कुन जिल्लामा कति ? धरहराबाट मात्र चार करोड ३३ लाख राजस्व संकलन, अब विहान ८ बजेदेखि बेलुका ८ बजेसम्म खुला रहने प्रधानमन्त्री र अर्थमन्त्रीविरुद्धको मुद्दा पूर्ण सुनुवाइका लागि पेस गर्न आदेश लगानीको उचित वातावरण नहुँदा बैंकमा थुप्रियो पैसा : राष्ट्र बैंकले आज पनि ५० अर्ब निक्षेप खिच्दै प्रतिव्यक्ति आम्दानी बढेको कारण देखाउँदै विश्व बैङ्क र जापानले सहुलियतपूर्ण ऋणको ब्याजदर बढाए नेशलन लघुवित्तको नाफा १३६.३३ प्रतिशतले वृद्धि प्रस्तावित वैकल्पिक विकास वित्त कोषको पुँजी संरचनाबारे सांसदहरू र अर्थमन्त्रीबीच फरक मत तीज नजिकिएसँगै सुनचाँदीको मूल्यमा गिरावट, आज कतिमा हुँदैछ कारोबार ?