सुदूरपश्चिममा गौरापर्वः आज मुख्य दिन अठ्यावाली

बैतडी । बैतडीसहित सुदूरपश्चिम प्रदेशमा मनाइने गौरापर्वको मुख्य दिन आज दुर्वाष्टमी अर्थात् अठ्यावाली मनाइँदैछ । हिजो साँझ गौराघरमा भित्रयाएको गौरालाई आज बर्तालु महिलाले गौरा मन्दिरको गौराखला (आँगन)मा लगेर पूजा गर्ने चलन रहिआएको पण्डित जयानन्द भट्टले बताए।

बर्तालु महिलाले बिरुडाले दिनभरि फाग गाएर बिरुडा (विभिन्न पाँच थरिका अन्न)ले गौरादेवीको पूजा गर्ने गरेका छन् । हिजो गौरादेवीमा चढाएको दुबधागो (मन्त्रिएको एक किसिमको धागो) पनि आजै महिलाहरूले धारण गर्ने गर्दछन् । तागाधारी पुरुषहरूले जनै धारण गरेजस्तै यहाँका महिलाले अभिमन्त्रित दुबधागो धारण गर्ने गर्दछन् ।

गौराघरबाट गौरालाई सिङ्गारेर गौराखलामा लग्ने गरिन्छ । सोही खलामा महिलाले सामूहिक अठ्यावाली गाउँदै पूजा गर्ने चलन छ । गौराको उत्पत्ति, महेश्वरसँगको विवाहलगायत प्रसङ्ग बर्तालु महिलाले फागमार्फत नै भन्ने गरेका छन् । बर्तालुले गौराको पूजन गरिसकेपछि मुख्य प्रसादका रूपमा रहेको बिरुडाले आफ्ना श्रीमान्, छोराछोरी र आफन्तजनको चिरायु दीर्घायुको कामना गर्दै टाउको पुज्ने गर्दछन् । पुरुषहरूले ठाडोखेल, ढुस्को धमारीलगायत ऐतिहासिक संस्कृतिमा आधारित खेलहरू खेल्ने गर्दछन् ।

महिलाले आफ्नो अटल सौभाग्य, समृद्धि, सन्तान र परिवारमा सुख, शान्तिका लागि व्रत बसी पूजाआजा गर्ने मान्यता रहेको संस्कृतिका जानकार आचार्य विष्णुदत्त भट्टले बताउनुभयो । सुदूरपश्चिमेलीहरूले दसैँभन्दा पनि बढी महत्वका साथ यस पर्वलाई मनाउने गरेका छन् । त्यसैले गौरामा परदेशिएकाहरू पनि घर फर्किने गरेका छन् । गौरामा विवाहित चेलीहरू पनि माइत आउने चलन छ ।

यसैबीच गौरापर्वकै अवसरमा सुदूरपश्चिम प्रदेशमा आइतबार र सोमबार सार्वजनिक बिदा दिइएको छ । सरकारले आइतबार भदौ १५ र प्रदेश सरकारले भदौ १६ गते सोमबार गौरापर्वको बिदा दिएपछि सुदूरपश्चिममा दुई दिन सार्वजनिक बिदा कायम भएको हो ।

थप समाचारहरु

महेन्द्रनगर आँखा अस्पतालमा भारतीय विरामीको आकर्षण बढ्दै भारत–चीन सम्झौतामा लिम्पियाधुरा–लिपुलेक समेटिँदा माओवादी केन्द्रको आपत्ति सुदूरपश्चिममा आजदेखि गौरा पर्व सुरु, घरघरमा बिरुडा भिजाइँदै गौरामय सुदूरपश्चिम : आज ‘नानी गौरा’ मनाइँदै म्याग्दीको एउटै गाउँपालिकाबाट एक करोड ५० लाख बढीको बिक्री पेट्रोलियम पदार्थको अन्वेषण अन्तिम चरणमा राजस्थान रोयल्सको पहिलो जित सहकारीलाई वाणिज्य बैंक सरह सुपरीवेक्षण गरिने नेपाल मेडिकल कलेजद्वारा विशेषज्ञ चिकित्सक सहित जनशक्ति माग हेटौटा सिमेन्ट उद्योग पुनः सुचारु काठमाडौंमा सहकारी पीडितहरुको प्रदर्शन मुक्तिनाथ गुठीको सत्र हजार रोपनी जग्गा रैतानमा परिणत प्रसाईँ पक्राउ भएका छैनन् : प्रहरी अमेरिकाले युक्रेनमा थप हतियार पठाउने : ट्रम्प आषाढ शुक्ल पूर्णिमाः गुरु पूर्णिमा र व्यास जयन्ती मनाइँदै पत्रकार र सञ्चारमाध्यमलाई आचारसंहिता पालना गर्न प्रेस काउन्सिलको अपील नेप्से परिसूचक ३४ अङ्कले बढ्यो जुकरबर्गको प्रयासमा ‘क्याम्ब्रिज एनालिटिका’ प्रकरणको मुद्दाको समाधान