२०८२ श्रावण २३
51 views

ललितपुर । आज नेपाली बजारमा सुनको मूल्यले नयाँ रेकर्ड बनाएको छ । शुक्रबार सुनको मूल्य प्रतितोला एक हजार रुपैयाँले बढेर नयाँ रेकर्ड बनाएको हो ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला एक लाख ९९ हजार ४०० रुपैयाँमा कारोबार भइरहेको छ। अघिल्लो दिन अर्थात बिहीबार छापावाला सुन प्रतितोला एक लाख ९८ हजार ४०० रुपैयाँमा कारोबार भएको थियो । सुनको मूल्यले गत बुधबार कायम भएको रेकर्ड आज ब्रेक गरेको हो । बिहीबारको बजारमा सुनको मूल्य स्थिर रहेको थियो ।
त्यसैगरी आज चाँदीको मूल्य पनि तोलामा १० रुपैयाँ बढेको छ। शुक्रबार चाँदी तोलाको दुई हजार ३२५ रुपैयाँ खरिदबिक्री भइरहेको छ । बिहीबारको बजारमा चाँदी दुई हजार ३१५ रुपैयाँमा कारोबार भएको थियो ।
फेसबुकबाट तपाईको प्रतिक्रिया