सुनको मूल्य हालसम्मकै उच्च

काठमाडौं, चैत १ । नेपाली बजारमा आज (शुक्रबार) सुनको मूल्य हालसम्मकै उच्च पुगेको छ । सुनको मूल्य आज नयाँ रेकर्ड कायम गरेको छ । यसअघिका सबै रेकर्ड तोड्दै सुनको मूल्य तोलामा १ लाख ७४ हजार ५०० रुपैयाँ पुगेको हो ।

यसअघि सुनको मूल्य १ लाख ७१ हजार रुपैयाँ पुग्दा रेकर्ड कायम भएको थियो । उक्त रेकर्ड पनि तोडेर आज मूल्य उच्च बन्न पुगेको हो । नेपाल सुनचाँदी व्यवसायी महासंघका अनुसार बुधबार छापावाल सुनको मूल्य १ लाख ७० हजार ५०० रुपैयाँ पुगेको थियो । बिहीबार सार्वजनिक बिदा भएकाले मूल्य निर्धारण भएको थिएन । शुक्रबार भने सुनको मूल्य एकैसाथ ४ हजार रुपैयाँ बढेर तोलामा १ लाख ७४ हजार ५०० रुपैयाँ पुगेको छ।

त्यस्तै बुधबार तोलामा २ हजार रुपैयाँ कायम भएको चाँदीको मूल्य बढेर २ हजार ५० रुपैयाँ कायम भएको छ ।