स्मार्टच्वाइस टेक्नोलोजिज, पीसीआई एसएससीको क्षेत्रीय बोर्ड सदस्यमा छनोट

ललितपुर। नेपाल राष्ट्र बैंकबाट अनुमतीपत्र प्राप्त भुक्तानी प्रणाली सञ्चालक स्मार्ट च्वाइस टेक्नोलोजिज् लिमिटेड (SCT), Payment Card Industry Security Standards Council (PCI SSC) को दक्षिण एशिया क्षेत्रीय बोर्ड (Regional Engagement Board) को सदस्यका रूपमा चयन भएको छ।

यस बोर्डमा नेपालबाट छनौट हुने एकमात्र संस्था SCT रहेको छ भने SCT का अतिरिक्त Google Inc, National Payments Corporation of India (NPCI), Euronet USA LLC जस्ता भुक्तानी क्षेत्रका ठूला संस्थाहरूको समेत प्रतिनिधित्व रहनेछ।

Payment Card Industry Security Standards Council (PCI SSC) एक विश्वव्यापी मञ्च हो, जसले PCIDSS लगायतका अन्तर्राष्ट्रिय भुक्तानी सुरक्षाका मापदण्डहरूको विकास र प्रवर्द्धन गर्दै भुक्तानी कारोबारमा निहित साइबर जोखिम र सुरक्षा जोखिमहरू न्यूनीकरण गर्न र रोक्न सहयोग पुर्‍याउँछ।

भारत-दक्षिण एशियामा पहिलो पटक गठन भएको यस क्षेत्रिय बोर्डमार्फत PCI Security Standards Council (PCI SSC) ले डिजिटल भुक्तानी क्षेत्रमा यस क्षेत्रको बढ्दो महत्वलाई प्रतिबिम्बित गर्दै विश्वव्यापी सहकार्यलाई थप विस्तार गरेको छ।

क्षेत्रीय संलग्नता बोर्ड (REB) का सदस्यका रूपमा, SCT ले निम्न भूमिकाहरू निर्वाह गर्नेछ-

• दक्षिण एशियामा भुक्तानी सुरक्षासम्बन्धी चुनौतीहरू र अवसरबारे PCI SSC लाई परामर्श प्रदान गर्ने।
मापदण्ड र कार्यक्रम विकाससम्बन्धी सुझाव तथा प्रतिक्रिया दिने।
• दक्षिण एशियाभर PCI SSC का मापदण्ड र उत्कृष्ट अभ्यासबारे शिक्षा तथा सचेतना बढाउन मध्यस्तकर्ताको भूमिका निर्वाह गर्ने।

स्मार्ट च्वाइस टेक्नोलोजीज् लिमिटेडका प्रमुख कार्यकारी अधिकृत मनोज घिमिरे भन्छन्, ‘हामीलाई यो प्रतिष्ठित विश्वव्यापी मञ्चमा नेपालको प्रतिनिधित्व गर्न पाउँदा सम्मानित महसुस भइरहेको छ। यस सम्मानले नेपाल र दक्षिण एशियामा सुरक्षित डिजिटल भुक्तानी प्रवर्द्धन गर्ने SCT को प्रतिवद्धतालाई पुष्टि गर्दछ। हामी हाम्रो भुक्तानी कार्डको विशेषज्ञता मार्फत योगदान गर्न र भुक्तानी प्रणालीलाई अझ सबल बनाउने हेतु क्षेत्रीय सहकार्यलाई मजबुत बनाउन तात्पर छौं।’

स्मार्ट च्वाइस टेक्नोलोजीज लिमिटेड (SCT) नेपालको पहिलो डोमेस्टिक कार्ड नेटवर्क तथा नेपाल राष्ट्र बैंकबाट भुक्तानी प्रणाली संचालकको अनुमती प्राप्त संस्था हो। सन् २००१ मा स्थापित यो संस्थाले कार्ड सेवाका अतिरिक्त QR तथा अन्य डिजिटल भुक्तानीका सेवामार्फत २३ बैंक तथा वित्तीय सँस्था, १० भुक्तानी सेवा प्रदायक तथा ८० भन्दा बढी सहकारी संस्थामार्फत लाखौं सर्वसाधारणलाई सेवा पुर्याउँदै आइरहेको छ।

वित्तीय समावेशीकरण, नवप्रवर्तन, र डिजिटल रूपान्तरणमा ध्यान दिँदै SCT ले नेपालको डिजिटल अर्थतन्त्रमा महत्वपूर्ण भूमिका निर्वाह गर्दै आएको छ।

थप समाचारहरु

वाइडवडी इन्जिन मर्मतमा चलखेल भएको भन्ने समाचारमा सत्यता नभएको निगमको दाबी नेपाल टेलिकमको बिहिवारदेखि लागू हुने गरी ‘मनसुन अफर २०८२’ सिजी मोटर्सद्धारा नेपालकै पहिलो पिकअप ‘रिड्डारा आरडी ६’ सार्वजनिक नौ अर्ब ५० करोड नाफामा नेपाल आयल निगम झापामा कोशी प्रदेशस्तरीय विज्ञान तथा प्रविधि प्रदर्शनी निरन्तर घट्दो नाफाले सङ्कटोन्मुख टेलिकम सेवाप्रदायक ग्लोबल आइएमई बैंकद्वारा इभि चार्जिङ स्टेशन सञ्चालन सूचना प्रविधि तथा साइबर सुरक्षा विधेयकमा परिमार्जन गर्न माग एआई र हरित विकासमा सर्बियाको ऐतिहासिक लगानी पोखरा फाइनान्स र समृद्धि फाइनान्स मर्ज हुँदै अनलाइन टिभी पत्रकार सङ्घद्वारा एआई आचारसंहिता जारी फ्रि वाइफाइमाथि कडाइ गर्दै सरकार अब इम्बोस्ड नम्बर अनिवार्य टिकटकले यौन दुर्व्यवहारसम्बन्धी जनचेतना र सहयोगका लागि नेपालमा सुरु गर्यो ‘सर्च गाइड’ अनलाइन सञ्चारमाध्यम दर्ता तथा नवीकरण जिल्ला प्रशासन कार्यालयमार्फत मात्र गर्नुपर्ने व्यवस्था बिरुद्ध परेको रिटको प्रारम्भिक सुनुवाइका लागि मंगलबारका लागि पेसी डिजिटल नेपाल कन्क्लेभ २०२५ सम्पन्न, गगन थापादेखि सञ्चार, अर्थमन्त्रीसहित प्रधानमन्त्रीसम्मले गरे डिजिटल रुपान्तरणका कुरा नेपाल बैंक र ओम अध्याय रिट्रिटबीच सम्झौता अनलाइन सञ्चारमाध्यम दर्ता र नवीकरणका अवरोध हटाउन नेपाल पत्रकार महासङ्घले दियो ७२ घण्टाको अल्टिमेटम