बिजनेस पाटी
ललितपुर - ललितपुर। हमासले इजरायललाई कञ्चनपुरका विपिन जोशी सहित चार बन्धकको शव फिर्ता गरेको छ । विपीन कञ्चनपुरका एक विद्यार्थी थिए, अध्ययनका लागि इजरायल पुगेका उनलाई ७ अक्टोबर २०२३ मा किबुत्ज अलुमिमको एक फार्मबाट अपहरण गरिएको थियो ।
उनी लर्न एन्ड अर्नु (सिक र कमाउ) कार्यक्रमअन्तर्गत इजरायल गएका थिए । यसबाहेक, गाई इलौज, योसी शाराबी र ड्यानियल पेरेजको शव पनि इजरायल लगिँदैछ ।
यसअघि, हमासले सोमबार सबै २० इजरायली बन्धकहरूलाई रिहा गरेको थियो । उनीहरूलाई ७ र १३ को दुई समूहमा छोडिएको थियो ।
अब हमासले आफूसँग कुनै पनि जीवित इजरायली बन्धक नरहेको बताइएको छ । यसको बदलामा इजरायलले हालसम्म २५० प्यालेस्टिनी कैदीहरूलाई रिहा गरिसकेको छ ।
इजरायलका विभिन्न अस्पतालहरूमा रिहा गरिएका बन्धकहरू आफ्ना परिवारसँग पुनर्मिलन हुँदा र वेस्ट बैंक र गाजा पट्टीमा मुक्त भएका प्यालेस्टिनी कैदीहरूले आफन्तहरूलाई भेट्दा बसमा ठूलो भीडको सामु आइपुग्दा भावनात्मक दृश्यहरू देखा परेका थिए । सीएनएन