हमास गाजामा स्थायी युद्धविरामका लागि नयाँ शान्ति वार्ताका लागि तयार

ललितपुर । हमासले बिहीबार एक वक्तव्यमार्फत गाजामा स्थायी युद्धविराम सम्झौताका लागि नयाँ र गम्भीर वार्तामा सहभागी हुन इच्छुक रहेको जनाएको छ । हमासका वरिष्ठ अधिकारी तथा वार्ता टोलीका प्रमुख खलिल अल–हय्याले भने “हामी सबै सम्बन्धित पक्षहरूसँग मिलेर युद्धको अन्त्य, स्थायी युद्धविराम, गाजा क्षेत्रबाट कब्जा हटाउने, आम जनताका लागि तत्काल राहत तथा नाकाबन्दी अन्त्य गर्ने र सम्मानजनक बन्दी विनिमय सम्झौता गर्ने प्रयास गरिरहेका छौं ।”

उनले थपे,“मध्यस्थकर्तासँगको संवाद निरन्तर जारी छ र वार्ताको नयाँ चरणका लागि तयारी भइरहेको छ । यसैगरी, अल–हय्याले हामीले अमेरिकाबाट प्रस्तावित पछिल्लो युद्धविराम प्रस्तावलाई अस्वीकार नगरेको तर युद्ध अन्त्य सुनिश्चित गर्न केही आवश्यक सुधारहरू गर्नुपर्ने बताएको उल्लेख गरे । उनले हमास गाजाको प्रशासन जिम्मा, यदि सबै पक्षको सहमति हुन्छ भने, कुनै पनि पेशागत र राष्ट्रिय प्यालेस्टिनी निकायलाई तुरुन्त हस्तान्तरण गर्न तयार रहेको स्पष्ट गरे ।

मार्च १८ मा इजरायलले गाजामा सैन्य गतिविधि पुनः सुरु गरेपछि जनवरीमा भएको युद्धविराम प्रभावकारी रूपमा समाप्त भएको थियो । पछिल्ला केही प्रयासहरू भए पनि स्थायी युद्धविराम कायम गर्न अझै सफलता मिल्न सकेको छैन । गाजाका स्वास्थ्य अधिकारीहरूले जारी गरेका तथ्याङ्क अनुसार, सन् २०२३ को आक्रमण सुरु भएदेखि गाजामा ५४ हजार ६ सय ७७ जनाको मृत्यु भएको छ ।

थप समाचारहरु

फ्रान्सकी प्रधानमन्त्री एलिजाबेथले दिइन् राजीनामा विश्व शेयर बजार त्रसित भएपछि अतिरिक्त भन्सार महसुलप्रति ट्रम्पको लचकता अमेरिका सबै राज्यमा ट्रम्पविरुद्ध विरोध प्रदर्शन १० प्रतिशत आधारभूत कर कायम रहने सम्भावना : ट्रम्पका शीर्ष आर्थिक सल्लाहकार पूर्वी भारतमा आठ जना सशस्त्र विद्रोही मारिए अमेरिकाको प्रतिष्ठित ACP Osler Cup पुरस्कार जित्ने पहिलो नेपाली चिकित्सक बनिन् डा.बोहोरा ‘भारत र पाकिस्तान सैन्य कारबाही रोक्न सहमत’ भारत–पाकिस्तानबीच आज वार्ता हुँदै वैश्विक व्यापार तनावबीच इन्डोनेसियामा विद्युतीय सवारीसाधन क्षेत्रमा तीव्र लगानी चीनसँग नयाँ व्यापार तनाव हुनसक्ने ट्रम्पद्वारा सङ्केत चर्चित टिकटक स्टारको गोली हानी हत्या युक्रेनमाथि हालसम्मकै ठूलो रूसी आक्रमण, कूटनीतिक समाधानको सम्भावना न्यून भारतद्वारा बोइङ जेटहरूमा इन्धन स्विचहरू जाँच गर्न एयरलाइन्सहरूलाई आदेश मकाउका पूर्व सांसदको गिरफ्तारीको इयूद्वारा निन्दा सुटकेसमा बच्चासहित यात्रा गर्ने न्युजिल्याण्डकी एक महिला पक्राउ भारतको उत्तरकाशीमा आएको बाढीले १०० भन्दा बढी बेपत्ता भएको आशंका प्राविधिक गडबडीका कारण अमेरिकाभर हवाइ सेवा बन्द, विमानस्थलमा यात्रुहरू अलपत्र चिलीमा ७ करोड ४० लाख वर्ष पुरानो स्तनपायी जीवाश्म फेला