हुलाक बचत बैङ्कको रकम अनियमितता अभियोगमा मुद्दा दायर

काठमाडौँ । अख्तियार दुरुपयोग अनुसन्धान आयोगले जिल्ला हुलाक कार्यालय बाराका तत्कालीन कार्यालय प्रमुख जयलालप्रसाद साह कानूसहित छजनाविरुद्ध सार्वजनिक सम्पत्ति हानी नोक्सानी गरी भ्रष्टाचार गरेको अभियोगमा विशेष अदालतमा मुद्दा दायर गरेको छ ।

आयोगले २०६० सालदेखि हुलाक बचत बैङ्कको जिम्मा लिँदै आएकाहरुले बचतकर्ताको रकमको अभिलेख नराखी आफूखुसी अपचलन गरेको अनुसन्धानका क्रममा पाइएकाले मुद्दा दायर गरिएको जनाएको छ । उनीहरुले बैङ्कमा जनताको निक्षेप सङ्कलन गरी बचतकर्ताको पासबुक, लेजरमा मात्रै प्रविष्ट गरेको र कार्यालयको नगदी रजिष्टरमा नराखेको, बैङ्क दाखिला नगरी आफूखुसी बाँडफाँड गरी अपचलन गरेको अनुसन्धानका क्रममा पाइएको आयोगको ठहर छ ।

जिल्ला हुलाक कार्यालय बाराका तत्कालीन प्रमुख जयलालप्रसाद साह कानू, अदालतप्रसाद कुर्मी, बुन्नीप्रसाद यादव, सुरेन्द्रप्रसाद यादव, सुजितकसुमार साह, तत्कालीन नासु बलिरामप्रसाद कुर्मीलगायतले रु पाँच करोड ३५ लाख ६४ हजार २७९ बराबरको रकम हिनामिना गरेको आयोगको अभियोग छ ।

उनीहरुविरुद्ध कैद, जरिवाना र बिगोसमेत असुल उपरको गरी पाऊँ भन्दै आयोगले मुद्दा दायर गरेको प्रवक्ता राजेन्द्रकुमार पौडेलले जानकारी दिए। रासस

थप समाचारहरु

कर्मचारी सञ्चय कोषले बाँड्यो पाँच अर्ब ३४ करोड मुनाफा सुन–चाँदीको मूल्यमा भारी गिरावट प्रधानमन्त्रीद्वारा झापाको गौरादहस्थित नगर अस्पतालको शिलान्यास आजका लागि निर्धारित विदेशी मुद्राको विनिमयदर वि.सं. २०८१ लेखिएको ५ रुपैयाँका नयाँ नोट आजबाट चलनचल्तीमा आउँदै सुनको मूल्यले बनाउँदैछ दैनिक रेकर्ड, कति पुग्यो आज ? स्रोत नखुलेको ९५ लाख १७ हजार पाँचसय सहित चार जना पक्राउ साउदीमा ४० वर्ष संघर्ष : ६१ वर्षको उमेरमा ९१ करोडको पुरस्कार आजका लागि निर्धारित कृषिउपजको थोक मूल्य विवरण सुनको मूल्यमा निरन्तर गिरावट, आज कतिमा हुँदैछ कारोबार ? आजका लागि निर्धारित विदेशी मुद्राको विनिमयदर यस्तो छ आजको विदेशी मुद्राको विनिमयदर रु ५३ लाख लागतमा विद्यालयको पक्की भवन निर्माण मेयर र प्रशासकीय अधिकृत बीचको विवादका कारण काठमाडौं महानगरपालिको बजेट अन्योलमा एघार महिनामा ४० प्रतिशत विकास खर्च नयाँ बैंक नोट प्रकाशनको लागि चित्र र आकार स्वीकृत: साउन १६ लाई राष्ट्रिय कोदो दिवसका रूपमा मनाइने रङ्गशालाको काम नभएपछि १० करोडभन्दा बढी रकम फिर्ता हेटौँडा यातायात कार्यालयद्वारा ५७ करोड राजस्व सङ्कलन