हेटौँडा यातायात कार्यालयद्वारा ५७ करोड राजस्व सङ्कलन

बिजनेस पाटी

२०८२ श्रावण १३

51 views

ललितपुर । यातायात व्यवस्था कार्यालय हेटौँडाले आर्थिक वर्ष २०८१/८२ मा रु. ५७ करोड ४२ लाख ७६ हजार राजस्व सङ्कलन गरेको छ । अवधिमा नयाँ सवारीसाधन दर्ता, नवीकरण तथा सवारी चालक अनुमतिपत्र वितरणलगायतबाट उक्त राजस्व सङ्कलन भएको हो । यो रकम अघिल्लो आर्थिक वर्ष २०८०र८१ को तुलनामा रु एक करोड ३५ लाख ५९ हजारले बढी हुन आउँछ ।

गत आर्थिक वर्षमा साना र ठूला गरी जम्मा ६ हजार ९५ नयाँ सवारीसाधन दर्ता भएका हेटौंडा यातायात कार्यालयले जानकारी दिएको छ । अघिल्लो आर्थिक वर्ष अर्थात् २०८०/८१ को तुलनामा एक हजार ६९६ बढी नयाँ सवारीसाधन समेत दर्ता भएका छन् । उक्त कार्यालयले आव २०८०/८१ मा नयाँ सवारीसाधन दर्ता, नवीकरण तथा सवारीचालक अनुमतिपत्र वितरण वापत रु. ५६ करोड सात लाख १७ हजार राजस्व सङ्कलन गरेको थियो भने सोही आवमा चार हजार ३९९ नयाँ सवारीसाधन दर्ता भएको कार्यालयले जनाएको छ ।

यस्तै, आर्थिक वर्ष २०८१/८२ मा सवारीसाधन चालक अनुमतिपत्र वितरणबाट मात्र नौ करोड ६२ लाख ८१ हजार राजस्व संकलन भएको छ । विभिन्न सवारी करबाट रु. ३४ करोड ७९ लाख ९८ हजार, यातायात क्षेत्रको आम्दानीबाट रु. आठ करोड ९५ लाख ९४ हजार, सङ्घीयतातर्फ रु. चार करोड तीन लाख ९४ हजार तथा बेरुजुबाट रु. आठ हजार राजस्व सङ्कलन भएको जानकारी हेटौंडा यातायात कार्यालयले दिएको हो ।

त्यसैगरी, आर्थिक वर्ष २०८१/८२ मा मोटरसाइकल तीन हजार २२५, टेम्पो र ई–रिक्सा ८८९, जीपरकाररभ्यान ७६१, क्रेन/डोजर/एस्काभेटर/रट्रक ६८६, माइक्रो बस २८६, बस १४१, मिनी बस २० तथा ट्याक्टर १२ वटा दर्ता भएका छन्। यस अवधिमा सात हजार १२० सवारी चालक अनुमतिपत्र वितरण गरिएको छ । सो अवधिमा ६ हजार ३७१ नवीकरण, ९२ प्रतिलिपी, ९७ वटा नवीकरण र प्रतिलिपी दिइएको कार्यालयले जनाएको छ ।

थप समाचारहरु

फेसबुकबाट तपाईको प्रतिक्रिया