१० दिनभित्र चौथोपटक ऋणपत्र जारी गर्दै राष्ट्र बैंक

ललितपुर। नेपाल राष्ट्र बैंकले आज फेरि २५ अर्ब रुपैयाँको ऋणपत्र जारी गर्न लागेको छ । बैंकले यसपटक एकवर्षे अवधिका लागि २५ अर्ब रुपैयाँको ऋणपत्र निष्कासन गर्न लागेको हो ।

यसपटक राष्ट्र बैंकले ‘नेपाल राष्ट्र बैंक ऋणपत्र–२०८३ ‘घ’ उपकरण प्रयोग गरी ऋणपत्र निष्कासन गर्न लागेको हो ।

यसको बोलकबोल मंगलबार (पुस २२) मध्याह्न २ बजेसम्म अनलाइन प्रणालिमार्फत हुने बताइएको छ । यसको ब्याजदर पनि बोलकबोल प्रक्रियाबाटै निर्धारण हुने राष्ट्र बैंकले जनाएको छ ।

यसको सावाँ आगामी २०८३ पुस २२ गते हुनेछ भने ब्याज अर्धवार्षिक रूपमा भुक्तानी हुने छ ।

यस्तै, बोलकबोल प्रक्रियामा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउने र बैंक तथा वित्तीय संस्थाहरुले न्यूनतम पाँच करोड र अधिकतम पाँच करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्ने व्यवस्था छ ।
 
नौ दिनको अवधिमा राष्ट्र बैंकले यो चौथो पटक ऋणपत्र जारी गर्न लागेको हो ।
यसअघि पुस २० मा २५ अर्बकै ‘नेपाल राष्ट्र बैंक ऋणपत्र २०८३ ‘ग’ निष्कासन गरेको थियो भने पुस १६ मा एकवर्षे अवधिको २५ अर्ब रुपैयाँको ‘नेपाल राष्ट्र बैंक ऋणपत्र २०८३ ‘ख’ र पुस १४ मा पनि एकवर्षे अवधिको २५ अर्ब रुपैयाँको ‘नेपाल राष्ट्र बैंक ऋणपत्र २०८३ ‘क’ निष्कासन गरेको थियो ।

करिब १० वर्षको अन्तरालपछि गत सातादेखि ऋणपत्र जारी गर्न सुरु गरेको राष्ट्र बैंकले १० दिनभित्र चौथो पटक यो उपकरण प्रयोग गरेको हो।

थप समाचारहरु

गभर्नरमा पहिलो नम्बरमा अर्थशास्त्री विश्व पौडेलको नाम सिफारिस ग्लोबल आइएमई क्यापिटलको १० वर्ष अवधिको बन्दमुखी योजना -‘ग्लोबल आइएमई समुन्नत योजना–२’ बैङ्क दर र नीतिगत दर घटाइयो, आवास र शेयर कर्जामा राष्ट्र बैङ्क खुकुलो गर्भनर पौडेलद्वारा हस्ताक्षरित नयाँ नोट छापिँदै राष्ट्र बैंक २ अर्ब ९२ करोड लगानी गर्दै : प्रस्ताव पठाउन बैंक तथा वित्तीय संस्थाहरुलाई आह्वान कुमारी बैंकको नाफा २ अर्ब नाघ्यो ग्लोबल आइएमई बैंकको नाफामा वृद्धि, एकै वर्षमा कमायो ६ अर्ब २० करोड राष्ट्र बैंकले बजारबाट ५० अर्ब रुपैयाँ उठाउँदै वाणिज्य बैंकहरुले गरे असोज महिनाको लागि नयाँ ब्याजदर निर्धारण जेनजी आन्दोलनका क्रममा वाणिज्य बैंकहरूबाट करिब १८ किलो सुन र ५ करोड रुपैयाँभन्दा धेरै नगद लुटपाट आज पनि ५० अर्ब रुपैयाँ निक्षेप तान्दै राष्ट्र बैंक ५० रुपैयाँ दरका ४२ करोड थान नोट छाप्न राष्ट्र बैंक र चाइना बैंकबीच सम्झौता १९ अर्ब ५४ करोड बराबरका नोट जलाएर बनाइयो ब्रिकेट्स आजदेखि चुच्चे नक्सा भएको १ सय रुपैयाँको नयाँ नोट चलनचल्तीमा अमेरिकी डलरको भाउ हालसम्मकै उच्च बिन्दूमा, युरो र पाउन्ड स्ट्रलिङ पनि बढ्यो अमेरिकी डलरको मूल्य बढ्ने क्रम जारी, आजको मूल्य हालसम्मकै उच्च बैंकिङ प्रणालीबाट आज २० अर्ब रुपैयाँ खिच्दै राष्ट्र बैंक आज अमेरिकी डलरसँगै युरोपियन युरो पनि बढ्यो