बिजनेस पाटी
ललितपुर । गाजामा अहिलेसम्म कुनै पनि सहायता वितरण नभएको भन्दै संयुक्त राष्ट्रसङ्घले आपत्ति जनाएको छ । राष्ट्रसंघले गाजामा भोकमरीका कारण मृत्यु हुने बालबालिकाको संख्यालाई लिएर निकै खतरनाक चेतावनी दिएको छ ।
करिव ११ हप्ताको नाकाबन्दीपछि संयुक्त राष्ट्रसंघका मानवीय प्रमुख टम फ्लेचरले आगामी ३५ घण्टाभित्र मानवीय सहायता तुरुन्तै नपुगेमा भोकमरीकै कारण गाजामा १४ हजार बालबालिकाको ज्यान जान सक्ने बताएका छन् ।
बीबीसीलाई दिएको एक अन्तर्वार्तामा फ्लेचरले अहिले अवस्था यति नाजुक भइसकेको बताउँदै यदी समयमै सहयोग नपाए यो संकट नरसंहारमा परिणत हुन सक्छ । यद्दपी, इजरायली प्रधानमन्त्री नेतन्याहुले अन्तर्राष्ट्रिय दबाब पछि गाजामा ११ हप्तादेखि जारी रहेको राहत सामग्रीको नाकाबन्दीमा केही खुकुलो घोषणा गरेको बताए ।
यसका बाबजुद पनि सोमबार मात्र जम्मा ५ ट्रक गाजा प्रवेश गर्न सकेको थियो। यसलाई समुन्द्रको थोपा बताउँदै उनले यति सीमित स्रोत साधनले २० लाखभन्दा बढी जनताको आवश्यकता पूरा गर्न नसकिने बताए । इजरायली अधिकारीहरूले हिजो ९३ वटा ट्रक गाजामा प्रवेश गरेको बताए पनि संयुक्त राष्ट्रका अधिकारीले गाजा पठाइएका ट्रकहरू अझै पनि सीमाको अर्को छेउमा अड्किएका कारण सर्वसाधारणसम्म पुग्न नसकेको बताएको छ ।
यसमा मुख्यतया बालबालिकाका लागि पोषणयुक्त खानेकुरा र शिशुको खानाको भार समावेश थियो, जसको ज्यान खतरामा परेका बालबालिकासम्म पुग्न सकेको छैन । गाजामा राहत सामाग्री भए पनि प्रयोग हुन नसकेको अवस्था यति बिग्रिएको छ ।
गाजा अहिले डरलाग्दो मानवीय संकटबाट गुज्रिरहेको छ । खानेपानी, बिजुली, औषधि र खाद्यान्न जस्ता आधारभूत आवश्यकताहरू लगभग हराइ नै सकेका छन्। अस्पतालमा ठाउँ छैन र हजारौं बालबालिका भोकमरी र कुपोषणबाट पीडित छन् । संयुक्त राष्ट्रसंघले यसलाई मानव निर्मित संकट भनेको छ र यसलाई पूर्ण रूपमा रोक्न सकिने बताएको छ। यदि अन्तर्राष्ट्रिय समुदायले दबाब सिर्जना गरी तत्काल राहत सामग्री पुर्याउने व्यवस्था मिलाउनुपर्छ ।
संयुक्त राष्ट्रसंघले यो संकट मानवीय भन्दा पनि राजनीतिक भएको स्पष्ट रुपमा भनेको छ । राहत सामग्रीलाई युद्ध रणनीतिबाट अलग नगरेसम्म निर्दोष बालबालिकाको जीवन बचाउन असम्भव छ । म फ्लेचरले बालबालिकाको जीवन बचाउनलाई प्राथमिकता दिन र तत्काल, बिना शर्त राहत दिन सम्बन्धित सबैलाई अपिल गरेका छन्, अन्यथा आगामी ४८ घण्टा इतिहासको सबैभन्दा लाजमर्दो क्षणका रूपमा गनिनेछ।
राष्ट्रसङ्घका अनुसार ११ हप्ताको नाका बन्दीपछि सहायता ट्रकहरू सीमा पार गर्न थाले पनि सहायता सामग्री भने वितरण भएको छैन । एजेन्सी
थप समाचारहरु
भारत र युरोपेली इएफटिएबीच १०० अर्ब डलरको स्वतन्त्र व्यापार सम्झौता
रुसको राष्ट्रपतिमा पुनः पुटिन
श्रीलङ्काको पर्यटन आम्दानी ६६ प्रतिशतले बढ्यो
दक्षिण अफ्रिकामा हुने जी–२० शिखर सम्मेलन अमेरिकी राष्ट्रपति ट्रम्प नजाने
फ्रान्स : अमेरिका–इरान वार्ताको स्वागत तर ‘सतर्क’
थाइल्याण्डमा विमान दुर्घटना, विमानमा सवार पाँच जनाको मृत्यु
रोबर्ट प्रिभोस्ट बने नयाँ पोप
किन बढ्यो एकाएक अन्तर्राष्ट्रिय कच्चा तेलको मूल्य ?
एप्स्टिनको फाइलमा’ ट्रम्पको नाम पनि रहेको दाबी गरिएको मस्कको पोस्ट हटाइयो
भारतको उत्तराखण्डमा हेलिकप्टर दुर्घटना, सबै यात्रुको मृत्यु
इरानमाथिको आक्रमणपछि आपतकालीन बैठक बोलाउने तयारीमा अन्तर्राष्ट्रिय आणविक ऊर्जा संस्था
ईरान–इजरायल युद्धविरामपछि स्थिति शान्त हुँदै, दुबै पक्षबाट गम्भीर प्रतिक्रिया
एआई र हरित विकासमा सर्बियाको ऐतिहासिक लगानी
रुसी आक्रमणपछि ट्रम्पद्वारा नयाँ प्रतिबन्धको सङ्केत
एयर इन्डिया दुर्घटना : प्रारम्भिक प्रतिवेदनमा इन्धन आपूर्ति बन्द भएको खुलासा
सडक दुर्घटनामा परी अमेरिकामा दुई नेपाली विद्यार्थीको मृत्यु
रुसी आक्रमणमा युक्रेनमा पाँचको मृत्यु, युक्रेनी ड्रोन आक्रमणले रुसको तेल प्रशोधन केन्द्रमा क्षति
ट्रम्पविरुद्धको ४६ करोड डलर जरिवानाको सजाय उल्टियो
फेसबुकबाट तपाईको प्रतिक्रिया