आज बजारबाट ५० अर्ब निक्षेप खिच्दै राष्ट्र बैंक

ललितपुर । वित्तीय प्रणालीमा अधिक तरलता जम्मा भएपछि नेपाल राष्ट्र बैंकले आज बजारका ५० अर्ब रुपैयाँ निक्षेप खिच्न लागेको छ । गत शुक्रबार मौद्रिक नीति सार्वजनिक भएपछि राष्ट्र बैंकले आज पहिलोपटक निक्षेप संकलन गर्न लागेको हो । बोलकबोलमार्फत राष्ट्र बैंकले आइतबार निक्षेप खिच्न लागेको हो ।

हाल कुल निक्षेप ७१ खर्ब भन्दा बढी पुगेको छ । केन्द्रीय बैंकले वित्तीय प्रणालीको अधिक तरलता र ब्याजदर व्यस्थापनका लागि निक्षेप संकलन उपकरण र स्थायी निक्षेप सुविधामार्फत तरलता खिच्दै आएको छ ।

पछिल्लो केही समयदेखि वित्तीय प्रणालीमा निक्षेप चुलिँदा केन्द्रीय बैंकले यसरी निक्षेप संकलन गर्दै आएको छ । आज पनि अनलाइन खरिद प्रणालीमार्फत बोलकबोल गर्न लागिको छ र ब्याजदर बोलकबोलको माध्यमबाट निर्धारण हुने छ भने आज बोलकबोल हुने निक्षेप संकलन उपकरणको सावाँ तथा ब्याज २०८२ साउन १ गते भुक्तानी हुने राष्ट्र बैंकले जानकारी दिएको छ । बोल गर्न सकिने रकम न्युनतम १० करोड रुपैयाँ र अधिकतम ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म हुनेछ ।

बोलकबोलमा राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन् । दीर्घकालीन निक्षेप संकलन रकम बाँडफाँट गर्दा काउण्टर पार्टीहरूले बोल गरेका ब्याजदरअनुसार सबैभन्दा कम दर बोल गर्ने रकम प्राथमिकता क्रममा राखी आह्वान गरेको रकमसम्म क्रमशः बाँडफाँट गरिनेछ ।

वित्तीय बजारमा दीर्घकालीन प्रकृतिको अधिक तरलता स्थिति देखिए त्यसको व्यवस्थापन गरी बजार ब्याजदर व्यवस्थित गर्न कारोबार सञ्चालन समितिले आवश्यकता अनुसार कुनैपनि दिन संरचनात्मक खुला बजार कारोबार अन्तर्गत बढीमा ६ महिना अवधिको दीर्घकालीन निक्षेप संकलन उपकरण प्रयोग गर्न सक्ने व्यवस्था छ । यही व्यवस्था टेकेर केन्द्रिय बैंकले पटकपटक निक्षेप संकलन उकरण प्रयोग गर्दै आएको छ ।

थप समाचारहरु

सिटिजन्स बैंकद्वारा बेबी लाईफ होमलाई आर्थिक सहयोग यस्तो छ आजाको लागि विदेशी मुद्राको विनिमयदर वैशाखबाट वाणिज्य बैंकहरुले घटाए ब्याजदर सिटिजन्स बैंकद्वारा रक्षा नेपाललार्ई सहयोग प्रदान प्रभु बैंक लिमिटेड तथा कृषिबजार व्यवस्थापन समितिबीच व्यवसायिक साझेदारी सम्झौता सम्पन्न आजका लागि निर्धारित विदेशी मुद्राको विनिमयदर राष्ट्रिय वाणिज्य बैंकको ७ प्रतिशत ब्याजदर भएको ७ वर्षे ऋणपत्र आजबाट निष्काशन सोमबारका लागि निर्धारित विदेशी मुद्राको विनिमयदर आजका लागि निर्धारित विदेशी मुद्राको विनिमयदर ग्लोबल आइएमई क्यापिटलको १० वर्ष अवधिको बन्दमुखी योजना -‘ग्लोबल आइएमई समुन्नत योजना–२’ बैंकहरूको वर्गीकरणको विषयमा छलफल भइरहेको छ – गभर्नर पौडेल आगामी आवको मौद्रिक नीतिको अन्तिम तयारी गर्दै राष्ट्र बैंक लघुवित्तको लाभांशसम्बन्धी व्यवस्थामा पुनरावलोकन गरिने गर्भनर पौडेलद्वारा हस्ताक्षरित नयाँ नोट छापिँदै राष्ट्र बैंकले आज फेरि बजारबाट ५० अर्ब रुपैयाँ तान्दै राष्ट्र बैंक २ अर्ब ९२ करोड लगानी गर्दै : प्रस्ताव पठाउन बैंक तथा वित्तीय संस्थाहरुलाई आह्वान कुमारी बैंकको नाफा २ अर्ब नाघ्यो ग्लोबल आइएमई बैंकको नाफामा वृद्धि, एकै वर्षमा कमायो ६ अर्ब २० करोड