बिजनेस पाटी
ललितपुर । संघीय मामिला तथा सामान्य प्रशासन मन्त्री राजकुमार गुप्ताले आज प्रधानमन्त्रीको सचिवालयमा राजीनामा पत्र छाडेर सामाजिक सञ्जालमार्फत् जानकारी गराएका छन् । ७८ लाख घुस काण्डको अडियो सार्वजनिक भएपछि मन्त्री गुप्ताले पदबाट राजीनामा दिएका छन् ।
प्रधानमन्त्रीको सचिवालयमा राजीनामा पत्र छोडे पश्चात् उनले सामाजिक सञ्जालमा आफूलाई नखाएको विष लागेको बताएका छन् ।
“विगत केही दिन अघिदेखि निरन्तर मेरो नाम घुस डिलसँगै जोडेर प्रचारमा आएको कुरा सबैलाई विदितै छ । कहिलेकाहीँ नखाएको विष पनि लाग्दोरहेछ । म अहिले त्यसैको शिकार भएँ । अब लागेका आरोप अनुसन्धान गरी सत्य तथ्य कुरा बाहिर ल्याउन सहयोग पुगोस् भनेर सम्माननीय प्रधानमन्त्रीसमक्ष सामान्य प्रशासन मन्त्री पदबाट राजीनामा गरेको छु । प्रविधिको उच्चतम प्रयोगको शिकार अब अरु कोही पनि नबनुन् भन्ने अपेक्षा गर्दै आजसम्म विभिन्न रुपले आफूलाई सहयोग गर्नुहुनेहरुलाई हार्दिक धन्यवाद व्यक्त गर्दछु । अब फेरि एकपटक देश र जनताप्रति थप जिम्मेबारी बोधका साथ पार्टीले दिएको जिम्मेवारी इमान र निष्ठाका साथ पूरा गर्ने प्रतिवद्धताको साथ जनताको घर दैलोमा आउने प्रण गर्दछु ।”
राजीनामा लिएर बालुवाटार पुगेका गुप्ताले प्रधानमन्त्री केपी शर्मा ओलीलाई भने भेट्न पाएनन् । प्रधानमन्त्रीलाई भेट्न नपाएपछि स्वकीय सचिव राजेश बज्राचार्यलाई पत्र बुझाएर फर्किएका हुन् । “प्रधानमन्त्री सिनेट बैठकमा हुनुहुन्छ,” सचिवालयका एक सदस्यले भने, “उहाँले प्रधानमन्त्रीलाई भेट्न नपाएपछि स्वकीय सचिवलाई पत्र बुझाएर बाहिरिनुभएको हो ।”
सचिवालयका अनुसार प्रधानमन्त्रीले सोमबार २४ घण्टाभित्र राजीनामा बुझाउन निर्देशन दिएका थिए । सोही निर्देशनपछि गुप्ताले राजीनामा दिएका हुन् । गुप्ताले राजीनामा सम्बन्धमा त्यसपछि सामाजिक सञ्जालमार्फत् जानकारी गराएका हुन् ।
सरुवा रोक्न र नियुक्तिका लागि घुस ७८ लाखको बार्गेनिङ भएको अडियो सार्वजनिक भएपछि उनी सर्वत्र आलोचित हुँदै आएका थिए । उक्त अडियोमा उनले भूमि व्यवस्था तथा सहकारी मन्त्री बलराम अधिकारीको समेत नाम जोडेका थिए ।
थप समाचारहरु
राम्रो काम गर्ने कर्मचारीलाई दण्डित गर्ने काम भयो : शक्तिबहादुर बस्नेत
विमष्टेक शिखर सम्मेलनमा भाग लिन प्रधानमन्त्री ओली थाइल्याण्ड जाँदै
कानुन समितिको वार्षिक प्रतिवेदन पारित, आगामी संसद् बैठकमा पेस हुने
सहिदका सपना पूरा गर्ने अध्यक्ष दाहालको प्रतिबद्धता
नीति तथा कार्यक्रमको पक्षमा मतदान गर्न सांसदहरुलाई एमालेको ह्विप
प्रतिनिधिसभामा दुई प्रतिवेदन पेस
रवि लामिछानेको बन्दी प्रत्यक्षीकरणको रिट हेर्दाहेर्दैमा
‘गणतन्त्रको सुदृढीकरणका लागि राजनीतिक नेतृत्व सच्चिनुपर्छ’
प्रतिनिधिसभा बैठक बुधबार दिउँसो १ बजेसम्मका लागि स्थगित – सदन खोल्न रास्वपाको ५ बुँदे प्रस्ताव
अभिव्यक्ति स्वतन्त्रता विरुद्धका गतिविधि नगर्न र सञ्चारकर्मीमाथि जारी पक्राउपुर्जी फिर्ता लिन सरकार संग माओवादीको माग
लोकतन्त्रलाई बलियो बनाउन सुशासन र समृद्धि आवश्यक छ : उपाध्यक्ष श्रेष्ठ
कात्तिकको दोस्रो साता प्रतिनिधिसभा र प्रदेशसभाको उपनिर्वाचन गर्नेबारे आयोगले थाल्यो तयारी
प्रतिनिधिसभा बैठकमा आज पनि बजेटमाथी छलफल
कांग्रेसको महाधिवेशन २०८३ मङ्सिरभित्र हुनुपर्छ : डा कोइराला
विधान महाधिवेशनको तयारी गर्न नेकपा (एमाले) को केन्द्रीय कमिटी बैठक साउन ५ गते बस्ने
संघीय निजामती सेवा विधेयक पारित
विधेयकमा भएको चलखेलबारे छानबिन गर्न संसदीय समिति गठन गर्न सिफारिस
आज राष्ट्रियसभाको बैठक बस्दै
फेसबुकबाट तपाईको प्रतिक्रिया