आज तिनिधिसभाको बैठक बस्दै, प्रधानमन्त्रीले विशेष सम्बोधन गर्ने

ललितपुर । सङ्घीय संसद् प्रतिनिधिसभाको बैठक आज अपराह्न १ः०० बजे सङ्घीय संसद् भवन नयाँ बानेश्वरमा बस्ने भएको छ । आजको बैठकमा प्रधानमन्त्री केपी शर्मा ओलीले विशेष सम्बोधन गर्ने तथा सांसदहरुको प्रश्नको जवाफ दिने कार्यसूची तय भएको छ ।

प्रधानमन्त्रीको सम्बोधनमा सरकारको काम, वर्तमान राजनीतिक परिस्थिति र तथा प्रतिपक्षी दलका नेताले सोधेका प्रश्नहरुको जवाफ दिने लगायतका विषय समावेश गरिने भएको छ ।

आजको प्रतिनिधिसभाको बैठकमा सभामुख देवराज घिमिरेले ‘राष्ट्रियसभामा उत्पति भएको पानीजहाज (सञ्चालन तथा व्यवस्थापन) विधेयक, २०८१ माथि विचार गरियोस्’ भन्ने प्रस्ताव निर्णयार्थ प्रस्तुत गर्ने कार्यसूची तय गरिएको छ ।

त्यस्तै, उद्योग वाणिज्य तथा आपूर्तिमन्त्री दामोदर भण्डारीले ‘विश्व व्यापार सङ्गठनको मत्स्य उद्योगमा सहुलियतसम्बन्धी सम्भौतामाथि सामान्य छलफल गरियोस्’ भन्ने प्रस्ताव प्रस्तुत गर्नुहुने कार्यसूची छ ।

आज सार्वजनिक लेखा समिति, विधायन व्यवस्थापन समिति र सङ्घीयता सबलीकरण तथा राष्ट्रिय सरोकार समितिको गरी तीनवटा संसदीय समितिको बैठक बस्दैछ ।

लेखा समितिमा ‘जगदुल्ला जलविद्युत् आयोजनाको निर्माणसम्बन्धी उजुरीउपर छलफल’ हुनेछ । यस्तै, नेपाल सरकारका सचिवसँग गर्ने संयुक्त बैठकको मिति निर्धारण गर्ने प्रस्ताव छ । विधायन व्यवस्थापन समितिमा ‘जलस्रोत विधेयक, २०८१ माथि दफावार’ छलफल गर्ने कार्यसूची रहेको छ ।

त्यसैगरी सङ्घीयता सबलीकरण समितिमा ‘भौतिक पूर्वाधार तथा यातायात मन्त्रालय अन्तर्गतका राष्ट्रिय गौरवका आयोजनाको कार्यान्वयन प्रगति अवस्था, समस्या, समस्या समाधानका लागि भएका प्रयास र समितिसँगको अपेक्षाका बारेमा छलफल हुनेछ ।

थप समाचारहरु

यस्तो छ समाजवादी मोर्चाको विरोध सभाको रुट सानोपाइला सहकारी ठगी प्रकरण – लामिछानेसहित ४१ जनामाथि मुद्दा चलाउने पर्ने राय विद्युत् उत्पादन बढाएर मुलुकको अर्थतन्त्र सुधारौं : पशुपतिशमशेर भारत र पाकिस्तानबीचको युद्धको जोखिमले बिश्व चिन्तित: नेपालको सदनमा पनि उठ्यो युद्धको बिषय : सीमामा निगरानी बढाउन राष्ट्रिय सुरक्षा समितिको निर्देशन मुलुक समृद्ध बन्न राजनीतिक स्थायित्व जरुरीः सञ्चारमन्त्री गुरुङ गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी पूर्व प्रधानमन्त्री माधवकुमार नेपालको सांसद पद निलम्बन- १८ करोड ५८ लाख रुपैयाँ बिगो माग दाबी प्रतिनिधी सभाको बैठक अबरोध हटाई सुचारु गर्ने  बिषयमा कांग्रेस र रास्वपाबिच छलफल सांसद नेपालको सांसद पद निलम्बनभएको सदनलाई जानकारी नेपालका तर्फबाट वकिलहरूको बहस सुरु गरे वरिष्ठ अधिवक्ता शम्भु थापाले आज प्रतिनिधिसभाको बैठक बस्दै रास्वपा र राप्रपाले गरे प्रतिनिधिसभाको बैठक बहिस्कार एमालेले बोलायो सचिवालय बैठक आज राष्ट्रियसभा र प्रतिनिधिसभा मातहतका तीन समितिको बैठक बस्दै प्रतिनिधिसभा बैठक बस्दै, तिलगंगा नेत्र विश्वविद्यालय विधेयक प्रस्ताव प्रस्तुत गरिने नवनियुक्त तीन मन्त्रीको शपथ आज पनि नहुने सरकारको लक्ष्य सुशासन र विकास केन्द्रित हुनुपर्छः प्रधानमन्त्री भूमि विधेयक बहुमतले पारित