पूर्व राष्ट्रपति भण्डारीको राजनीतिमा सक्रियता संविधानको भावना विपरीतः नेकपा एमाले

ललितपुर । पूर्व राष्ट्रपति विद्यादेवी भण्डारी राजनीतिमा सक्रिय हुनु भनेको संविधानको भावना विपरीत भएको नेकपा एमालेको ठहर छ । सोही अनुसार पूर्व राष्ट्रपति भण्डारीलाई दल विशेषको सदस्य भएर राजनीतिमा सक्रिय हुनु उपयुक्त नहुने भन्दै एमालेले सदस्यता नवीकरणमा रोक लगाएको हो ।

पार्टीले सदस्यता नवीकरण मात्र नभई पूर्व राष्ट्रपतिले कुनै पनि दलमा आबद्ध भएर कार्यकर्ता वा नेता हुने विषय नै संविधानको भावना र मर्म विपरीत हुने समेत निष्कर्ष निकालेको छ ।

नेकपा एमालेको दुई दिनसम्म चलेको केन्द्रीय कमिटीको नवौँ बैठकका निर्णय सार्वजनिक गर्दै पार्टी प्रचार तथा प्रकाशन विभागका प्रमुख राजेन्द्र गौतमले जारी गरेको प्रेस विज्ञप्तिमा पूर्व राष्ट्रपति भण्डारी सक्रिय राजनीतिमा आउने विषयले पार्टीको गम्भीर ध्यानाकर्षण भएको उल्लेख गरिएको छ । एमालेले राष्ट्रपतिलाई सक्रिय राजनीतिमा आउन मिल्दैन भन्ने तर्क गरिरहँदा संविधानको भाग ६ का विभिन्न धाराहरू स्मरण गराएको छ ।

विज्ञप्तिमा लेखिएको छ, ‘नेपालको संविधानको भाग ६ धारा (६१) मा राष्ट्रपतिको व्यवस्था गरेको छ । सोही धाराको २ मा राष्ट्रपति देशको राष्ट्राध्यक्ष हुने सोही धाराको ३ मा राष्ट्रिय एकताको प्रवर्द्धक,सोही धाराको ४ मा संविधानको पालना र संरक्षण गर्नु राष्ट्रपतिको प्रमुख कर्तव्य हुने र धारा २६७ को व्यवस्था बमोजिम नेपाली सेनाको परमाधिपति हुने व्यवस्था छ ।’ संविधानले यति गहन जिम्मेवारी दिएको व्यक्तिले फेरी राजनीतिमा फर्किएर दलको सदस्य हुने, नेता हुने विषय कल्पना गर्न नसकिने प्रमुख गौतमले बताए।

पार्टी कमिटिको नवौँ बैठकले भण्डारीको राजनीतिक पुनरागमनलाई रोक लगाएको छ ।

पूर्व राष्ट्रपति भण्डारीलाई सक्रिय राजनीतिमा फर्काउने विषयमा रोक लगाउन एमालेले जारी गरेको विज्ञप्तिमा आठवटा कारण देखाइएको छ । ‘मुलुकको राष्ट्राध्यक्ष, राष्ट्रिय गौरव, गणतन्त्रको प्रतीक, संविधानको पालनाकर्ता र संरक्षणकर्ता ,सेनाको परमाधिपति,साझा व्यक्तित्व र देशको अभिभावक भएकाले कुनै पनि दल विशेषको पार्टी सदस्य र कार्यकर्ता वा नेता हुने कुरा यो गौरवमय जिम्मेवारी लिएको व्यक्तिबाट सम्भव हुँदैन र मिल्दैन भन्ने निष्कर्ष निकालेको छ’ विज्ञप्तिमा भनिएको छ । बैठकले पूर्व राष्ट्रपतिलाई उच्च सम्मान गर्दै पूर्वराष्ट्रपति कै भूमिकामा बस्न आग्रह गरेको छ ।
यस्तो छ विज्ञप्ति

थप समाचारहरु

तीनकुनेको हिंसात्ममक आन्दोलन क्षम्य हुन सक्दैन : रमेश लेखक कानुन समितिको वार्षिक प्रतिवेदन पारित, आगामी संसद् बैठकमा पेस हुने नीति तथा कार्यक्रमको पक्षमा मतदान गर्न सांसदहरुलाई एमालेको ह्विप प्रतिनिधिसभामा दुई प्रतिवेदन पेस राजसंस्थाबारे देउवाको भनाई भन्दै भ्रम छरियो : कांग्रेस, सरकार भन्छ -आवश्यक परे राजावादीको आन्दोलनमाथि प्रतिबन्ध लगाउन सकिन्छ आफ्नो हातबाट गलत काम भएको दिन राजनीतिमा देखा नपर्ने लेखकको भनाई : भिजिट भिसा प्रकरणमा आफ्नो नेतृत्वको कुनै संलग्नता नरहेको गृहको जिकिर मंगलबारको संसद् बैठक अवरुद्ध गर्ने रास्वपाको तयारी-सुमना र अनिलकेशरीको राजीनामा स्वीकृत यस्ता छन् सोमवार बसेको मन्त्री परिषद बैठकका निर्णय सत्तागठबन्धन ८४ सम्म निरन्तर चल्ने देउवाको दाबी प्रतिनिधिसभा बैठक बुधबार दिउँसो १ बजेसम्मका लागि स्थगित – सदन खोल्न रास्वपाको ५ बुँदे प्रस्ताव प्रतिनिधिसभा बैठक आघा घण्टा सम्मका लागि स्थगित – रास्वपाका सांसदहरू निलो रिबन लगाएर संसद् भवनमा जनताको जीवनस्तरमा सुधार र मुलुकको समृद्धि संविधान र गणतन्त्रले राखेको अभिष्ट हो : राष्ट्रपति राप्रपा पछि रास्वपाले पनि गर्यो प्रतिनिधिसभाको छलफल बहिस्कार राष्ट्रियसभाः  केही नेपाल ऐन संशोधन गर्ने विधेयकसम्बन्धी समितिको प्रतिवेदन  पेस आजको प्रतिनिधिसभाबाट ७९ वटा ऐन संशोधन गर्ने विधेयक पारित हुँदै मन्त्री गुप्ताले प्रधानमन्त्रीको सचिवालयमा राजीनामा पत्र छाडेर सामाजिक सञ्जालमार्फत् जानकारी गराए आज चारवटा संसदीय समितिको बैठक बस्दै भारतको उत्तराखण्डमा आएको बाढीमा १७ नेपाली परेको आशंका : उद्धारका लागि कूटनीतिक प्रयास भइरहेछ, प्रधानमन्त्री