सारथी केवल इन्डष्ट्रीज लिमिटेडको आईपीओ निष्काशनका लागि सिटिजन्स क्यापिटलसँग सम्झौता

ललितपुर । सारथी केवल इन्डष्ट्रीज लिमिटेडले आईपीओ निष्काशनका लागि सिटिजन्स क्यापिटलसँग सम्झौता गरेको छ ।सारथी केवल इन्डष्ट्रीज लिमिटेडले जारी पूँजीको २० प्रतिशत आईपीओ निष्काशन गर्न लागेको हो । कम्पनीले आर्थिक वर्ष २०८२/०८३ भित्रै आईपीओ निष्काशन गर्ने तयारी गरिरहेको छ । यसका लागि सिटिजन्स क्यापिटलसँग सम्झौता गरिएको कम्पनीका अध्यक्ष अंकित भुसालले जानकारी दिएका छन् ।

सम्झौता पत्रमा सारथी केवल इन्डष्ट्रीजका तर्फबाट अध्यक्ष भुसाल र क्यापिटलका तर्फबाट प्रमुख कार्यकारी अधिकृत सविर बादे श्रेष्ठले हस्ताक्षर गरेका छन् । बिक्री प्रबन्धक नियुक्त गरिएपछि आईपीओ निष्काशनका लागि आवश्यक थप प्रक्रिया अब चाँडै अघि बढाउने भुसालले जनाएका छन् ।

उनका अनुसार आईपीओबाट संकलित रकम कम्पनीले नेपालमै पहिलोपटक ‘अण्डरग्राउण्ड केवल’ उत्पादन सुरु गर्नमा लगानी गर्नेछ । यसबाट नेपाललाई विद्युत सामग्रीको उत्पादनमा आत्मनिर्भर बनाउन थप मद्दत पुग्ने विश्वास लिइएको छ । साथै, अत्याधुनिक प्रविधि प्रयोग गरेर आल्मुनियम फर्नेन्स प्लान्टसमेत जडान गर्ने कम्पनीको लक्ष्य छ ।

भैरहवामा फ्याक्ट्री रहेको सारथी केवलले विगत १८ वर्षदेखि नेपालमै केवल तथा तार उत्पादन गर्दै आएको छ । कम्पनीले Multi-Strand Cable, Power Cable, Concentric Cable र ACSR Conductor उत्पादनमा विशेषज्ञता हासिल गरेको छ 

थप समाचारहरु

सान्भि इनर्जी आजदेखि आईपीओ निष्काशन गर्दै प्रि ओपन सेसनमै करिव २ अंकले घट्यो नेप्से पियोर इनर्जी लिमिटेडको आईपीओ बाँडफाँड सिवाईसी नेपाल लघुवित्तको प्रतिशेयर आम्दानी बढ्यो नेप्से परिसूचकमा लगातार पाचौँ दिन पनि गिरावट ओम मेगाश्री फर्मास्युटिकल्स लिमिटेडको शेयर मूल्य आज सबैभन्दा धेरै ट्रेड टावरको आईपीओमा आवेदन दिने म्याद आज सकिँदै नेप्से परिसूचकमा सुधार प्रि ओपन सेसन अपडेटः करिब १ अंक बढ्यो नेप्से सिटी होटललाई हकप्रद सेयर निष्कासन गर्न सेबोनले दियो अनुमति नेप्से परिसूचक २१ अङ्कले बढ्यो हिमालयन बैंकको एफपीओ बाँडफाँट नेपाल पुनर्बीमा कम्पनीले शतप्रतिशत हकप्रद सेयर जारी गर्ने नेप्से परिसूचक ४१ अङ्कले घट्यो प्रि ओपन सेसन अपडेटः नेप्से परिसूचक पौने ३ अंक बढ्यो दरमखोला हाइड्रोपावरको आइपीओ बाँडफाँट प्रि ओपन सेसन अपडेटः नेप्सेमा सामान्य अंकको गिरावट हिमस्टार ऊर्जा कम्पनीको शेयर रोक्का