जीवनशैली, वातावरणीय असर र प्रविधिको अत्यधिक प्रयोगका कारण सुक्खा आँखाको समस्या बढ्दो

ललितपुर । हालको जीवनशैली, वातावरणीय असर र प्रविधिको अत्यधिक प्रयोगका कारण सुक्खा आँखाको समस्या दिनप्रतिदिन बढ्दै गएको आँखा रोग बिशेषज्ञहरुले बताएका छन् । आँखा पोल्ने, बिझाउने, रातो हुने, धमिलो भएजस्तो महसुस हुने समस्या छ भने सुक्खा आँखाको समस्या हुनसक्ने भन्दै सावधानी अपनाउन पनि विज्ञहरूले सुझाव दिएका छन् ।
तिलगङ्गा आँखा अस्पतालकी ‘रिफ्र्याक्टिभ सर्जरी युनिटकी विभागीय प्रमुख आँखा रोग विशेषज्ञ डा बन्दना खनालका अनुसार सुक्खा आँखा भन्नाले आँखामा आँसुको मात्रा पर्याप्त नहुनु वा भएको आँसु छिटो वाष्प भएर हराउनु भन्ने बुझिन्छ । यस्तो अवस्थामा आँखामा पोल्ने, बालुवा परेको जस्तो बिझाउने, चिलाउने, रातो हुने र धमिलो देखिने लक्षण देखा पर्न सक्छन् ।

“धुवाँ, धुलो, प्रदूषण, एसी र फ्यानमा लामो समय बस्दा पनि सुक्खा आँखाको सम्भावना बढ्छ । यसैगरी, धुम्रपान गर्नेलाई पनि यो समस्याले सताउन सक्छ । मोबाइल, कम्प्युटर, ल्यापटपजस्ता प्रविधिको अत्यधिक प्रयोग गर्दा आँखा झिम्क्याउने दर कम हुन्छ, जसले आँसु छिटो सुकाउँछ”, डा खनालले भनिन । 
उनले  मोबाइल, कम्प्युटर, ल्यापटपको प्रयोग गर्दा हरेक २०–२५ मिनेटमा रोकिएर (ब्रेक’ लिएर), केहीबेर टाढा हेर्ने र कम्तीमा २०–२५ पटक आँखा झिम्क्याउने बानी बसाल्न सुझाव दिएकी छन् । उनले भनिन्, “मोबाइलमा गेम खेल्दा एकदमै ध्यान एकत्रित हुँदा आँखा झिम्क्याउन बिर्सिरहेका हुन्छौँ । आँखामा बढी तनाब पर्ने काम ग¥यौँ र लामो समयसम्म आँखा झिम्क्याउन बिर्सियौँ भने हाम्रो आँखा सुक्खा हुन्छ । त्यसैले ब्रेक लिनुपर्छ ।”



समस्या देखिएमा ‘लुब्रिकेटिङ’ आँखा ‘ड्रप्स’को प्रयोग गर्न सकिन्छ । यो समस्या लिएर आउने अधिकांश बिरामी सामान्यदेखि मध्यम लक्षणसहित आउने डा खनालको भनाइ छ । 
कहिलेकाहीँ सुक्खा आँखा शरीरका अन्य रोगजस्तै बाथरोग, थाइराइड समस्या वा केही प्रकारका ‘हर्मोन सप्लिमेन्ट’का कारण पनि हुन सक्ने भएकाले यस्तो अवस्थामा केवल ड्रप्स प्रयोग पर्याप्त नहुने बताउँदै उनले  विशेषज्ञ चिकित्सकसँग परामर्श लिन आवश्यक हुने बताइन् । 

थप समाचारहरु

सिटिजन्स बैंकद्वारा हिमालय आँखा अस्पताल पोखरालाई सहयोग कास्कीको रुपा गाउँपालिकाका नागरिकलाई बिमामा ५० प्रतिशत अनुदान यसरी गरौं गर्मी मौसममा छालाको हेरचाह निशुल्क दन्त स्वास्थ्य शिविर सम्पन्न प्रदेश अस्पतालको शय्या क्षमता सात सय पुर्याउन मन्त्रिपरिषद्को सैद्धान्तिक सहमति    राजधानीका ठुला अस्पतालका क्यान्टिनको सरसफाइमा ध्यानदिन विभागको निर्देशन चिकित्सा शिक्षा आयोगको निर्णय कार्यान्वयनको माग राख्दै आवासीय चिकित्सकहरु प्रदर्शनमा नेपाल परिवार नियोजन सङ्घको साधारण सभा सम्पन्न पुरानो मेडिकल कलेजमा न्यूरोसर्जरी सेवा पुनः सुचारु स्वास्थ्य बीमालाई अझै विस्तार गर्दै सरकार, जनप्रतिनिधि र कर्मचारीलाई अनिबार्य विश्व लुपस दिवसका अवसरमा सङ्घीय राजधानी काठमाडौँमा सचेतना र्‍याली-(भिडियो कुराकानी सहित) बालबालिकालाई आँखाको समस्याबाट जोगाउन प्रेरित गरौँ’ तपाईँको पिसाबमा खराबी त छैन? हेलचक्राई नगर्नुस् है दुःख पाइन्छ (भिडियो ) हरिसिद्धिमा जल: आँखा तथा कान उपचार केन्द्रको शुभारम्भ (भिडियो ) स्वास्थ्यमन्त्री पौडेल डिस्चार्ज स्वास्थ्य बिमा क्षेत्रमा पुनःविचार गरिनेछः प्रधानमन्त्री अर्थ र स्वास्थ्य मन्त्रालयबीच बजेट कार्यान्वयनबारे छलफल, २१ सय जनशक्ति थप्न प्रस्ताव को हुन पाटन स्वास्थ्य विज्ञान प्रतिष्ठानका नव नियुक्त उपकुलपति ?