जनकपुरमा एक किशोरीको हत्या, दुई घाइते

धनुषा । धनुषा जिल्लाको जनकपुरधाम उपमहानगरपालिका–४ मा धारिलो हतियार प्रहार गरी सोमबार राति एक किशोरीको हत्या गरिएको छ भने दुईजना घाइते भएका छन् ।

धनुषाको कटैयाचौरी भन्ने स्थान नजिक भएको उक्त घटनामा बटेश्वर गाउँपालिका–५ शान्तिपुरका दिनेश यादवकी १४ वर्षीया किशोरी अञ्चली यादवको मृत्यु भएको स्थानीय प्रहरीले जनाएको छ । घाइते अन्य दुईमा अञ्चलीकी आमा ३६ वर्षीया आशा यादव र आशाकी १५ वर्षीया भतिजी राधा यादव रहेका छन् । घाइते दुवैलाई उपचारका लागि प्रादेशिक अस्पताल जनकपुरमा भर्ना गरिएको छ ।

जिल्ला प्रहरी कार्यालयका अनुसार सूर्यनन्द चौधरीको एकतले पक्की घरमा डेरा गरेर बस्ने धनुषाको क्षीरेश्वरनाथ नगरपालिका–९ इच्छापुरका ३५ वर्षीय रामबाबु साहले सोमबार राति ती तीनै जनामाथि खुकुरी प्रहार गरेका थिए । आशाको टाउको र शरीरको विभिन्न भागमा घाउ लागेको छभने राधाको दाहिने घुँडा र दाहिने हात काटिएको छ । अञ्चली जनकपुरमा डेरा गरी आमासँग बसेर पढिरहेकी थिइन् ।

साह आफ्नै श्रीमतीको हत्या अभियोगमा पाँच वर्ष जेल सजाय काटेका व्यक्ति हुन् । मधेश प्रदेश प्रहरी प्रमुख उमा चतुर्वेदीले घटनाको अनुसन्धान भइरहेको र हत्या अभियुक्तको  खोजी भइरहेको जानकारी दिए।

थप समाचारहरु

भूमिहीन १२० परिवारको हातमा लालपुर्जा करेन्ट लागेर एक जनाको मृत्यु, दुईको अवस्था गम्भीर वीरगञ्जमा निस्शुल्क धारा जडान र धरौटी शुल्कमा छुट स् जनताको पहुँचमा सहज खानेपानी सेवा स्रोत नखुलेको १० लाख नगदसहित भारतीय नागरिक पक्राउ नेपाली सेनाद्वारा वीरगञ्जमा खानेपानी वितरण वीरगञ्ज नाकाबाट ६८ हजार ७४३ सवारीसाधन भित्रिए : १७ अर्ब ३१ करोड राजस्व सङ्कलन आकाश ताक्दै किसानः महोत्तरीमा ३५ प्रतिशतमात्र रोपाइँ मधेसमा १८ करोडको लागतमा स्यालो ट्युबवेल वितरण अनुदानको माग राख्दै उखु किसानहरु पुनः आन्दोलित पेस्तोलसहित तीन भारतीय नागरिक पक्राउ समयमै बजेट नल्याउने मधेसका स्थानीय तहसँग सङ्घीय मामिला मन्त्रालयले सहजीकरण गर्दै ‘अब हाँस्छ बर्दिवास’ : गाईजात्रा विशेष हास्यव्यङ्ग्य महोत्सव सफलतापूर्वक सम्पन्न सशस्त्र प्रहरी बल रौतहटद्वारा पाँच करोड ७४ लाख मूल्यका सामान बरामद धेरै मुद्दा फछ्र्यौट गर्ने न्यायाधीश घिमिरे सम्मानित चौध वर्षमा पनि कमलामा पुल बन्न नसक्दा डुङ्गाकै साहारा भदौं लागिसक्दा पनि महोत्तरीमा ७५ प्रतिशत मात्र रोपाइँ ३६ हजार विदेशी मुद्रासहित सप्तरीबाट एक जना पक्राउ ‘सहकारी अपचलमा संलग्नलाई कानुनी कारबाहीमा ल्याइने’