आज चारवटा संसदीय समितिको बैठक बस्दै

ललितपुर । आज सङ्घीय संसद अन्तर्गतका विभिन्न चारवटा संसदीय समितिको बैठक बस्दैछ ।

आज कृषि, सहकारी तथा प्राकृतिक स्रोत समिति, शिक्षा, स्वास्थ्य तथा सूचना प्रविधि समिति, विधायन व्यवस्थापन समिति र संघीयता सबलीकरण तथा राष्ट्रिय सरोकार समितिको बैठक बस्न लागेको हो ।

आज बस्ने कृषि, सहकारी तथा प्राकृतिक स्रोत समितिको बैठकमा ‘भूमिसम्बन्धी केही नेपाल ऐनलाई संशोधन गर्न बनेको विधेयक, २०८२’ का सम्बन्धमा सङ्घ तथा प्रदेशस्थित सरोकारवाला मन्त्रालय, नेपाल नगरपालिका सङ्घ, गाउँपालिका राष्ट्रिय महासङ्घ नेपाल, भूमि, वन तथा कानुन क्षेत्रका विज्ञ व्यक्तित्वहरूसँग छलफल गर्ने कार्यसूची रहेको छ ।

निर्धारित समयतालिका अनुसार समितिको बैठक १२ः३० बजे समितिको आफ्नै कार्यकक्षमा बस्दैछ।

यस्तै, शिक्षा, स्वास्थ्य तथा सूचना प्रविधि समितिको बैठकमा ‘मिडिया काउन्सिल विधेयक, २०८०’ माथि दफावार छलफल गर्ने कार्यसूची छ । दिनको २ः३० बजे समितिको कार्यकक्षमा नै बैठक बस्दैछ ।

त्यसैगरी, विधायन व्यवस्थापन समितिको बैठक अपराह्न १ः०० बजे समितिको बैठककक्षमा बस्दैछ । समितिको बैठकमा ‘जलस्रोत विधेयक, २०८१’ माथि दफावार छलफल कार्यसूचीमा समावेश गरिएको छ ।

सङ्घीयता सबलीकरण तथा राष्ट्रिय सरोकार समितिको बैठकमा ‘ऊर्जा, जलस्रोत तथा सिँचाइ मन्त्रालयअन्तर्गतका राष्ट्रिय गौरवको आयोजनाहरूको कार्यान्वयन प्रगति अवस्था, समस्या, समस्या समाधानका लागि भएका प्रयास र समितिसँगको अपेक्षा’मा छलफल हुनेछ । समितिको कार्यकक्षमा बिहान ११ः०० बजे बैठक बस्नेछ ।

थप समाचारहरु

स्थानीय निकायमा खरिद प्रक्रिया थाहा नहुँदा समस्या : मुख्यमन्त्री  राष्ट्रिय सुरक्षाका लागि सक्षम जनशक्ति आवश्यक : प्रधानमन्त्री ओली माओवादी सांसदद्वारा प्रधानमन्त्रीको आलोचना नागरिक उन्मुक्ति पार्टीका संरक्षक चौधरी पक्राउ आम नागरिकको सुरक्षाको प्रबन्ध गर्न सभामुख घिमिरेको ध्यानाकर्षण आज सङ्घीय संसद्का दुवै सदनको बैठक बस्दै कानुन र नीतिगत सुधारलाई प्राथमिकता : गृहमन्त्री लेखक संवैधानिक निकायका ५२ पदाधिकारीविरुद्धको रिटमाथिको फैसला २८ गते रास्वपामा नयाँ संसदीय दलकाे नेता बनाउन पार्टी निकट अधिवक्ता यज्ञमणिको सुझाव भ्रष्टाचार अन्त्य गर्न सरकार निर्मम हुन जरुरी छ : कोइराला प्रतिनिधिसभाको बैठक बिहीबार बिहान ११ बजेसम्मका लागि स्थगित हेटौंडा उपमहानगरपालिका वडा नम्बर १ का अध्यक्षमाथि सांघातिक हमला उच्चस्तरीय अध्ययन एवं छानबिन समितिलाई नौ बुँदे कार्यादेश गिरिजाप्रसाद कोइराला क्रान्ति र शान्तिको नेता : राष्ट्रपति पौडेल चिकित्सकका माग सम्बोधन गर्न सांसदको माग सरकारलाई महरको खबरदारी, राष्ट्रपतिको कदमको सराहना सन्तानको पहिलो संरक्षक आमा हो : गृहमन्त्री लेखक आज हुने भनिएको प्रधानमन्त्रीसँगको प्रश्नोत्तर कार्यक्रम स्थगित