मधेस प्रदेश सरकारले एक हजार २०० स्यालो ट्युबवेल वितरण गर्दै

धनुषा । धान रोपाईँको समयमा खडेरीको मारमा परेका मधेस प्रदेशका जनतालाई प्रदेश सरकारले एक हजार २०० स्यालो ट्युबेल वितरण गर्दैछ । मधेश सरकारले सुक्खाग्रस्त क्षेत्रका किसानका लागि रु. १८ करोड लागतमा स्यालो ट्युबवेल वितरण प्रक्रिया अगाडि बढाएको छ । मधेस प्रदेशको भूमि व्यवस्था, कृषि तथा सहकारी मन्त्रालयले सुक्खा क्षेत्र सहयोग कार्यक्रमअन्तर्गत यस प्रदेशका आठवटै जिल्लाका किसानलाई स्यालो ट्युबवेल वितरण गर्न लागेको हो ।

प्रदेशका यी धनुषा, महोत्तरी, सर्लाही, रौतहट, बारा, पर्सा, सिरहा र सप्तरी जिल्लामा पानी अभावमा खडेरीबाट पीडित किसानलाई सम्बन्धित कृषि ज्ञान केन्द्रको कार्यालयबाट स्यालो ट्युबवेल वितरण सुरु गरिएको मन्त्रालयले जानकारी दिएको छ । जनताको आवश्यकता तथा प्राथमिकताका आधारमा अहिलेलाई एक हजार २०० स्यालो ट्युबवेल वितरण गरिने लागेको मन्त्रालयले जनाएको छ ।

खर्चका हिसावले हेर्ने हो भने एउटा स्यालो ट्युबवेल जडान गर्न रु. एक लाखदेखि रु. तीन लाखसम्म खर्च हुने अनुमान गरिएको छ भने सोलार जोड्दा अझ खर्च थपिने छ । मन्त्रालयका अनुसार ट्युबवेल जडान गर्दा पानीको सतह कति छ त्यसको आधारमा खर्च लाग्ने छ ।

स्यालो ट्युबेल जडानका लागि सूचना जारी भएसँगै अहिले कृषि ज्ञान केन्द्र धनुषामा ट्युबवेल जडानका लागि आवेदन दिने किसानको घुइँचो लागेको छ । केन्द्रका कृषि प्राविधिकहरुका अनुसार साउन १६ गतेसम्म एक हजार १०० भन्दा बढी आवेदन परिसकेको छ । आइतबारसम्म निवदेन बुझाउने समय रहेकोले यो संख्या अझै बढ्ने अनुमान गरिएको छ ।

उपलब्ध गराउने भनिएको ट्युबवेलभन्दा पनि धेरैको सङ्ख्यामा निवेदन परेको छ । त्यसैले प्राप्त निवेदनको छानबिन गरी मापदण्ड पुगेका किसानको खेतबारीमा स्यालो ट्युबवेल जडान प्रक्रिया अगाडि बढाइने भूमि व्यवस्था, कृषि तथा सहकारी मन्त्रालयले जानकारी दिएको छ । यस वर्ष पर्याप्त वर्षा नभएकाले सिँचाइको विकल्प स्यालो ट्युबवेलतर्फ आकर्षण बढेको हो ।

थप समाचारहरु

यातायात कार्यालय जनकपुरधामले सङ्कलन गर्‍यो करिब रू ६७ करोड राजस्व मधेस प्रदेश यातायात व्यवस्था मन्त्रालयद्वारा ३ अर्ब ४७ करोड राजस्व सङ्कलन एकैदिन १३ सयले बढ्यो सुन पाँच लाख एक हजार एक सय ११ नगद सहित भाटभटेनीका सुरक्षा गार्ड सम्मानित ट्रम्पको कर नीति : नेपालसहित १०० देशमाथिको करको नयाँ दर सूची सार्वजनिक  ढाकावाङका किसानलाई मौरी वितरण    नेपालमा एमसीसी अन्तर्गतका परियोजनाले निरन्तरता पाउने गभर्नरमा पहिलो नम्बरमा अर्थशास्त्री विश्व पौडेलको नाम सिफारिस फेरि बढ्यो सुनको मूल्य, कतिमा हुदैछ कारोबार ? ग्लोबल आइएमई क्यापिटलको १० वर्ष अवधिको बन्दमुखी योजना -‘ग्लोबल आइएमई समुन्नत योजना–२’ मलेसियाका लगानीकर्तालाई नेपालमा लगानी गर्न अर्थमन्त्री पौडेलको आग्रह राष्ट्रियसभाबाट बजेट आश्रित दुई विधेयक पारित भाटभटेनी समूहद्वारा नौ करोड ५० लाख बराबरको भवन त्रिवि शिक्षण अस्पताललाई हस्तान्तरण राष्ट्र बैंक २ अर्ब ९२ करोड लगानी गर्दै : प्रस्ताव पठाउन बैंक तथा वित्तीय संस्थाहरुलाई आह्वान सिरहा छोटी भन्सारको राजस्व सङ्कलनमा वृद्धि कुमारी बैंकको नाफा २ अर्ब नाघ्यो निजी क्षेत्र र सरकारबीच सहकार्य हुने हो भने हजारौं मानिसलाई तुरुन्तै रोजगारी दिनसक्ने अवस्था छ : ढकाल सरकारको राजस्वबाट मात्र विकास आवश्यकता पूर्ति नभएकाले वैकल्पिक वित्त कोष आवश्यकः अर्थमन्त्री