‘ईश्वरका फूलहरू’ कवितासंग्रह लोकार्पण : नेपाली साहित्यमा नयाँ स्वाद र सोचको थप योगदान

ललितपुर । अन्तर्राष्ट्रिय नेपाली साहित्य समाज ९अनेसास० नेपाल च्याप्टरको आयोजनामा कवि तथा अनेसास केन्द्रीय महासचिव राजु सिटौलाद्वारा लिखित कवितासंग्रह ‘ईश्वरका फूलहरू’ को लोकार्पण कार्यक्रम शुक्रबार काठमाडौंको अनामनगरमा सम्पन्न भयो। कार्यक्रम अनेसास नेपाल च्याप्टरका अध्यक्ष राजेन्द्र केसीको अध्यक्षतामा सम्पन्न भएको थियो।

कार्यक्रमका प्रमुख अतिथि वरिष्ठ साहित्यकार तथा सञ्चारकर्मी डा। नवराज लम्सालले ‘ईश्वरका फूलहरू’ नेपाली कविताको गाम्भीर्यमा एउटा ताजा भाव र संवेदनाको स्पर्श भएको बताए। उनले भने, “सिटौलाको कविताले विचार र अनुभूतिलाई गहिरो ढंगले उधिनेको छ, जसले नेपाली कविता साहित्यलाई अझ समृद्ध बनाउनेछ।”

विशिष्ठ अतिथिका रूपमा उपस्थित प्राध्यापक डा। खगेन्द्र लुइँटेलले संग्रहमा प्रयोग भएका प्रतीक र शिल्पको प्रशंसा गर्दै यसले पाठकलाई चिन्तनशील बनाउने बताए। अर्का विशिष्ठ अतिथि प्रा। डा। कृष्णहरि बरालले सिटौलाको कवितामा भाषा र भावको सशक्त संयोजन रहेको उल्लेख गर्दै भने, “सिटौलाका कविता अन्तरात्माको स्पर्श हुन्, जसले पाठकमा गहिरो प्रभाव छोड्छ।”

कार्यक्रममा साहित्यकार र अनेसासका पूर्व अध्यक्ष राधेश्याम लेकालीले संग्रहको समीक्षात्मक टिप्पणी गर्दै यस कृतिमा समर्पण, अध्यात्म र सामाजिक यथार्थको सूक्ष्म चित्रण भएको उल्लेख गरे।

साहित्यकार लीला लुइँटेल, सुमन वर्षालगायत अन्य लेखक तथा स्रष्टाहरूको उपस्थिति रहेको कार्यक्रममा नेपाल च्याप्टरकी महासचिव रन्जना निरौलाले सञ्चालन गरेकी थिइन्।

नुवाकोटमा जन्मिएका राजु सिटौला हाल अमेरिकामा रहेर लामो समयदेखि नेपाली भाषा, साहित्य र अनेसासको अभियानमा क्रियाशील छन्।

ईश्वर बल्लभको ‘आगोका फूलहरू’ जस्तै गहिरो शीर्षकबाट अब सिटौलाले ‘ईश्वरका फूलहरू’ मार्फत नेपाली कवितामा नयाँ स्वाद थपेका छन्।

थप समाचारहरु

नुवाकोट दरबार परिसरमा सिर्जना यात्रा चन्द्रागिरि साहित्य प्रतिष्ठानको १७४ औं श्रृंखला मुक्तक गोष्ठी सम्पन्न पर्दाभित्रबाट समाज नियाल्दा साहित्यकार तिलकप्रकाशको मेरो कथा मेरो व्यथा र कृतिहरूका भूमिका सार्वजनिक नागार्जुन वाङ्मय प्रतिष्ठानद्वारा सुप्रभात काव्य गोष्ठी सम्पन्न मैनवत्तीभित्र युगकवि सिद्धिचरण वरिष्ठ सर्जक खड्ग गर्बुजालाई दीर्घसाधना सम्मान सर्लाहीमा ईद मिलन तथा उर्दू कवि सम्मेलन सम्पन्न कविता बबिना भट्टराईको  ‘मन देखि गरेको माया कदर भएन’   (भिडियो सहित) शिशिर घिमिरे स्मृति प्रतिभा सम्मान–२०८१ प्रा. डा. सुमन कर्माचार्यलाई कविता : आजभोलि उपन्यासकार डा. डीआर उपाध्यायलाई मानार्थ विद्यावारिधी प्रमाणपत्र प्रथम राष्ट्रिय दलित ज्ञान तथा साहित्य महोत्सव २०८२ काठमाडौंमा आयोजना हुँदै खडानन्द-पद्मकुमारी शिक्षा पुरस्कारबाट उपन्यासकार घिमिरे पुरस्कृत ‘हङकङ साहित्यिक साझा शृङ्खला पुरस्कार–२०२५’ बाट कवि शशी मुलुम्बू सम्मानित वाङ्‌मय पुरस्कारका लागि पुस्तक माग प्रा.डा. रजितभक्त प्रधानाङ्ग र सोमकान्त भण्डारीको फौजदारी कानुन र फौजदारी न्याय पुस्तक विमोचन