२ करोड ८५ लाख रुपैयाँ हिनामिना गरेको आरोपमा महालक्ष्मी बैंकका चार कर्मचारी पक्राउ

दार्चुला । महालक्ष्मी विकास बैंकको शाखा कार्यालय दार्चुलास्थित गोकुलेश्वरको २ करोड ८५ लाख रुपैयाँ रकम हिनामिना गरेको आरोपमा सोही बैंकमा कार्यरत चार जना कर्मचारी पक्राउ परेका छन्। पक्राउ पर्नेमा एकजना शाखा अधिकृत समेत छन् ।

रकम हिनामिना गरेको अभियोगमा पक्राउ पर्नेहरुमा महालक्ष्मी विकास बैंकको शैल्यशिखर नगरपालिका–९ गोकुलेश्वरका शाखा प्रबन्धक ३५ वर्षीय सागर शाही, कर्जा विभागमा कार्यरत ३१ वर्षीय धनन्जय पन्त, नगद विभागमा कार्यरत २९ वर्षीया निर्मला साउद र ग्राहक सहायता कक्षमा कार्यरत २८ वर्षीय अम्बादत्त पन्त रहेका छन् । उनीहरु चारैजना साउन २४ गते पक्राउ परेका हुन्।

उनीहरु चारै जनालाई बैंकिङ कसुर सम्बन्धी मुद्दामा थप अनुसन्धान गर्न आइतबार जिल्ला अदालतबाट पहिलो चरणमा सात दिनको म्याद तोकिएको छ ।

बैंकको केन्द्रीय कार्यालय र प्रादेशिक कार्यालयले चार जनाले मिलेर बैंकको ‘सञ्चिती रकम’ दुई करोड ८४ लाख ७६ हजार सात सय दुई रुपैयाँ हिनामिना गरेको उल्लेख गरी जाहेरी दिएका थिए । उक्त जाहेरीका आधारमा तत्कालीन शाखा प्रबन्धक सागर शाहीसहित चार जनालाई साउन २४ गते पक्राउ गरेको थियो।
पक्राउमध्ये नगद विभागमा कार्यरत २९ वर्षीया निर्मला साउद महालक्ष्मी बैंक बसेको घरवालाको छोरी भएको खुलेको छु ।

साउन २३ गते चारजना कर्मचारीले बैंकको भल्टमा राखिएको निश्चित सञ्चिती रकम हिनामिना गरेको आशंकामा बैंकको केन्द्र र प्रदेश कार्यालयका प्रमुख सहितको टोलीले अनुगमन गरेको थियो । अनुगमनका क्रममा भल्टमा रहनु पर्ने निश्चित सञ्चिती रकम नभेटिएको र रकम हिनामिना प्रकरणमा बैंकका चारजना कर्मचारीको संलग्नता रहेको खुलेपछि उक्त चारैजनालाई निलिम्बित गरेको थियो ।

अनलाइन जुवा प्लेटफर्म वान एक्स बेटमा बैंकको पैसा लगाएको आशंका गरिए पनि यस विषयमा थप अनुसन्धान भइरहेको अनुसन्धानमा संलग्न प्रहरी टोलीले जानकारी दिएको छ । नेपालमा वान एक्स बेट बर्जित छ।

थप समाचारहरु

आजका लागि विदेशी मुद्राको विनिमयदर, कुन देशको कति ? नेपालको आर्थिक वृद्धिदर ४.५ प्रतिशत पुग्ने विश्व बैंकको प्रक्षेपण आजका लागि निर्धारित विदेशी मुद्राको विनिमयदर यस्तो छ यस्तो छ आज लागि निर्धारित विदेशी मुद्राको विनिमय दर नबिल बैंकलाई प्रधानमन्त्रीद्वारा नेपाल उद्योग वाणिज्य महासंघको ५९औँ वार्षिक साधारणसभा कार्यक्रममा सम्मानित एक वर्षको मुद्दती निक्षेपमा ९७ करोड लगानी गर्दै राष्ट्र बैंक आजका लागि निर्धारित विदेशी मुद्राको विनिमयदर यस्तो छ आजका लागि निर्धारित विदेशी मुद्राको विनिमयदर गभर्नर बन्ने पक्का भएपछि भट्टले दिए कार्यकारी निर्देशक पदबाट राजीनामा शोधनान्तर स्थिति तीन खर्ब ४६ अर्ब २३ करोडले बचतमा बैङ्क दर र नीतिगत दर घटाइयो, आवास र शेयर कर्जामा राष्ट्र बैङ्क खुकुलो सम्पत्ति शुद्धीकरण मामिलामा खैरो सूचीबाट बाहिर निस्कन अनुसन्धान र कारबाही प्रभावकारी बनाइने गर्भनर पौडेलद्वारा हस्ताक्षरित नयाँ नोट छापिँदै राष्ट्र बैंकद्वारा नयाँ व्यवस्था लागू, विदेश यात्र गर्नु अगाडि अनिवार्य बैंक खाता खोल्नुपर्ने लगानीको उचित वातावरण नहुँदा बैंकमा थुप्रियो पैसा : राष्ट्र बैंकले आज पनि ५० अर्ब निक्षेप खिच्दै कुमारी बैंकको नाफा २ अर्ब नाघ्यो राष्ट्र बैंकले आज फेरि ६० अर्ब रुपैयाँ निक्षेप उठाउँदै राष्ट्रिय वाणिज्य बैंक र नेपाल टेलिकमबीच सम्झौता