देशभर मनसुन सक्रिय

ललितपुर मनसुनको न्यून चापीय रेखा तराई आसपास रहेकाले आगामी २४ घण्टा मनसुन सक्रिय रहने जनाउँदै जल तथा मौसम विज्ञान विभाग पूर्वानुमान महाशाखाले आज दिउँसो देशभर पूर्णतया बदली हुने बताएको छ । देशका अधिकांश स्थानमा मध्यम वर्षाको सम्भावना रहेको तथा मधेस प्रदेशलगायत कोशी, वाग्मती, गण्डकी, लुम्बिनी र सुदूरपश्चिम प्रदेशका केही स्थानमा भारी वर्षा र एकदुई स्थानमा मुसलधारे वर्षाको पनि सम्भावना छ । कर्णाली प्रदेशका एकदुई स्थानमा भारी वर्षाको सम्भावना छ । महाशाखाका अनुसार आज राति गण्डकी, लुम्बिनी, कर्णाली र सुदूरपश्चिम प्रदेशका पहाडी भागमा पूर्णतया बदली रही बाँकी भागमा साधारणतया बदली रहनेछ ।

गण्डकी र कर्णाली प्रदेशका पहाडी तथा लुम्बिनी र सुदूरपश्चिम प्रदेशका पहाडी तथा तराई भागका धेरै स्थानमा मध्यम वर्षाको सम्भावना छ । सुदूरपश्चिम प्रदेशका पहाडी र तराईका केही स्थानमा अत्यधिक वर्षा हुने सम्भावना छ । लुम्बिनी प्रदेशका तराईका केही स्थान, गण्डकी र कर्णाली प्रदेशका पहाडी भागका एकदुई स्थानमा भारी वर्षाको सम्भावना छ । महाशाखाले वर्षाका कारण देशका पहाडी भागमा पहिरो तथा गेग्रान बहाव (डेब्रिज फ्लो) को जोखिम रहेको, ठूला तथा साना नदीनाला र खोलाहरुमा पानीको सतह बढ्न सक्ने तथा यातायात क्षेत्र प्रभावित हुन सक्ने प्रक्षेपण गर्दै सबैलाई सतर्कत रहन तथा पूर्वतयारी गर्न अनुरोध पनि गरेको छ ।

थप समाचारहरु

चैत १५ मा तीनकुनेमा भएको प्रदर्शनमा संलग्न १०८ जनालाई प्रतिवादी बनाउनुपर्ने राय तीनकुने घटनामा ६२ जनालाई प्रतिवादी बनाएर मुद्दा तुलसीपुरमा बस दुर्घटना हुँदा दुईको मृत्यु, ३४ जना घाइते देशका पाँच मुख्य राजमार्ग अवरुद्ध  कालीगण्डकी ‘करिडोर’ अवरुद्ध, पहिरो रोकिएन ओखरबोटको तामाखानी उत्खननका लागि अध्ययन सुरु आजको मौसम बेँसीसहर-चामे सडकमा राति सवारी सञ्चालनमा रोक प्रधानमन्त्री केपी शर्मा ओली आज गृह जिल्लामा सिटी एक्सप्रेस मनि ट्रान्सफरको १९औ बार्षिकोत्सवको अवसरमा रक्तदान कार्यक्रम डिजेल र पेट्रोलको मूल्य घट्यो आज चार प्रदेशका केही स्थानमा अत्यधिक वर्षा हुने पूर्वानुमान एमाले पोलिटब्यूरो बैठक: विधान संशोधन प्रस्ताव पारित बङ्गलादेशको ढाकामा लडाकु विमान दुर्घटनामा मृत्यु हुनेको सङ्ख्या २० पुग्यो अमेरिकी राष्ट्रपति ट्रम्पद्वारा भारतमाथि २५ प्रतिशत आयशुल्क घोषणा, रुससँगको व्यापारप्रति चिन्ता व्यक्त कालीगण्डकी बहुप्राविधिक शिक्षालयमा आगलागी सप्तकोसी नदीमा पानीको बहाव बढ्दो क्रममा, १९ ढोका खुला फेदीखोलाले साधारण सेयर बिक्री गर्ने