पाकिस्तानः बाढीका कारण सयौँको मृत्यु, वेपत्ता व्यक्ति जीवित भेटिने आशा क्षीण बन्दै

पाकिस्तानी उद्धारकर्ताहरूले आइतबार आएको बाढीमा परी कम्तीमा ३४४ जनाको मृत्यु भएको र १५० भन्दा बढी अझै हराइरहेको बताएका छन् । बिहीबारदेखि देशभर परेको मुसलधारे वर्षाका कारण बाढी, मुसलधारे पानी र पहिरोका कारण खैबर पख्तुनख्वा प्रान्तमा पूरै गाउँ नै बगाएको छ भने कैयौँ बासिन्दा भग्नावशेषमा फसेका छन् । खैबर पख्तुनख्वा प्रान्तमा सबैभन्दा बढी ३१७ जनाको मृत्यु भएको छ भने आगामी दिनमा तीव्र मनसुनी वर्षा हुने अनुमान गरिएको छ। “हामीले सबै घर, भवन र सवारी साधनहरू काठका टुक्राजस्तै बगाएको देख्यौँ। बाढी र पहिरोबाट बच्न हामी पहाड चढ्न सफल भयौँ तर तल हेर्दा हाम्रो घर पुरिएको थियोे,” बुनेर जिल्लाका एक शिक्षक सुलेमान खानले भन्नुभयो । उहाँले २५ जना आफन्त गुमाएको बताउनुभयो । बुनेरमा १५० भन्दा बढी व्यक्ति हराइरहेका छन्, जहाँ कम्तीमा २०८ जनाको मृत्यु भएको छ र ‘१० देखि १२ वटा’ गाउँ पूर्ण वा आंशिक रूपमा पुरिएको अधिकारीहरूले एएफपीलाई बताएका छन्। खैबर पख्तुनख्वा प्रादेशिक विपद् व्यवस्थापन प्राधिकरणका प्रमुख अस्फान्दयार खट्टकले भन्नुभयो, “उनीहरू घरको भग्नावशेषमा फसेका हुन सक्छन् वा बाढीको पानीले बगाएको हुन सक्छ । खट्टकले भन्नुभयो, “साङ्ला जिल्लामा पनि दर्जनौं मानिस हराइरहेका छन् ।” प्रान्तको उद्धार एजेन्सीका प्रवक्ताले एएफपीलाई बताएअनुसार वर्षाका कारण अझै पनि उद्धार आवश्यक भएका नौ जिल्लामा करिब दुई हजार उद्धारकर्मी खटिएका छन् । बिलाल अहमद फैजीले भन्नुभयो, “भग्नावशेषमा फसेका मानिसहरूको उद्धार कार्य जारी छ।” “भग्नावशेषमा पुरिएकाहरू बाँच्ने सम्भावना निकै कम छ,’ उहाँले भन्नुभयो ।

बुनेरमा आधा पुरिएका सवारी साधन र सामान, घर र पसलहरू ढाकेको दृष्यहरू स्थानीय सञ्चारमाध्यम र सामाजिक सञ्जालमा व्यापक देख्न सकिन्छ । प्रभावित क्षेत्र वरपर केही दिनदेखि बन्द विद्युत् आपूर्ति आइतबार दिउँसोबाट सुचारु भएको छ । कैसर अली शाहले एएफपीलाई दिएको जानकारीअनुसार उनले पछिल्लो दुई दिनमा २९ वटा चिहान खनेको बताए । यसले प्रभावित षेत्रको भयाबह अवस्थालाई देखाउँछ । बाढीले बगाएको सडकले उद्धारका सवारी साधनको आवागमनमा बाधा पु¥याएको छ भने केही गाउँलेले पानी घटेपछि बाटो खुलाउन ढलेका रुख काट्ने काम गरेका छन् । “हाम्रा सामानहरू छरिएका छन्, नष्ट भएका छन् र खराब अवस्थामा छन्,” बुनेरका एक स्थानीय व्यापारी नूर मुहम्मदले एएफपीलाई बताउनुभयो । उहाँले भन्नुभयो, “पसललगायत अन्य सबै नष्ट भएका छन् । मानिसहरुसँग भएको थोरै पैसा पनि बगाएको छ।” प्रदेश सरकारले अति प्रभावित हिमाली जिल्ला बुनेर, बाजौर, स्वात, साङ्ला, मानसेहरा र बट्टाग्रामलाई विपद् प्रभावित क्षेत्र घोषणा गरेको छ । शनिबार सयौँ मानिसहरू भेला भई सामूहिक अन्त्येष्टिमा सहभागी भएका छन् । पाकिस्तानको मौसम विभागले अझै आइतबारदेखि ‘मुसलधारे वर्षा’ हुने र मनसुनी गतिविधि तीव्र हुने अनुमान गरेको छ ।

थप समाचारहरु

यस्तो छ आज सागसब्जी र फलफूलको मूल्य सूचना प्रविधि सावधानीपूर्वक प्रयोग गर्नुपर्ने गैरआवासीय नेपाली सङ्घलाई एकताबद्ध, मर्यादित र उद्देश्यकेन्द्रित बनाउन प्रधानमन्त्रीको आग्रह सगरमाथामा फहरायो ‘लैङ्गिक हिंसाविरुद्ध’को नारासहितको ब्यानर रवि लामिछानेको बन्दी प्रत्यक्षीकरणको रिट हेर्दाहेर्दैमा अमेरिकामा  ‘मधेस पार्क’ बनाउने आजको मौसम : कोशी, बागमती र गण्डकी प्रदेशका केही स्थानमा भारी वर्षाको सम्भावना गोल्छा ग्रुपद्वारा प्रस्तुत ‘ग्लोकल टिन हिरो’का लागि आवेदन खुला संस्थापक सेयर बिक्री गर्दै प्रभु बैंक र छिमेक लघुवित्त ‘इन्टेलेक्चुअल प्रोपटी राइट ’ जर्नल सार्वजनिक राइटपाथको ‘युके एजुकेसन एक्स्पो २०२५’ सम्पन्न, ५०० बढी विद्यार्थीको सहभागिता आजको मौसमः देशभर पानी पर्ने सुत्केरीको मृत्युपछि आफन्त आन्दोलित आजको मौसम यी प्रदेशहरूमा भारी वर्षाको सम्भावना आजको मौसम पूर्वानुमान आज १० अर्ब बराबरको विकास ऋणपत्र बिक्री गरिदै कोशी, बागमती र गण्डकी प्रदेशका केही स्थानमा भारी वर्षा भूकम्पको दश वर्ष : अझै पाल र टेकोको भरमा कुमारी घर