वैदेशिक सहायता घट्ने क्रम जारी, ५२ अर्ब ३३ करोडको लक्ष्य लिएको सरकारले जम्मा पायो २३ अर्ब ५३ करोड मात्र

ललितपुर । विगत २ वर्षदेखि नेपालका लागि आउने वैदेशिक सहायतामा कमी देखिएको छ । सरकारले गत आर्थिक वर्षमा लक्ष्य अनुसारको अनुदान प्राप्त गर्न सकेन ।

नेपाल सरकार अर्थमन्त्रालयका अनुसार आर्थिक गत वर्ष २०८१/८२ मा ५२ अर्ब ३३ करोड अनुदान प्राप्तिको लक्ष्य राखेको सरकारले जम्मा २३ अर्ब ५३ करोड रुपैयाँ मात्रै प्राप्त गरेको छ । जुन लक्ष्यको ३२.६२ प्रतिशत मात्र हुन आउँछ ।

अघिल्लो आर्थिक वर्ष २०८१/२०८१ मा सरकारले ४९ अर्ब ९४ करोड वैदेशिक अनुदान लिने लक्ष्य राखेकोमा २४ अर्ब प्राप्त गरेको थियो । जुन लक्ष्यको तुलनामा प्राप्ति ४९.०८ प्रतिशत हो । प्रतिशतका हिसाबले हेर्ने हो भने अघिल्लो आर्थिक वर्षमा भन्दा गत गत आर्थिक वर्षमा करिव ७ प्रतिशतले कमी देखिन्छ ।

अघिल्लो आवको तुलनामा वैदेशिक अनुदान प्रप्ति २.०४ प्रतिशतले घटेको अर्थ मन्त्रालयले जनाएको छ । यस्तै, अघिल्लो आर्थिक वर्षको तुलनामा २०८१/८२ मा सरकारले लिने ऋण समेत घटेको छ । आव २०८१/८२ मा २ खर्ब १७ अर्ब वैदेशिक ऋण लिने सरकारको लक्ष्य रहेकोमा १ खर्ब २५ अर्ब ४० करोड मात्रै ऋण लिन सरकार सफल भएको छ । यो सरकारले लिएको वैदेशिक ऋण लक्ष्यको तुलनामा ५७.७८ प्रतिशत हो ।

यस्तै, अघिल्लो आर्थिक वर्ष अर्थात् २०८०/८१ मा २ खर्ब १२ अर्ब ऋण लिने सरकारले लक्ष्य राखेको थियो । त्यसमध्ये १ खर्ब २५ अर्ब ६६ करोड सरकारले ऋण लिएको थियो । लक्ष्यको तुलनामा ५९.०७ प्रतिशत सरकारले ऋण लिएको थियो । अघिल्लो वर्षको तुलनामा २०८१/८२ मा वैदेशिक ऋण प्राप्ति ०.२१ प्रतिशतले घटेको अर्थमन्त्रालयले सार्वजनिक गरेको तथ्यांकले देखाएको छ ।

त्यसैगरी सरकारले कुल वैदेशिक सहायतातर्फ २०८१र८२ मा २ खर्ब ६९ अर्ब वैदेशिक सहायाता लिने लक्ष्य लिएको थियो । उक्त आवमा सरकारले १ खर्ब ४८ अर्ब त्यस्तो सहायता प्राप्त गरेको छ । जुन प्राप्ति वार्षिक लक्ष्यको ५५.१५ प्रतिशत हो । अघिल्लो आवमा सरकारले वैदेशिक सहायतातर्फ २ खर्ब ६२ अर्ब वैदेशिक सहायाता लिने लक्ष्य लिएको थियो । उक्त आवमा सरकारले १ खर्ब ४९ अर्ब ६७ करोड त्यस्तो सहायता प्राप्ति गरेको छ । जुन प्राप्ति वार्षिक लक्ष्यको तुलनामा ५६।९८ प्रतिशत हो । अघिल्लो आवको तुलनामा वैदेशिक सहायता ०.४९ प्रतिशतले घटेको अर्थमन्त्रालयले सार्वजनिक गरेको तथ्यांकले देखाएको छ ।

थप समाचारहरु

आज विदेशी मुद्राको विनिमय दर डिजेल, मट्टितेल र हवाई इन्धनको मूल्य घट्यो सुन–चाँदीको मूल्यमा गिरावट सुनको मूल्यले बनाउँदैछ दैनिक नयाँ रेकर्ड, आज कति पुग्यो ? प्रभु बैंक लिमिटेड तथा कृषिबजार व्यवस्थापन समितिबीच व्यवसायिक साझेदारी सम्झौता सम्पन्न मंगलबारका लागि निर्धारित विदेशी मुद्राको विनिमयदर आजका लागि निर्धारित विदेशी मुद्राको विनिमयदर सुन–चाँदीको मूल्यमा भारी गिरावट, कतिमा हुँदैछ कारोवार ? आन्तरिक उत्पादन वृद्धि गरेर मात्र सङ्घीयता सबल हुन्छ नेपाल राष्ट्र बैंकको बन्न लागेको ऐनमा सरकारको हस्ताक्षर हटाउन आईएमएफको सुझाव आगामी आवको मौद्रिक नीतिको अन्तिम तयारी गर्दै राष्ट्र बैंक मुलुकको अर्थतन्त्रको आकार एक वर्षमा ४ खर्बले बृद्धि ललितपुर महानगरपालिकाको आगामी वर्षको बजेट ७ अर्ब ४७ करोड ४१ लाख ४७ हजार रुपैयाँ आजदेखि २५ करोड रुपैयाँसम्म सेयर कर्जा पाइने : राष्ट्र बैंक सुनको मूल्य २ लाखको नजिक, चाँदीको मूल्यले बनायो नयाँ रेकर्ड यस्तो छ आजको सुनचाँदीको मूल्य मधेस प्रदेश सरकारले एक हजार २०० स्यालो ट्युबवेल वितरण गर्दै सुनको मूल्य हालसम्मकै उच्च, आज कतिमा हुँदैछ कारोबार ?