दूध उत्पादनमा प्रोत्साहनका लागि नगद अनुदान

गोरखा । गोरखाका पशुपालक किसानलाई दूध उत्पादनमा प्रोत्साहनका लागि नगद अनुदान उपलब्ध गराइने भएको छ ।

भेटरिनरी अस्पताल तथा पशुसेवा विज्ञ केन्द्र गोरखाले उत्पादनका आधारमा किसानलाई प्रतिलिटर रु पाँच अनुदान उपलब्ध गराउने गरी बजेट विनियोजन गरेको केन्द्रका प्रमुख वरिष्ठ पशु चिकित्सक डा अनन्त कोइरालाले जानकारी दिए।

उनका अनुसार आर्थिक वर्ष २०८२/८३ का लागि दूधमा अनुदान उपलब्ध गराउन रु १५ लाख बजेट बिनियोजन गरेको छ । “जिल्लालाई दूधमा आत्मनिर्भर बनाउन किसानलाई प्रोत्साहन गर्दै जाने उद्देश्यसहित नगद अनुदान कार्यक्रम सञ्चालन गरिएको हो”, प्रमुख कोइरालाले भने, “यसले किसानलाई थप सहयोग पुग्नेछ ।”

कार्यक्रमले किसानलाई पशुपालनतर्फ आकर्षित गर्न मद्दत पुग्ने उनको भनाइ छ । “केन्द्रमा सहकारी संस्थालाई सूचीकृत गरेर सूचीकृत भएका सहकारी संस्थामार्फत उत्पादित दूध बिक्री गर्ने कार्यविधि छ”, प्रमुख कोइरालाले भन्नुभयो, “थोरै दूध उत्पादन गर्ने किसानले पनि सङ्गठित रूपमा काम गर्न सकोस् भन्ने उद्देश्यसहित सहकारीमार्फत काम गराउने व्यवस्था गरिएको हो ।”

सहकारीमार्फत सङ्कलन र बिक्रीको व्यवस्था गर्दा साना किसानले पनि घरघरमा उत्पादित दूध बजारसम्म पुर्‍याउन सक्ने र अनुदान कार्यक्रमबाट लाभ लिनसक्ने उनले बताए । गोरखा नगरपालिका, पालुङटार नगरपालिका, सिरानचोक गाउँँपालिकामा दूध उत्पादन राम्रो हुने गरेको पाइन्छ । केन्द्रले पशुपन्छी तथा मत्स्य व्यवसाय प्रवर्द्धन कार्यक्रमअन्तर्गत दूध उत्पादनमा अनुदान कार्यक्रम सञ्चालन गरेको हो ।

कार्यक्रमअन्तर्गत यस वर्ष जिल्लामा तीन लाख लिटर दूधलाई अनुदान दिन सकिने केन्द्रले जनाएको छ । त्यस्तै सूचीकृत भएका सहकारी संस्थाले न्यूनतम २०० लिटर दूध सङ्कलन तथा बिक्री गनुपर्ने व्यवस्था गरिएको छ । ‘केन्द्रले सहकारीमार्फत किसानलाई नगद अनुदान उपलब्ध गराउने हो”, उनले भने ।

थप समाचारहरु

दुई करोडभन्दा बढी माछाका भुरा उत्पादन जाडोमा भक्का बेचेर खर्च जुटाउदै महिला बागमती प्रदेशले स्थानीय तहलाई दियो सार्वजनिक खरिद व्यवस्थापन सम्बन्धी २ दिने अभिमुखीकरण तालिम रेविकाको न्यायको लागि विद्यार्थीको आन्दोलन ट्रम्पको कर नीति : नेपालसहित १०० देशमाथिको करको नयाँ दर सूची सार्वजनिक आज रामनवमी, देशभरका राम मन्दिरमा विहानैदेखि भक्तजनको भीड कामु गभर्नरको जिम्मेवारी निलम ढुंगानालाई घटेन वायु प्रदुषण, घरबाहिर ननिस्कन विज्ञको सुझाव मेक्सिकोमा ११ जनाको हत्या ‘संविधान कार्यान्वयनको अवस्थाबारे समीक्षा गरौँ’ डिजिहबले ल्यायो अन्तर्राष्ट्रिय स्तरको ट्रेडिङ म्यानेजमेन्ट सिस्टम (टीएमएस) वैशाख २ गते बोडेका सुजनले तेस्रोपटक जिब्रो छेडेर जात्रा चलाउने ‘नयाँ वर्षसँगै लोकतान्त्रिक गणतान्त्रिक शासन व्यवस्था सुदृढ हुनेछ’ नेपाल टेलिकमको बिहिवारदेखि लागू हुने गरी ‘मनसुन अफर २०८२’ आज विश्व जनसङ्ख्या दिवस, विभिन्न कार्यक्रमका साथ मनाइँदै ‘नेपाल–चीन मितेरी पुल बगाउँदा कैलाश मानसरोवर जाने यात्रु समस्यामा’ छाउगोठमा मृत्यु भएकी कमलाको परिवारलाई ५० हजार सहयोग क्रिप्टोकरेन्सीमा साइबर आक्रमण गरेर ४४ करोड डलर चोरी