सहुलियतपूर्ण कर्जासम्बन्धि कार्यविधि संशोधन, उद्यमीले अब २५ लाखसम्म कर्जा पाउने

ललितपुर । सरकारले सहुलियतपूर्ण कर्जासम्बन्धि कार्यविधिलाई संशोधन गरेको छ । यसपटक सरकारले उद्यमशील कर्जालाई २५ लाखसम्म पुर्याइएको छ । सरकारले परम्परागत सीप र पेशाको आधुनिकीकरण एवं प्रवर्द्धन गर्दै उद्यमशीलताको विकास तथा प्राकृतिक विपद् पीडितको निजी आवास निर्माण गर्न प्रदान गरिने सहुलियतपूर्ण कर्जामा लाग्ने ब्याज, बीमाशुल्क वा सुरक्षण शुल्कमा अनुदान रकम उपलव्ध गराउने उद्देश्यले सरकारले कार्यविधि संशोधन गरेको हो ।

संशोधित कार्यविधिपछि बैंक तथा वित्तिय संस्थाहरुले प्रदान गर्ने सहुलियतपूर्ण कर्जालाई सहजीकरण गरिएको छ भने कतिपय कर्जाको सीमामा समेत भारी रुपमा वृद्धि गरिएको जानकारी अर्थमन्त्रालयले दिएको छ ।

यस्तै अब कृषि तथा पशुपन्छी कर्जा अन्तर्गत पाँच करोड रूपैयाँसम्म कर्जा प्रवाह गर्न बैंक तथा वित्तीय संस्थाहरुले सक्नेछन् । यसअघि व्यवसायिक कृषिलाई मात्रै दिइने गरिएको थियो भने अब सबै खालेलाई दिइँदैछ । त्यस्तै, महिला उद्यमशील कर्जालाई कार्यविधि संशोधन गरेर २५ लाख रूपैयाँसम्म पुर्याइएको छ । वैदेशिक रोजगारबाट फर्केका युवा स्वरोजगार बन्न चाहेमा अब सरकारले २० लाख रुपैयाँसम्म कर्जा दिनेछ । शिक्षित युवा परियोजना कर्जालाई २० लाख रूपैयाँसम्म पुर्याइएको छ भने दलित समुदाय भगत सर्वजित उद्यम विकास कर्जालाई समेत २० लाख रूपैयाँसम्म पुर्याइएको छ ।

त्यस्तै, संशोधित कार्यविधि अनुसार स्टार्टअप उद्यम कर्जाको सीमा पच्चीस लाख रुपैयाँसम्म पुर्याइएको छ । उद्योगमा बोइलर प्रतिस्थापन कर्जाका लागि अधिकतम २५ लाख रुपैयाँसम्म सरकारले सीमा तोकेको छ । प्राकृतिक विपद् पीडितको निजी आवास निर्माण कर्जा पाँच लाख रूपैयाँसम्म तोकिएको छ । यसअघि यस्तो व्यवस्था राखिएको थिएन ।

कार्यविधिमा भनिएको छ–सहुलियतपूर्ण कर्जा किस्तावन्दीमा भुक्तानी हुने आवधिक प्रकृतिको हुनेछ । एक पटक स्वीकृत भएको सहुलियतपूर्ण कर्जाको सीमा पुनः वृद्धि गर्न पाइने छैन् । सहुलियतपूर्ण कर्जा एकाघर परिवारको एक जना भन्दा बढी सदस्यलाई प्रदान गरिने छैन् । सहुलियतपूर्ण कर्जा संवत् २०८७ साल असार मसान्तसम्म प्रदान गरिनेछ ।

थप समाचारहरु

वैदेशिक रोजगारबाट भित्रिने पुँजी र सीपको सदुपयोग गर्ने आधार बनाऔँः अर्थमन्त्री पौडेल बागमती प्रदेश सरकारको बजेट खर्च ९ महिनामा ३२ प्रतिशत आजका लागि निर्धारित विदेशी मुद्राको विनिमयदर कर छलीमा एक अर्ब २१ करोड असुल गर्न सञ्चालक देवमाथि मुद्दा राष्ट्रिय सभाको बैठकमा बजेटमाथि छलफल ‘कृषि र शिक्षा क्षेत्रमा बजेट पर्याप्त भएन’ -राष्ट्रियसभाका सदस्यहरु फेरि बढ्यो सुनको मूल्य, कतिमा हुदैछ कारोबार ? मलेसियाका लगानीकर्तालाई नेपालमा लगानी गर्न अर्थमन्त्री पौडेलको आग्रह हिमालयन बैंकलाई बोर्डले दियो एफपीओ निष्कासनको अनुमति बैङ्क दर र नीतिगत दर घटाइयो, आवास र शेयर कर्जामा राष्ट्र बैङ्क खुकुलो गर्भनर पौडेलद्वारा हस्ताक्षरित नयाँ नोट छापिँदै भाटभटेनी सहित ७ वटा गीतसङ्गीतका प्रयोगकर्ता रोयल्टीको दायरामा आउन सहमत सरकारको आय–व्ययः बजेट खर्च १५ खर्ब २३ अर्ब, आम्दानी १२ खर्ब १९ अर्ब नागरिक उड्डयन प्राधिकरणले ल्यायो ३१ अर्बभन्दा बढी बजेट सन २०२५ मा विश्वव्यापी आर्थिक वृद्धि दर ३ प्रतिशतमा पुग्ने (आईएमएफ)को प्रक्षेपण सुनचाँदीको मूल्य वृद्धि, कतिमा हुँदैछ कारोबार ? करिब ६ हजार ७ सय सहकारी पीडितको बचत रकम फिर्ता, अब भूमिहीन र सुकुम्बासीलाई जग्गा उपलब्ध गराउने– मन्त्री अधिकारी सुनको मूल्यमा सामान्य गिरावट, कतिमा हुँदैछ कारोबार ?