२० वाणिज्य बैंकहरुले छुट्टाए कर्मचारी बोनसका लागि साढे ११ अर्ब भन्दा बढी रकम, पहिलोमा नवील बैंक

ललितपुर। कर्मचारी बोनस शीर्षकमा २० वाणिज्य बैंकहरुले साढे ११ अर्बभन्दा बढी रकम छुट्टाएका छन् । गत आर्थिक वर्ष २०८१/२०८२ को वित्तीय विवरण अनुसार, २० वाणिज्य बैंकले कर्मचारी बोनसका लागि ११ अर्ब ५९ करोड २ लाख ५८ हजार रुपैयाँ छुट्टाएका छन् । यो रकम बैंकहरुको वार्षिक तलब खर्चको १९.५७ प्रतिशत बराबर हुन आउँछ ।

अघिल्लो आर्थिक वर्ष अर्थात् २०८०/२०८१ मा वाणिज्य बैंकहरुले कर्मचारीलाई ९ अर्ब ६७ करोड १२ लाख रुपैयाँ बोनस छुट्टाएका थिए । जस अनुसार गत आर्थिक वर्षमा करिव २ अर्बले बढी हुन आउँछ । वाणिज्य बैकले सार्वजनिक गरेको प्रतिवेदन अनुसार यस वर्ष सबैभन्दा धेरै बोनस नबिल बैंकले छुट्टाएको छ। नवील बैंकले आफ्ना कर्मचारीका लागि १ अर्ब १४ करोड ९५ लाख रुपैयाँ बोनस छुट्टाएको छ। अघिल्लो वर्षको तुलनामा ५.६१ प्रतिशत अर्थात् ६ करोड ११ लाख रुपैयाँले बढी हुन आउँछ ।

नबील बैंकले अघिल्लो आवमा १ अर्ब ८ करोड ८३ लाख रुपैयाँ बोनस रकम छुट्टाएको थियो ।

नवीलपछि नेपाल इन्भेष्टमेन्ट मेगा बैंकले १ अर्ब ६ करोड ७८ लाख रुपैयाँ छुट्टाएर दोस्रो स्थानमा रहेको छ। यी दुई बैंकले मात्रै १ अर्बभन्दा बढी बोनस वितरण गरेका छन्।

त्यसैगरी तेस्रो स्थानमा रहेको ग्लोबल आइएमई बैंक रहेको छ । यस बैंकले ९७ करोड ६० लाख रुपैयाँ छुट्टाएको छ भने चौथो स्थानमा एभरेष्ट बैंकले २ अर्ब ७ लाख रुपैयाँ कर्मचारी बोनसमा छुट्टाएको विवरणमा उल्लेख छ । अघिल्लो आवको तुलनामा ग्लोबल आइएमई बैंकको २.५२ प्रतिशत र एभरेष्ट बैंकको ३२.९८ प्रतिशत बोनस रकम बढेको देखिन्छ ।

साथै सोही अवधिमा प्रभु बैंकले ७० करोड ५ लाख रुपैयाँ, र प्राइम बैंकले ६५ करोड ९८ लाख तथा कृषि विकास बैंकले ६५ करोड र कुमारी बैंकले ६४ करोड २३ लाख रुपैयाँ बोनस शेयर छुट्टाएका छन् ।

यसैगरी लक्ष्मी सनराइज बैंकः ६४ करोड ९ लाख, राष्ट्रिय वाणिज्य बैंकः ६० करोड ५८ लाख, नेपाल बैंकः ६० करोड २५ लाख रुपैयाँ निर्धारण गरेका छन् भने सिद्धार्थ बैंकले ५५ करोड ९६ लाख, एनएमबि बैंकले ५२ करोड १७ लाख, स्ट्याण्डर्ड चार्टर्डले ५० करोड ६० लाख, सानिमा बैंकले ३९ करोड ५४ लाख, माछापुच्छ्रेले ३२ करोड २७ लाख, नेपाल एसबिआईले ३० करोड ११ लाख छुट्टाएका छन्।

यस्तै, हिमालयन बैंकले २३ करोड १८ लाख, सिटिजन्स बैंकले २० करोड ४२ लाख, एनआइसी एशिया बैंकले २ करोड ४० लाख रुपैयाँ कर्मचारी बोनसका लागि निर्धारण गरेका छन् ।

बोनस ऐन र नियमावली अनुसार, बैंक तथा वित्तीय संस्थाले कर तिर्नु अघि वार्षिक नाफाबाट अधिकतम १० प्रतिशत रकम कर्मचारी बोनसका लागि छुट्टाउन पाउँछन्।

थप समाचारहरु

आजका लागि विदेशी मुद्राको विनिमयदर, कुन देशको कति ? नेपालको आर्थिक वृद्धिदर ४.५ प्रतिशत पुग्ने विश्व बैंकको प्रक्षेपण नबिल बैंकलाई प्रधानमन्त्रीद्वारा नेपाल उद्योग वाणिज्य महासंघको ५९औँ वार्षिक साधारणसभा कार्यक्रममा सम्मानित एक वर्षको मुद्दती निक्षेपमा ९७ करोड लगानी गर्दै राष्ट्र बैंक आजका लागि निर्धारित विदेशी मुद्राको विनिमयदर यस्तो छ आजका लागि निर्धारित विदेशी मुद्राको विनिमयदर गभर्नर बन्ने पक्का भएपछि भट्टले दिए कार्यकारी निर्देशक पदबाट राजीनामा गभर्नरमा पहिलो नम्बरमा अर्थशास्त्री विश्व पौडेलको नाम सिफारिस ग्लोबल आइएमई क्यापिटलको १० वर्ष अवधिको बन्दमुखी योजना -‘ग्लोबल आइएमई समुन्नत योजना–२’ बैङ्क दर र नीतिगत दर घटाइयो, आवास र शेयर कर्जामा राष्ट्र बैङ्क खुकुलो सम्पत्ति शुद्धीकरण मामिलामा खैरो सूचीबाट बाहिर निस्कन अनुसन्धान र कारबाही प्रभावकारी बनाइने गर्भनर पौडेलद्वारा हस्ताक्षरित नयाँ नोट छापिँदै राष्ट्र बैंकद्वारा नयाँ व्यवस्था लागू, विदेश यात्र गर्नु अगाडि अनिवार्य बैंक खाता खोल्नुपर्ने राष्ट्र बैंक २ अर्ब ९२ करोड लगानी गर्दै : प्रस्ताव पठाउन बैंक तथा वित्तीय संस्थाहरुलाई आह्वान कुमारी बैंकको नाफा २ अर्ब नाघ्यो ग्लोबल आइएमई बैंकको नाफामा वृद्धि, एकै वर्षमा कमायो ६ अर्ब २० करोड राष्ट्र बैंकले आज फेरि ६० अर्ब रुपैयाँ निक्षेप उठाउँदै राष्ट्र बैंकले बजारबाट ५० अर्ब रुपैयाँ उठाउँदै