एक गीतकार एआइजी अवकाशमा जाँदै, अर्का गीतकार आईजीपी नियुक्त

बिजनेस पाटी

२०८२ भाद्र १३

ललितपुरं । काठमाडौँ उपत्यकाको कमाण्ड सम्हाली रहेका गीतकार तथा प्रहरी अतिरिक्त महानिरीक्षक टेक तामाङ भदौ १८ गते ३० वर्षे सेवाअवधिका कारण अवकाशमा जाँदै गर्दा नेपाल प्रहरीको समग्र कमाण्ड सम्हाल्ने जिम्मा अर्का गीतकार चन्द्रकुवेर खापुङ ले पाएका छन् । गीतकार एआइजी तामाङले असार १४ मा पहिलोपटक एकल साँझ सम्पन्न गरेका थिए । एकल साँझमा गीतकार तामाङका नयाँ र पुराना गरी करिव डेढ दर्जन गीत प्रस्तुत गरिएका थिए ।

शुक्रवार नेपाल प्रहरीको ३२औँ महानिरीक्षक (आईजीपी) मा नियुक्त भएका चन्द्रकुवेर खापुङ पनि गीतकार हुन् ।

उनले लेखेका केहि गीतहरुमा छोडी जाने, सुवास बनेर आउनु तिमी ,अजम्बरी जीवन होइन्,,सपना होकी विपना,भ्रममा परे की,भाग्यमा नै नलेखेको, चन्जङ् लुङ –पालम) लगायत छन् । उनकी श्रीमती भावना श्रेष्ठ खापुङ पुर्व डिएसपी हुन् ।
२०५२ सालदेखि प्रहरी सेवामा प्रवेश गरेका चन्द्र कुवेर खापुङ पहिलो वरीयताका एआईजी थिए । उनलाई द्वन्दकालमा गोली समेत लागेको थियो ।

हाल नेपाल प्रहरीको केन्द्रीय अनुसन्धान ब्यूरो (सीआईबी) का प्रमुख रहेका एआईजी खापुङ २०५२ कात्तिक २७ गते इन्स्पेक्टरमा भर्ना भएका थिए ।

२०८२ बैशाख १६ गते एआईजी नियुक्त भएका खापुङ हालसम्मका विवादरहित उच्च प्रहरी अधिकृतका रुपमा चिनिन्छन । एआईजी खापुङ एसपी हुँदा प्रहरी प्रधान कार्यालयको कर्मचारी प्रशासन,एसएसपी हुँदा उपत्यका अपराध अनुसन्धान कार्यालय तथा डीआईजीमा प्रदेश प्रहरीको कमाण्ड गरेको अनुभव छ ।
आफूलाई अनुशासित बनाउँदै साहित्य सिर्जनामार्फत नेपाली साहित्यमा ईट्टा थप्ने काम गर्दै आएका छन् ।

थप समाचारहरु

फेसबुकबाट तपाईको प्रतिक्रिया