ललितपुर तयारी पोशाक व्यापार सङ्घको अध्यक्षमा शेर बहादुर : गीत गाउँदा सबै छक्क ( भिडियो)

बिजनेस पाटी

२०८२ भाद्र १४

1.9k views

ललितपुर । ललितपुर तयारी पोशाक व्यापार सङ्घको २७ औ र २८ औ साधारण सभा तथा १२ औ महाधिवेशन आज सम्पन्न भएको छ ।

साधारण सभा तथा महाधिवेशनले शेर बहादुर महर्जनको अध्यक्षतामा नयाँ कार्यसमिति चयन गरेको छ । कार्यसमितिका प्रथम उपाध्यक्षमा कपिल शाही,द्वितीय उपाध्यक्षमा उमा प्रधान,महासचिवमा धिरेन्द्र रिजाल,कोषाध्यक्षमा इन्द्र प्रसाद तिमिल्सिना,सचिवमा रुक्मिणी गुरुङ, सह कोषाध्यक्षमा इन्दिरा महर्जन सर्वसम्मत चुनिएका छन् ।

त्यसै गरी सदस्यहरूमा सुरेन्द्र महर्जन,राधा महर्जन,प्रबिन्द्र श्रेष्ठ, रश्मिला श्रेष्ठ, सोनिका तामाङ,र आरती माया लामा चयन भएका छन् ।

सङ्घीय सांसद प्रेम महर्जनको प्रमुख आतिथ्यमा र निवर्तमान अध्यक्ष मिलन श्रेष्ठको अध्यक्षतामा सम्पन्न उदघाटन् सत्रमा बागमती प्रदेशकी उद्योग मन्त्री बिन्दु श्रेष्ठ, पूर्व मन्त्री प्रेम भक्त महर्जन,ललितपुर महानगरकी उप प्रमुख मञ्जली शाक्य,प्रमुख जिल्ला अधिकारी सुमन घिमिरे,नेपाल राष्ट्रिय व्यवसायी सङ्घका अध्यक्ष मनोजबाबु श्रेष्ठ लगायता शुभकामना मन्तव्य व्यक्त गरेका थिए ।

त्यस क्रममा वक्ताहरूले व्यवसायीका समस्या समाधानका लागि र व्यवसायलाई राज्य निर्माणमा जोडन तिन तहका सरकारबाट सहजीकरण गरिने प्रतिबद्धता जनाएका थिए ।