‘रासायनिक मल उद्योग सञ्चालन गर्ने जिम्मेवारी राज्यले लिनुपर्छ’

देवदह (रुपन्देही) कृषि तथा पशु विकासमन्त्री रामनाथ अधिकारीले नेपालमा रासायनिक मल उद्योग (कारखाना) सञ्चालन गर्ने जिम्मेवारी राज्यले लिनुपर्ने बताउनुभएको छ । नेपाली कांग्रेस क्षेत्रीय कार्यसमिति क्षेत्र नम्बर ३, रुपन्देहीले आज भैरहवामा आयोजना गरेको अन्तरक्रिया कार्यक्रममा उहाँले आफू मन्त्री बनिसकेपछि पटकपटक मन्त्रिपरिषद्मा यो विषय राखेको बताउनुभयो । उहाँले रासायनिक मल उद्योग सञ्चालन गर्ने जिम्मेवारी राज्यले लिने विषयमा आवश्यक छलफल भइरहेको जानकारी दिनुभयो । “नेपालमा रासायनिक मल उत्पादन गर्ने कारखाना खोल्नका लागि कहाँ सम्भावना छ, अहिले त्यसको लगानी बोर्डले अनुसन्धान गरिरहेको छ”, मन्त्री अधिकारीले भन्नुभयो, “मलाई लाग्छ बढीमा दुई महिनामा लगानी बोर्डको निर्णय आउँछ ।” उहाँले आफू केही सकारात्मक परिवर्तन ल्याउनुपर्छ भनेर लागिपरेको बताउँदै मल व्यवस्थापन शीघ्र गरिने जनाउनुभयो ।

मन्त्री अधिकारीले गत वर्ष रु २७ अर्ब बजेट मलखादका लागि छुट्याइएकामा यस वर्ष त्यसलाई बढाएर करिब रु २९ अर्ब पु¥याइएको जानकारी दिनुभयो । “वर्तमान समयमा १३ लाख टन मलको आवश्यकता छ । तर, हाम्रो बजेटले करिब साढे चार लाख टन धान्न सक्छ । चारको सट्टा आठ पु¥याउन सकियो भने पर्याप्त दिन नसके पनि अहिलेको तुलनामा केही बढी हुन्छ”, उहाँले भन्नुभयो । पूर्वदेखि पश्चिमसम्म पुग्दा पर्याप्त मल पाएनौँ भन्ने एउटै गुनासो आइरहेको बताउँदै मन्त्री अधिकारीले समस्या समाधानमा सरकार प्रयासरत रहेको उल्लेख गर्नुभयो । फरक प्रसङ्गमा उहाँले रुपन्देही क्षेत्र नं ३ मा हुन लागेको उपनिर्वाचनमा नेपाली कांग्रेसले जित्नैपर्ने धारणा राख्नुभयो ।

थप समाचारहरु

‘सार्वजनिक यातायात बचाउ केन्द्रीय संघर्ष समिति’ले गर्यो ७ बुँदे माग राख्दै आन्दोलनका कार्यक्रम घोषणा सात ठाउँको अवरुद्ध सडक खुलाइयो, तीन ठाउँ अझै बाँकी ६० किलो सुन तस्करी प्रकरणमा पक्राउ परेकी अमलामा धरौटी रिहा गर्न आदेश पर्यटन क्षेत्रमा लगानी बढ्यो, पर्यटक बढेननः सीइओ जोशी एसईईको नतिजा सार्वजनिक ‘चिकित्सकलाई मात्र दोषी ठह¥याएर कारबाही गर्नु अन्यायपूर्ण आज राष्ट्रियसभाको बैठक बस्दै सुदूरपश्चिम प्रदेशसभाः आगामी आर्थिक वर्षको बजेट पारित प्रधानमन्त्री ओली स्वदेश फर्कनुहुँदै सहमति जुटेपछि चिकित्सक सङ्घको आन्दोलन स्थगित आजका लागि यस्तो छ विदेशी मुद्राको विनिमय दर इजरायली सेना गाजामा रहेसम्म युद्धविराम असम्भव : हमास आव २०८१/८२ मा २१ खर्ब २४ अर्ब ९१ करोड बराबरको धितोपत्र कारोबार तेहरानमा पानी सङ्कटः खानेपानीको खपत कम गर्न राष्ट्रपतिको आग्रह यस्तो छ प्रधानमन्त्री ओलीको तुर्कमेनिस्तानमा आजका कार्यक्रम बाह्र वर्षे चण्डेश्वरी अजिमा जात्रा टोलटोल घुमाएर मनाइयो काम गर्ने कर्मचारीलाई टाढा राखेर सरकारले समृद्धि खोज्न सक्दैन : ऊर्जामन्त्री खड्का भारतका विदेश सचिव मिस्री स्वदेश फिर्ता