ललितपुर महानगरप्रमुख महर्जन ‘एक्सिलेन्स अर्वान गभर्नेन्स अवार्ड’बाट सम्मानित

ललितपुर ललितपुर महानगरपालिकाका प्रमुख चिरीबाबु महर्जन ‘एक्सिलेन्स अर्वान गभर्नेन्स अवार्ड’बाट सम्मानित हुनुभएको छ । सिजन मिडियाको १७औँ वार्षिकोत्सवका अवसरमा यहाँ आयोजित एसियाली मुलुकमा विभिन्न पेसामा उत्कृष्ट काम गरिरहेका राष्ट्रिय तथा अन्तरराष्ट्रिय व्यक्तित्वको सम्मान कार्यक्रममा आधुनिक विकास र सांस्कृतिक संरक्षणबीच सन्तुलन कायम गर्न नेतृत्व गर्नुभएकाले महर्जनलाई उक्त अवार्ड प्रदान गरिएको हो । ललितपुरलाई बस्नयोग्य सम्पदामैत्री सहरका रूपमा विकास गर्न योगदान पुर्‍याउनु भएबापत एक्सिलेन्स अर्वान गभर्नेन्स अवार्डबाट सम्मानित गरिएको सिजन मिडियाका अध्यक्ष प्रदीपराज वन्तले जानकारी गराउनुभयो । उहाँका अनुसार महानगरप्रमुख महर्जनलाई पूर्वप्रधानमन्त्री एवं नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले अवार्ड प्रदान गर्नुभएको हो । ललितपुर महानगरको प्रमुख पदमा दुई कार्यकाल निर्वाचित हुनुभएका महर्जनले नेपालका ७५३ वटै स्थानीय तहका प्रमुखमध्ये समर्पित, प्रतिबद्ध, इमानदार नेतृत्वका रूपमा स्थापित भई आधुनिकीकरणसँगै सांस्कृतिक परम्परालाई र सम्पदालाई सुरक्षित राख्न जोड दिँदै आउनुभएको छ । सन् १९५७ डिसेम्बर १ मा ललितपुरको पुल्चोकमा जन्मिनुभएका महर्जन बाल्यकालमा पिताको निधनले विभिन्न समस्या भोग्दै सामुदायिक सहयोगमा आफ्नो शिक्षा पूरा गर्नुभयो । त्रिभुवन विश्वविद्यालयबाट वाणिज्य विषयमा स्नातकोत्तर उपाधि हासिल गरेसँगै सामाजिक सेवामा सक्रिय हुनुभएका उहाँ तत्कालीन ललितपुर नगरपञ्चायतको वडाध्यक्षबाट राजनीतिक यात्रा सुरु गर्नुभएको थियोे । तीनपटक वडाध्यक्ष र दुई कार्यकाल नगरप्रमुखको भूमिका निर्वाह गर्ने अवसर पाउनुभएका महर्जनले नेपाली कांग्रेस पार्टीमा आवद्ध रहेर जवाफदेही र जिम्मेवार नागरिक केन्द्रित शासनका पक्षमा काम गर्दै आउनुभएको छ । महानगरप्रमुख महर्जनले मुलुकको पहिलो साइकल लेन, स्मार्ट सडक बत्ती, आधुनिक फोहर व्यवस्थापन प्रणाली, बीउ वितरण मेसिन, खानेपानी वितरण मेसिनलगायत सार्वजनिक सेवामैत्री सेवा सुरु गरेर दिगोपन र समावेशितालाई व्यवहारमा उतार्ने काम गर्नुभयो । सबै वडामा निःशुल्क पूर्वप्राथमिक शिक्षा, हरित क्षेत्र र पार्क विस्तार, वृक्षरोपण, शुद्ध पानीको सहज पहुँच, राष्ट्रिय तथा अन्तरराष्ट्रिय सहकार्यका माध्यमबाट सांस्कृतिक आदानप्रदान, दिगो विकास र सम्पदा संरक्षणमा साझेदारी बढाउन जोड दिँदै आउनुभएको छ ।

‘लाइफ टाइम एचिभमेन्ट अवार्ड’बाट बालकृष्ण श्रेष्ठ, ‘आइकोनिक इन्टरपेजरसीप अवार्ड’बाट राजेन्द्र मल्ल, ‘एक्सिलेन्स इन न्युरोसाइनेस एण्ड हेल्थकेयर अवार्ड’बाट डा वसन्त पन्त, ‘विमन इन विजिनेश लिडरसीप अवार्ड’बाट ज्योत्स्ना श्रेष्ठ, ‘बैंकिङ सिइओ अफ दी इयर’बाट मनोज ज्ञवाली, ‘विमन इन इनर्जी एक्सिलेन्स अवार्ड’बाट सुसन कर्माचार्य, ‘भिजिनरी लिडरसीप इन लाइफ इन्स्योरेन्स अवार्ड’बाट सन्तोष प्रसाईं सम्मानित हुनुभएको आयोजकले जनाएको छ । त्यसैगरी, ‘अटोमोटिभ विजिनेश एक्सिलेन्स अवार्ड’बाट मिलनबहादुर मल्ल, ‘आउटस्टायन्डिङ पब्लिक कम्युनिकेटर अवार्ड’बाट सिवानी थापा बस्न्यात, ‘आउटस्टायन्डिङ जर्नालिजम अवार्ड’बाट सुशील अर्याल, ‘विमन टुरिजम इन्टरपेनर अवार्ड’बाट कमला गिरी, ‘आउटस्टायन्डिङ पब्लिक सर्भिस अवार्ड’बाट शेरबहादुर विसी, ‘युथ विजिनेश लिडरसीप अवार्ड’बाट डिल्लीराम पङ्गेनी, ‘म्युजिकल ब्रिलियन्ट अवार्ड’बाट शिव परियार सम्मानित हुनुभएको सिजन मिडियाका अध्यक्ष वन्तले जानकारी दिनुभयो । उहाँका अनुसार ‘एक्सिलेन्स इन फाइनान्स सर्भिस एण्ड डिजिटल इन्नोभेटिभ अवार्ड’बाट खिलेन्द्र पौडेल, ‘एक्सिलेन्स इन हेयर एण्ड व्युटीकेयर अवार्ड’बाट लक्ष्मी ठाकुर, ‘हेल्थ एण्ड फिटनेस चेञ्जमेकर अवार्ड’बाट सुकदेव कार्की, ‘डिस्टिङ्गिवष्ट पर्फमेन्ट सिनेमा अवार्ड’बाट केकी अधिकारी, ‘युथ इन्नोभेटर इन्टरपेनरसीप अवार्ड’बाट मनोज पौडेल, ‘एक्सिलेन्स इन एभियसन एण्ड हस्पिटालिटी सर्भिस अवार्ड’बाट सेमन्त श्रेष्ठ र ‘साइन्टिफिक पब्लिसिङ एण्ड इडिटोरियल एक्सिलेन्स अवार्ड’बाट सुरेश रिजाल सम्मानित हुनुभएको छ । एसियाली देशहरूमा चीनका चेन्ग हुआङ ‘पायोनियर फोटोग्राफी एण्ड कल्चर हेरिटेज अवार्ड’बाट, कम्बोडियाकी लिआङ बोफा ‘विमन विजिनेश लिटरसीप एक्सिलेन्स अवार्ड’बाट, बङ्गलादेशका मसियुर रहमन सुमोन ‘एक्सिलेन्ट फोटोग्राफी एण्ड हस्पिटालिटी अवार्ड’बाट, बङ्गलादेशकै मोइन्उद्दिन अहमद ‘आउटस्टायन्डिङ फोटोजर्नलिज्जम अवार्ड’बाट सम्मानित हुनुभएको अध्यक्ष वन्तले बताउनुभयो । मलेसियाका मनिमारन एल सुप्पिअह ‘एक्सिलेन्स इन इन्टरनेशनल विजिनेश एण्ड नेटवर्किङ अवार्ड’बाट, भुटानका फुन्ट्शो डेन्डुप ‘एक्सिलेन्स इन हेल्थ एण्ड सेप्टी लिटरसीप अवार्ड’बाट र थाइल्यान्डकी सुकन्या अर्त्री ‘एक्सिलेन्स इन ग्लोबल डान्स एण्ड इन्टरनेन्टमेन्ट अवार्ड’बाट सम्मानित हुनुभएको उहाँले उल्लेख गर्नुभयो ।

थप समाचारहरु

आठ महिनामा साढे १० खर्ब विप्रेषण प्राथमिकताका आधारमा बजेट विनियोजन गरिनुपर्छ : पूर्वअर्थमन्त्री महत ज्येष्ठ नागरिकहरूले गरे फिस टनेलको एक्पो अवलोकन ( भिडियो ) गृहमन्त्रीको बर्खास्तीको माग गर्दै सर्वोच्च अदालतमा रिट-दर्ता हुन भने बाँकी काठमाडौँ–तराई / मधेस द्रुतमार्ग सडक आयोजनाबारे  प्रधानमन्त्रीसमक्ष सुुझाव प्रतिवेदन हस्तान्तरण राष्ट्रिय शिक्षक संगठनको अध्यक्षमा हंसबहादुर शाही निर्वाचित, अन्य पदमा को को ? (सुची सहित) सूचना प्रविधि तथा साइबर सुरक्षा विधेयकमा परिमार्जन गर्न माग धानचामल आयातमा करिब रु १७ अर्ब करोड ८२ वृद्धि थारु समुदायको भान्सामा हराउँदै ‘फुटकी च्याउ’ को स्वाद आर्थिक वृद्धिदरमा सुधार रुपन्देही क्षेत्र नं ३ को मतदाता नामावली अद्यावधिक गर्दै आयोग दुई वटा व्यापारिक फर्ममाथि कारबाही प्रदेश प्रमुखद्वारा दुई विधेयक प्रमाणीकरण आठ पालिका एउटै दमकलका भरमा वर्षातमा पनि आगलागीका घटना चार महिनामा एक हजारभन्दा बढी आगलागीका घटना मकाउका पूर्व सांसदको गिरफ्तारीको इयूद्वारा निन्दा सुटकेसमा बच्चासहित यात्रा गर्ने न्युजिल्याण्डकी एक महिला पक्राउ