‘नेपालमा ३० करोड जनतालाई पुग्ने अन्न उत्पादन सम्भव छ, डा. कोइराला

झापा । नेपाली कांग्रेस नेता डा. शशाङ्क कोइरालाले नेपालमा १७ लाख हेक्टर खेतीयोग्य जमिनबाट ३० करोड जनतालाई पुग्ने अन्न उत्पादन हुन सक्ने बताएका छन् ।

नेपाली कांग्रेस आपूर्ति तथा उपभोक्ता विभागको आयोजनामा हिजो (बुधबार) बिर्तामोडमा आयोजित ‘दैनिक उपभोग्य वस्तुको सुनिश्चितता, उपभोक्ताको अधिकार हाम्रो चासो’ विषयक अन्तरसंवाद कार्यक्रम उनले नेपालमा खेतीयोग्य जमिनको आधारमा ३० करोड जनसङ्ख्यालाई पुग्ने खाद्यान्न उत्पादन गर्ने सामथ्र्य नेपालसँग रहेको बताएका हुन् ।

नेता डा. कोइरालाले उत्पादन क्षमतामा ह्रास आउँदा व्यापार घाटा बढेको भन्दै कृषि क्षेत्रमा युवाको आकर्षण बढाउन विशेष सरकारी योजना आवश्यक रहेको बताए। उनले देश विकासको आधार नै कृषि भएको धारणा राखेका थिए ।

एक फरक प्रसंगमा नेता कोइरालाले लोकतान्त्रिक पद्धतिमा पार्टी सञ्चालन ‘चेन अफ कमान्ड’बाट हुनुपर्नेमा जोड दिँदै निर्वाचित सभापतिले सबै कार्यकर्तासँग समान व्यवहार गर्नुपर्ने धारणा समेत व्यक्त गरेका थिए ।

यस्तै, कांग्रेस सहमहामन्त्री भीष्मराज आङ्देम्बेले उपभोक्ताका आवाज सङ्कलन गरी सरकारसम्म पु¥याइने बताए। पार्टीको महाधिवेशन २०८३ मङ्सिरभित्रै हुने र त्यसका लागि समयमै क्रियाशील सदस्यता नवीकरण गर्न समेत उनले आग्रह गरेका थिए ।

यसैगरी, ऊर्जामन्त्री दीपक खड्काले अस्थिर सरकारका कारण अर्थतन्त्र कमजोर भएको उल्लेख गर्दै त्यसैले पनि कांग्रेस एमालेको संयुक्त सरकारको आवश्यकता भएको बताए। कांग्रेस प्रचार विभाग प्रमुख मीन विश्वकर्माले उपभोक्ता, उत्पादक र बिक्रेताबीच सन्तुलन कायम गर्न राज्यको भूमिका महत्त्वपूर्ण रहेको बताउँदै खाद्य मिसावट, विषादी प्रयोग र नियमनकारी निकायको कमजोरीबारे चिन्ता व्यक्त गरेका थिए।

कार्यक्रमलाई केन्द्रीय सदस्य सरिता प्रसाईं, नेताहरू गोमा भट्टराई, उर्मिला थपलिया, प्रेमराज महर्जन, कांग्रेस झापा सभापति देउकुमार थेवेलगायतले सम्बोधन गरेका थिए ।

थप समाचारहरु

मध्य भोटेकोशी जलविद्युत कम्पनीलाई नेपाल धितोपत्र बोर्डले १ करोड ५० लाख कित्ता आइपीओ जारी गर्न अनुमति नेपाल पत्रकार महासंघमा सल्लाहकारको विवाद गृहमन्त्री लेखकद्वारा आन्दोलनका घाइतेको स्वास्थ्यावस्थाबारे जानकारी भ्रष्टाचार नयुनीकरण र अन्त्य गर्नमा सरकार लागिपरेको छ : प्रधानमन्त्री सगरमाथा लुम्बिनी इन्स्योरेन्सको लाभांश घोषणा बुटवल-नारायणगढ सडक सञ्चालन समृद्ध राष्ट्र निर्माण गर्न सकारात्मक सोच आवश्यक छ : प्रधानमन्त्री कास्कीको रुपा गाउँपालिकाका नागरिकलाई बिमामा ५० प्रतिशत अनुदान प्रभु बैंक लिमिटेड तथा गोरखा गार्डन होटलबीच विशेष छुट सम्झौता सदर चिडियाखानाको जनावर ‘रेस्क्यु’ टोली नेपालभर सक्रिय प्रधानमन्त्रीको आव्हानमा मन्त्रिपरिषद् बैठक आन्दोलनरत शिक्षकहरुलाई कक्षा १२ को परीक्षामा सहभागी नहुन महासंघको निर्देशन ढिला नगरी शिक्षकलाई विद्यालय फर्किने वातावरण बनाउन अधिकांश सांसदहरूको माग आजदेखि धरहरा १२ घण्टा खुल्ने बस्ती पसेको बाघ नियन्त्रणमा विद्यादेवी भण्डारी एमाले पुर्व उपाध्यक्षको हैसियतमा : पार्टी सदस्यबाट वञ्चित गर्ने एमालेको निर्णयको वैधतामाथि प्रश्न एनआईसी एशिया बैंकको ८.१७ प्रतिशत ब्याजदरमा शेयर धितो कर्जा मध्यपहाडी लोकमार्गको सिन्धुली खण्ड अवरुद्ध