कोशी प्रदेशमा ४८७ सहकारी निष्क्रिय सूचीमा

झापा । कोशी प्रदेशमा कार्यालयको नियमन क्षेत्राधिकारभित्र पर्ने ४८७ सहकारी संस्था निष्क्रिय सूचीमा परेका छन् । त्यसमध्ये सबैभन्दा धेरै झापामा १३१ रहेका छन् भने मोरङमा ६७, सुनसरीमा ६२, इलाममा ४७, उदयपुर र तेह्रथुममा २६–२६ सहकारी निष्क्रिय सूचीमा रहेका छन् ।

त्यसैगरी, सोलुखुम्बुमा १२, ओखलढुङ्गामा २१, खोटाङमा १७, सङ्खुवासभामा १३, भोजपुर र धनकुटामा १७–१७, ताप्लेजुङमा १० र पाँचथरका २१ सहकारी संस्था निष्क्रियको सूचीमा रहेका छन् । सहकारी संस्थाहरूको तथ्याङ्कलाई अद्यावधिक गर्न तथा निष्क्रिय सहकारीको दर्ता खारेजी गर्ने प्रयोजनका लागि प्रदेश सहकारी ऐन, २०७६ तथा सहकारी सङ्घसंस्था सञ्चालन, अनुगमन तथा लेखापरीक्षणसम्बन्धी मापदण्ड २०७८ अनुसार सूची सार्वजनिक गरिएको रजिष्ट्रार खनालले बताए।

सूचीमा परेकाहरूको सम्पत्ति र दायित्व नरहेको पाइएमा प्रक्रिया पु¥याइ खारेजी प्रक्रिया अगाडि बढाउने कार्यालयका अनुगमन तथा लेखापरीक्षण शाखाका शाखा अधिकृत नगेन्द्र पराजुलीले बताए। कोशी प्रदेश सहकारी रजिष्ट्रार तथा प्रशिक्षण कार्यालयको नियमन क्षेत्राधिकारभित्र प्रदेशभरिका एक हजार ७५ सहकारी संस्था रहेका छन् ।

झापामा १३१ सहकारी निष्क्रिय

झापा जिल्लामा १३१ वटा सहकारी संस्था निष्क्रिय रहेको पाइएको छ । कोशी प्रदेश सहकारी रजिष्ट्रार तथा प्रशिक्षण कार्यालयले यही भदौ १५ गते एक सूचना जारी गर्दै निष्क्रिय सहकारीको सूची सार्वजनिक गरेको छ । त्यसमा झापाका १३१ सहकारी संस्था रहेका कार्यालयका रजिष्टार भूपेन्द्र खनालले जानकारी दिए।

प्रदेश सरकारी ऐन, २०७६ को दफा ६० ९१० बमोजिम बुझाउनुपर्ने विवरण लगातार दुई वर्षसम्म नबुझाउने सहकारी संस्थालाई निष्क्रिय सूचीमा राखिएको उहाँले बताउनुभयो । “सूची सार्वजनिक भएको मितिले ३५ दिनभित्र प्रदेश सहकारी ऐन, २०७६ को दफा ६० ९१० बमोजिम नियामक निकायमा बुझाउन सूचना जारी गरिएको छ”, उहाँले भन्नुभयो, “सूची सार्वजनिक भएपछि कतिपय सहकारी सम्पर्कमा आइरहेका छन् ।”

सहकारी संस्थाहरूको शुद्धीकरण गर्न अभियान सुरु गरिएको बताउँदै उनले भने, “अस्तित्वमा नरहेका, झोलामा भएका सहकारीलाई प्रक्रिया पु¥याएर खारेज गरिनेछ ।” निष्क्रिय सूचीमा परेका सहकारी संस्थाको सम्पत्ति र दायित्व भएरनभएको खोजी गरिने रजिष्ट्रार खनालले बताए। कतिपय सहकारी संस्थाले प्रदेशमा बुझाउनुपर्ने विवरण स्थानीय तहमा बुझाउँदै आएकोसमेत पाइएको उनले बताए । 

थप समाचारहरु

शकंर पोखरेलको दवावले पत्रकार महासंघमा सल्लाहकार विवाद सुन–चाँदीको मूल्यमा भारी गिरावट नयाँ वर्षमा बससेवाको अफरः ८२ वटा फ्री टिकटदेखि बम्परमा ८२ हजार नगदसम्म जनतालाई सेवा दिएर लोकतन्त्रलाई बलियो बनाउनुपर्छ : प्रधानमन्त्री मन्त्री पौडेल र माल्दिभ्सकी मन्त्री खादिजाबीच भेटघाट सभामुख घिमिरे स्वदेश फिर्ता डेडिकेटेड तथा ट्रंकलाइन विवाद समाधान गर्न उद्योगीसँग छलफल कुमारीको दज्र्यु संलापमाथि पोखरामा चर्चा आजका लागि निर्धारित विदेशी मुद्राको विनिमयदर ब्रेनब्रिज एजुकेसनले चितवनमा सेवा सुरु गर्दै, चितवनमा अध्ययनरत विद्यार्थीलाई छात्रवृत्ति दिने आज विश्व सम्पदा दिवस मनाइँदै जनताको विश्वास जित्न आवश्यक सबै पहल, लगानी र समन्वयलाई निरन्तरता दिनेछौँ : मन्त्री यादव २४ घण्टामा १० ठाँउमा दुर्घटना, १० जनाको मृत्यु प्रधानमन्त्री ओलीको स्पेन भ्रमण विषयमा निष्पक्ष छानबिन गर्न निर्देशन श्रमिकको न्यूनतम पारिश्रमिक रु १९ हजार ५५० अनलाइन टिभी पत्रकार सङ्घद्वारा एआई आचारसंहिता जारी ड्राइभिङ सेन्टरका प्रशिक्षकलाई ईभी सञ्चालन सम्बन्धी तालिम विभिन्न देशमा ज्यान गुमाएका १४०१ नेपालीको शव नेपाल ल्याइयो