कविता : कठै मेरो देश

ललितपुर - आन्ना ढुङ्गेल नीता

जे हुनु पर्थ्यो त्यो भएकै छैन
वास्तबमा देश देशजस्तो रहेन
नेता नेता जस्ता रहेनन
यहा त,
नेताजति भ्रस्टाचारी भए
अनि प्रधानमन्त्रीको दम्भ र अहकारको आडमा
कार्यकर्ता जति झोले भए
ब्यापारीले ठगी रहे
जनता निरिह भैरहे
अब भरोसा कसमाथि गर्ने ?
दयनीय अवस्थाको कठै मेरो देश !

राजनीतिमा बिचार खुइलियो
नेतामा बिश्वास डगमगायो
लोकतन्त्रमा निरङ्कुश ता लाद्ने दल
अझै पनि लोकतान्त्रिक गणतन्त्रको नारा लाउछ
करोडौ जनताको भावनालाई कुल्चेर
तिनैको भरोसाको गला रेट्दै
अझै आफ्नो प्रभुत्व जमाउन खोजिरहेछ ।
जनताको रगतमा होली खेलेर
सिेह दरबारमा गर्जिदै गर्दा
अलिकति पनि आत्माग्लानी भएन ?

नजिकिदै गरेको दशैमा
छोरो आउने बाटो कुरेकी अनि
कलेजबाट फर्कने छोरीको भान्सा कुरेकी
ती दर्जनौ आमाहरुको काख रित्तिएको छ
केयौ बुवाहरुको सपना तुहिएको छ
समृद्ध नेपाल र सुखी नेपालीको नारा लगाउदै युबापुस्तामाथि टाउकोमा गोली बर्साउदा
के नेपाल आमाले माफ गर्लिन ?

neetadhungel2016@gmail.com