देशभर निषेधाज्ञा र कर्फ्यु, सेनाद्वारा सहयोगको अपिल

ललितपुर। नेपालमा विद्यमान विषम परिस्थिति र शान्ति सुरक्षा कायम राख्नका लागि देशभर बुधबार कर्फ्यु जारी गरिएको छ।

भदौ २३ र २४ गते दुई दिन जेनजी आन्दोलनका क्रममा भएको जनधनको क्षतिप्रति नेपाली सेनाले गहिरो दुःख व्यक्त गर्दै अपराधजन्य गतिविधि नियन्त्रणमा सहयोग गर्न सबैलाई अपिल गरेको छ। नेपाली सेनाले विज्ञप्ति जारी गर्दै बुधबार एक दिन देशभर निषेधाज्ञा र कर्फ्यु जारी गरिएको बताएको छ।

सेनाको जारी गरेको विज्ञप्तिअनुसार, भाद्र २५ गते बेलुका ५ बजेसम्मका लागि देशभर निषेधाज्ञा कायम रहनेछ भने त्यसपछि भोलि भाद्र २६ गते बिहान ६ बजेसम्म कर्फ्यु आदेश लागू हुनेछ। परिस्थितिको विश्लेषण गरेर थप जानकारी गराइने नेपाली सेनाले बताएको छ।

सेनाले आन्दोलनको आडमा अराजक व्यक्ति र समूहले घुसपैठ गरी तोडफोड, आगजनी, लुटपाट, हिंसा र बलात्कारका प्रयासजस्ता क्रियाकलाप गरेको र गर्ने सम्भावना रहेकोले यो कदम चालिएको विज्ञप्ति मार्फत् प्रष्ट पारेको छ।

निषेधाज्ञा र कर्फ्युका बेला एम्बुलेन्स, शव वाहन, दमकल, स्वास्थ्यकर्मी र सुरक्षाकर्मीका सवारी साधनहरू भने सञ्चालन हुन पाउनेछन्। आवश्यक परे नजिकका सुरक्षाकर्मीसँग समन्वय गर्न पनि सेनाले अनुरोध गरेको छ।

सेनाले आन्दोलनको नाममा हुने कुनै पनि तोडफोड, लुटपाट, आगजनी वा व्यक्ति तथा सम्पत्तिमाथिको आक्रमणलाई दण्डनीय अपराध मानिने र त्यस्ता क्रियाकलाप गर्नेमाथि कडा कारबाही गरिने चेतावनी दिएको छ।

यस्तै आम नागरिकलाई अफवाहको पछाडि नलाग्न र आधिकारिक सूचनामा मात्र विश्वास गर्न समेत नेपाली सेनाले आग्रह गरेको छ। साथै, राष्ट्रिय एकता र सामाजिक सद्भाव कायम राख्दै जनजीवन सामान्य बनाउन आ(आफ्नो दायित्व निभाउन पनि अपिल गरेको छ।

नेपाली जनताको सुरक्षार्थ हरेक परिस्थितिजन्य जिम्मेवारी वहनमा नेपाली सेना सक्रिय रहने र मानवीय उद्धारमा सधैँ प्रतिबद्ध रहने विश्वास दिलाएको छ।

थप समाचारहरु

वसन्त ऋतुमा हिमाल आरोहणका लागि अनुमति सुरु मकवानपुरमा सय साना सिँचाइ योजना सम्पन्न ६ प्रकारका सरकारी कागजात सुरक्षण मुद्रण केन्द्रबाट मात्रै छपाई हुने कतारका अमिरको नेपाल भ्रमण : नेपाली पर्यटनलाई विश्वबजारमा थप प्रवद्र्धन गर्न टेवा पुग्ने वन डढेलो विकराल बन्दै, देशभर एक सय ६५ ठाउँमा डढेलो बागमती प्रदेशले स्थानीय तहलाई दियो सार्वजनिक खरिद व्यवस्थापन सम्बन्धी २ दिने अभिमुखीकरण तालिम रेविकाको न्यायको लागि विद्यार्थीको आन्दोलन ट्रम्पको कर नीति : नेपालसहित १०० देशमाथिको करको नयाँ दर सूची सार्वजनिक आज रामनवमी, देशभरका राम मन्दिरमा विहानैदेखि भक्तजनको भीड कामु गभर्नरको जिम्मेवारी निलम ढुंगानालाई घटेन वायु प्रदुषण, घरबाहिर ननिस्कन विज्ञको सुझाव डिजिहबले ल्यायो अन्तर्राष्ट्रिय स्तरको ट्रेडिङ म्यानेजमेन्ट सिस्टम (टीएमएस) वीरगञ्जमा सामाजिक सद्भाव भड्काउने कार्य नगर्न मुख्यमन्त्रीको आग्रह  ढाकावाङका किसानलाई मौरी वितरण    एनजी आएका कक्षा ८ का विद्यार्थीले पुनः परीक्षा दिन पाउने आज विश्व जनसङ्ख्या दिवस, विभिन्न कार्यक्रमका साथ मनाइँदै संसदभवनमा प्रदर्शनकारीको ढुंगामुढा, प्रदर्शनस्थल वरपर कर्फुयु आदेश जारी जेनजी आन्दोलनको दोश्रो दिन प्रमुख घटना