काठमाडौँ उपत्यकामा लगाउँदै आएको कर्फ्युले चौथो दिन पनि निरन्तरा पायो, समय भने घटाइयो

ललितपुर। जेनजीको प्रदर्शनले उग्र रुप लिएपछि गत काठमाडौँ उपत्यकामा मंगलबारदेखि निरन्तर कर्फ्यु लागिरहेको छ । चारदिनदेखि नेपाली सेनाले काठमाडौँ उपत्यकामा निषेधाज्ञा र कर्फ्यु आदेशलाई निरन्तरता दिए पनि शुक्रबार भने निषेधाज्ञाको समय केही घटाइएको छ । यसअघि बिहान १० बजेदेखि निषेधाज्ञा लागु गरिएकोमा शुक्रबार बिहान ११ बजेदेखि मात्र निषेधाज्ञा लागु गरिने भएको हो ।

देशमा देखिएको विषम परिस्थितिलाई मध्यनजर गर्दै पछिल्लो सुरक्षा परिस्थितिको विश्लेषणका आधारमा नागरिकको जनधनको सुरक्षाका लागि जारी भएको निषेधाज्ञा तथा कर्फ्यु आदेशलाई निरन्तरता दिनुपर्ने आवश्यकता देखिएको नेपाली सेनाको भनाई छ ।

सेनाको विज्ञप्ति अनुसार भदौ २७ गते बिहान ११ बजे देखि बेलुकी ५ बजे सम्म निषेधाज्ञा जारी गरिएको छ । त्यस्तै बेलुकी ७ बजे देखि भदौ २८ गते बिहान ६ बजे सम्म कर्फ्यु यथावत् राखिएको छ । तर, भदौ २७ गते बिहान ६ बजे देखि बिहान ११ बजेसम्म र भदौ २७ गते बेलुकी ५ बजे देखि ७ बजे सम्म अत्यावश्यक काममा लागि हिँडडुल गर्न पाइने सेनाले जनाएको छ ।

यस्तै निषेधाज्ञा तथा कर्फ्युको दौरान समेत अत्यावश्यक सेवाका (एम्बुलेन्स, शव वाहन, दमकल, स्वास्थ्यकर्मी, सुरक्षाकर्मी र सञ्चारकर्मीका साथै, खाद्यान्न, ग्यास लगायतको इन्धन, दुध, तरकारी, पानी, सञ्चार प्रदायक कम्पनी र औषधी ओसारपसार गर्ने० सवारी साधनहरू सञ्चालन गर्न सकिनेछ ।

विभिन्न सरकारी कार्यालय, राष्ट्रिय मानव अधिकार आयोगका पदाधिकारी, बैङ्क तथा वित्तीय संस्था लगायतका सार्वजनिक संस्थानहरूमा कार्यरत कर्मचारीहरूले आफ्नो सक्कल परिचय पत्र देखाई कार्यालयसम्म आवतजावत गर्न सक्नेछन् ।

यसैगरी अत्यावश्यक कार्यको लागि आवतजावत गर्न सकिने भनी छुट्ट्याइएको समयमा समेत जुलुस, धर्ना, प्रदर्शन लगायतका गतिविधिहरू गर्न पूर्णतः निषेध गरिएको नेपाली सेनाले स्पष्ट पारेको छ ।

थप समाचारहरु

सहज र सरल माध्यमबाट लगानी गर्ने वातावरण बनाउनुपर्छ : देउवा एमाले सचिवालय बैठक सुरु नवनियुक्त ३ मन्त्रीले बिहीबार दिउँसो १ बजे शपथ ग्रहण गर्ने नवनियुक्त तीन मन्त्रीको शपथ आज पनि नहुने आज प्रतिनिधिसभाको बैठक बस्दै राजावादीले र गणतन्त्रवादीको प्रदर्शनस्थल छुट्टाछुट्टै : सुरक्षा व्यवस्थाका लागि ३५ सय प्रहरी परिचालन विमष्टेक शिखर सम्मेलनमा भाग लिन प्रधानमन्त्री ओली थाइल्याण्ड जाँदै अभिव्यक्ति स्वतन्त्रता विरुद्धका गतिविधि नगर्न र सञ्चारकर्मीमाथि जारी पक्राउपुर्जी फिर्ता लिन सरकार संग माओवादीको माग लोकतन्त्रलाई बलियो बनाउन सुशासन र समृद्धि आवश्यक छ : उपाध्यक्ष श्रेष्ठ प्रतिनिधिसभा बैठकमा आज पनि बजेटमाथी छलफल संघीय निजामती सेवा विधेयक पारित खानेपानीमन्त्री यादवद्धारा राति छड्के अनुगमन तथा निरीक्षण आज चारवटा संसदीय समितिको बैठक बस्दै मुख्यमन्त्री लामाले दिए पदबाट राजीनामा आज बागमती प्रदेशसभाको बैठक बस्दै, यस्तो छ कार्यसूची दुई दलले गरे प्रतिनिधिसभा बैठक बहिस्कार मन्त्रिपरिषद् बैठक सुरु- कांग्रेस पदाधिकारी र पूर्वपदाधिकारी बैठक बूढानीलकण्ठमा – सरकारले प्रदर्शनकारीमाथि अत्यधिक बल प्रयोग गर्यो आयोग आन्दोलनकारीलाई घर फर्किन बालेनको आग्रह- सार्वजनिक सम्पत्तिको संरक्षण गर्न प्रदर्शनकारीहरूलाई डा. रुइतको विशेष अपिल