प्रधानमन्त्री कार्कीलाई अमेरिका र चीनद्वारा स्वागत

ललितपुर । नेपालको अन्तरिम सरकारको प्रधानमन्त्री पदमा सुशीला कार्की नियुक्त भएकामा संयुक्त राज्य अमेरिकाले स्वागत गरेको छ ।

नेपालस्थित अमेरिकी दूतावासले आज विज्ञप्तिमार्फत गत हप्ताको दुःखद् घटनाहरूपछिको शान्तिपूर्ण समाधान भन्दै स्वागत गरेको हो । लोकतान्त्रिक समाधानप्रतिको प्रतिबद्धताका लागि राष्ट्रपति रामचन्द्र पौडेल र युवा नेताहरूको प्रशंसा गर्दै दूतावासले दुःखद् समयमा नेपालसँग शोकमा साथमै रहेको उल्लेख गरेको छ ।

“हामी नेपाली सेना र प्रधानसेनापति अशोकराज सिग्देललाई सङ्क्रमणलाई सहज बनाउँदै शान्तिपूर्ण नागरिक सरकार र व्यवस्था पुनःस्थापित गर्न महत्त्वपूर्ण भूमिका निर्वाह गरेकामा सम्मान गर्दछौँ ” विज्ञप्तिमा उल्लेख छ ।

संयुक्त राज्य अमेरिकाले अन्तरिम सरकारले आगामी महिनाहरूमा नयाँ निर्वाचनको तयारी गर्ने क्रममा नेपालसँग सहकार्य गर्न तयार रहेकोे जनाएको छ । राष्ट्रपति पौडेलले पूर्वप्रधानन्यायाधीश कार्कीलाई यही भदौ २७ गते अन्तरिम सरकारको प्रधानमन्त्रीमा नियुक्त गरेको हो ।

यस्तै, चीनले पनि नेपालको अन्तरिम सरकारको प्रधानमन्त्रीमा सुशीला कार्की नियुक्त भएकोमा हार्दिक बधाई ज्ञापन गरेको छ । साथै पारस्परिक सम्बन्धलाई अझ सुदृढ बनाउन सहकार्य गर्ने प्रतिबद्धता व्यक्त गरेको छ ।

नेपालको अन्तरिम प्रधानमन्त्रीका रूपमा उनले शुक्रबार शपथ लिएको सन्दर्भमा विदेश मन्त्रालयका प्रवक्तासँग पत्रकारले गरेको प्रश्नको जवाफमा चीनले प्रधानमन्त्री कार्कीलाई बधाई दिएको हो ।

चीन र नेपालबीच लामो समयदेखिको मैत्रीपूर्ण सम्बन्ध रहेको चर्चा गर्दै विदेश मन्त्रालयका प्रवक्ताले सदा झै चीनले नेपाली जनताले स्वतन्त्र रूपमा रोजेको विकास मार्गको सम्मान गर्ने बताएको नेपालस्थित चिनियाँ दूतावासले जनाएको छ ।

“हामी शान्तिपूर्ण सहअस्तित्वका पाँच सिद्धान्तहरूलाई प्रवर्द्धन गर्न, विभिन्न क्षेत्रमा आदानप्रदान र सहयोग बढाउन र द्विपक्षीय सम्बन्धलाई अझ अगाडि बढाउन नेपालसँग काम गर्न तयार छौँ,” उनले भनेको दूतावासको कथन छ ।

थप समाचारहरु

पुनरुत्थानवादीहरुद्वारा गरिएको अराजक क्रियाकलाप प्रति तराई-मधेश लोकतान्त्रिक पार्टीको भर्त्सना सिमाना खुम्चन र राष्ट्रिय स्वाभिमानमा आँच आउन दिनेछैनौँ  : प्रधानमन्त्री राजधानीमा आन्दोलन नै आन्दोलन, सर्वसाधारणलाई सास्ती लेखकलाई नैतिकताको आधारमा राजीनामा दिएर छानबिनका लागि मार्गप्रशस्त गर्न शेखरको सुझाव संसद् बैठक केहि मिनेटमै स्थगित अनेरास्ववियुको नयाँ नेतृत्वका लागि निर्वाचन हुँदै क्रियाशील सबै सदस्यबाट सभापति चुन्ने व्यवस्था गुटबन्दी अन्त्य गर्ने अचुक अस्त्र : महामन्त्री थापा नेपाली कांग्रेसले केन्द्रीय कार्यसमितिको आकस्मिक बैठक बुधबार प्रतिनिधिसभाको आजको बैठकमा पनि विनियोजन विधेयक, २०८२ को विभिन्न शीर्षकहरूमाथिको छलफल हुने प्रतिनिधिसभाको बैठक -विनियोजन विधेयकमाथिको छलफलमा उठेका प्रश्नको सम्बन्धित मन्त्रीले जवाफ र स्पष्टीकरण दिने विधेयकको पक्षमा मतदान गर्न आफ्ना सांसदलाई एमालेको ह्विप मेयर बालेनले बोलाए कार्यपालिका बैठक प्रधानमन्त्री ओलीले पाए भारत भ्रमणको निम्ता प्रधानमन्त्री ओलीको जम्बो टोली मध्यरातमा तुर्कमेनिस्तान जाँदै रवि लामिछानेले रिहाइको माग गर्दै रुपन्देही जिल्ला अदालतमा दिए निवेदन मन्त्री यादव र भारत सरकारका विज्ञ टोलीहरूबीच तराई–मधेसको खानेपानी समस्या समाधानका विषयमा छलफल राज्यव्यवस्था तथा सुशासन समितिका सभापति रामहरि खतिवडाले पदबाट दिए राजीनामा मन्त्रिपरिषद् बैठकका निर्णय सार्वजनिक