पुनःनिर्माणमा जुटे युवा

झापा । युवाहरू ‘जेनजी’ प्रदर्शनका क्रममा तोडफोड भएका यहाँका प्रहरी चौकी पुनःनिर्माणमा जुटेका छन् । यहाँका एक युवाले मेचीनगर–१० धुलाबारीस्थित ट्राफिक प्रहरीको अस्थायी कार्यालय र सार्वजनिक सिसी क्यामेरा पुनःस्थापना गरिदिएका छन् ।

स्थानीय युवा उद्योगी आनन्द खड्काले निजी खर्चमा यस्तो कार्य गर्नुभएको हो । प्लाइउड उद्योगी खड्काले रु तीन लाख ५० हजार खर्चेर ट्राफिक कार्यालय पुनःनिर्माण र चारवटा सिसी क्यामेरा जडान गरिदिएको बताए। “मुलुक विषम अवस्थाबाट गुज्रिरहेको बेला राज्यलाई सहयोग पुर्‍याउनु हरेक नागरिकको कर्तव्य हो भनेर मैले स्वस्फूर्त सहयोग गरेको हुँ,” उनले भने, “देशमा नयाँ परिस्थिति आएको छ । सरकारी सम्पत्ति, प्रशासनिक भवन र प्रहरी कार्यालय ध्वस्त भएका छन् ।

यो बेला शान्तिसुरक्षाका लागि मुख्य चोकमा सिसी क्यामेरा आवश्यक हुन्छ भनेर मैले सबै व्यवस्था गरिदिएको हुँ ।” यसैगरी आन्दोलनका क्रममा आगजनी गरिएको मेचीनगर–१५ स्थित ज्यामिरगढी प्रहरी चौकी र मेचीनगर–७ स्थित ट्राफिक प्रहरी पोस्टको समेत पुनःनिर्माण गर्ने योजना रहेको खड्काले बताए।

कनकाई नगरपालिका–८ लक्ष्मीपुरस्थित ट्राफिक प्रहरी पोस्ट पनि स्थानीय टेकबहादुर बस्नेतलगायतका युवाले निजी खर्चमा पुनःनिर्माण गरिदिएका छन् । “आन्दोलनका कारण प्रहरी पोस्ट ध्वस्त भयो, त्यसपछि प्रहरी यहाँबाट विस्थापित हुनुपरेकामा ज्यादै दुःख लागेको छ”, उने भने, “हिजोका दिनमा जे भयो भयो, त्यसलाई बिर्सेर प्रहरीहरू फेरि लक्ष्मीपुरको पोस्टमा बस्न आइदिनुहोस् भन्ने हाम्रो विनम्र अनुरोध छ । ध्वस्त भएको पोस्टलाई हामी युवाले नै मिलेर पहिलेको जस्तै बनाएका छौँ ।” यहाँका अन्य क्षेत्रमा पनि युवाहरूले शान्तिसुरक्षाका लागि प्रहरीसँग मिलेर काम गर्ने जनाएका छन् ।

थप समाचारहरु

बजेटको जोहो नहुँदा शिक्षा पदक अलपत्र डिडिसीबाट भुक्तानी नपाएपछि सडकमा दूध पोखेर किसान आन्दोलित शिव पार्वती रथयात्रा भब्य रुपमा सम्पन्न, १०८ फिट अल्लो मुर्ति निर्माण दु्रत गतिमा नेपालभाषा म्यूजिक भिडियो “लहिनां तयागु दुधा.”को प्रिमियर रुसको राष्ट्रपतिमा पुनः पुटिन कर्णालीको जलविद्युत् उत्पादन क्षमता १८ हजार मेगावाट ‘देशको अर्थतन्त्र अझै पनि दबाबमुक्त छैन’ एक जना प्राविधिकको भरमा ६० वटा योजना ‘गणतन्त्रको विकल्प राजतन्त्र हुन सक्दैन सत्यदिप इन्टरनेसनलद्वारा ‘केज पार्टनर्स मिट २०२५’ सम्पन्न ईगल थिंक ट्याङ्कको सहकार्यमा मिसन कर्तव्यवोध तालिम सात बुँदे प्रतिबद्धताका साथ पेडारीमा सार्बजनिक सनुवाई पहिरोले कालीगण्डकी कोरिडोर अवरुद्ध चितवनका २५९ भूमिहीनले पाए जग्गाधनी पूूर्जा सुदूरपश्चिममा गौरापर्वः आज मुख्य दिन अठ्यावाली मुस्ताङमा आठ महिनामा एक लाख १६ हजार विदेशी पर्यटक भित्रिए नेपाल टेलिकमको सीआरबीटी सेवा पुनः सुचारु जेनजीको प्रदर्शनलाई महानगरको सहयोग, प्रदर्शनस्थलमा राखिदियो घुम्ती शौचालय