वित्तीय प्रणालीमा अधिक तरलता कायमै, आज ९० अर्ब निक्षेप खिच्दै राष्ट्र बैंक

ललितपुर । वित्तीय प्रणालीमा अधिक तरलता कायमै रहेपछि तरलता व्यवस्थापनका लागि नेपाल राष्ट्र बैंकले आज बजारबाट ९० अर्ब रुपैयाँ निक्षेप खिच्दैछ । निक्षेप संकलन उपकरण बोलकबोलमार्फत राष्ट्र बैंकले निक्षेप खिच्न लागेको हो ।

तरलता व्यवस्थापनका लागि राष्ट्र बैंकले पछिल्लो समय यसरी बजारबाट निक्षेप संकलन गरिरहेको छ । अहिले कुल निक्षेप ७२ खर्ब भन्दा बढी पुगेको छ । बैंकले वित्तीय प्रणालीको अधिक तरलता र ब्याजदर व्यस्थापनका लागि यसरी निक्षेप संकलन उपकरण र स्थायी निक्षेप सुविधामार्फत तरलता खिच्दै आएको छ ।

बोलकबोलमा राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन् । दीर्घकालीन निक्षेप संकलन रकम बाँडफाँट गर्दा काउण्टर पार्टीहरूले बोल गरेका ब्याजदरअनुसार सबैभन्दा कम दर बोल गर्ने रकम प्राथमिकता क्रममा राखी आह्वान गरेको रकमसम्म क्रमशः बाँडफाँट गरिनेछ ।

यसरी निक्षेप बढ्दै जाँदा विहीबार अनलाइन खरिद प्रणालीमार्फत बोलकबोल गर्न लागिको छ र ब्याजदर बोलकबोलको माध्यमबाट निर्धारण हुनेछ भने आज बोलकबोल हुने निक्षेप संकलन उपकरणको सावाँ तथा ब्याज २०८२ असोज १२ गते भुक्तानी हुने राष्ट्र बैंकले जानकारी दिएको छ । बोलकबोल गर्न सकिने रकम न्युनतम १० करोड रुपैयाँ र अधिकतम ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म हुनेछ ।

पछिल्लो समय केन्द्रीय बैंकले पटकपटक निक्षेप संकलन उकरण प्रयोग गर्दै बजारबाट निक्षेप संकलन गर्दै आएको छ ।

थप समाचारहरु

एक वर्षको मुद्दती निक्षेपमा ९७ करोड लगानी गर्दै राष्ट्र बैंक सिटिजन्स बैंकद्वारा रक्षा नेपाललार्ई सहयोग प्रदान सोमबारका लागि निर्धारित विदेशी मुद्राको विनिमयदर गभर्नरमा पहिलो नम्बरमा अर्थशास्त्री विश्व पौडेलको नाम सिफारिस ग्लोबल आइएमई क्यापिटलको १० वर्ष अवधिको बन्दमुखी योजना -‘ग्लोबल आइएमई समुन्नत योजना–२’ लघुवित्तको लाभांशसम्बन्धी व्यवस्थामा पुनरावलोकन गरिने बैङ्क दर र नीतिगत दर घटाइयो, आवास र शेयर कर्जामा राष्ट्र बैङ्क खुकुलो गर्भनर पौडेलद्वारा हस्ताक्षरित नयाँ नोट छापिँदै राष्ट्र बैंकले आज फेरि बजारबाट ५० अर्ब रुपैयाँ तान्दै राष्ट्र बैंक २ अर्ब ९२ करोड लगानी गर्दै : प्रस्ताव पठाउन बैंक तथा वित्तीय संस्थाहरुलाई आह्वान कुमारी बैंकको नाफा २ अर्ब नाघ्यो ग्लोबल आइएमई बैंकको नाफामा वृद्धि, एकै वर्षमा कमायो ६ अर्ब २० करोड राष्ट्र बैंकले बजारबाट ५० अर्ब रुपैयाँ उठाउँदै आज बैंकिङ प्रणालीबाट ५० अर्ब रुपैयाँ तान्दै राष्ट्र बैंक सीमित कर्मचारीबाट अत्यावश्यक बैकिङ सेवा दिन राष्ट्र बैंकको अनुरोध नेपालबाट एक महिनामा विदेशियो १४ अर्ब ३१ करोड वाणिज्य बैंकहरुले गरे असोज महिनाको लागि नयाँ ब्याजदर निर्धारण जेनजी आन्दोलनका क्रममा वाणिज्य बैंकहरूबाट करिब १८ किलो सुन र ५ करोड रुपैयाँभन्दा धेरै नगद लुटपाट