जेनजी आन्दोलनबाट सीजीलाई ५ अर्ब बराबरको क्षति

ललितपुर। गत भदौं २३ को प्रदर्शन र २४ गतेको देशभरि भएको जेनजी आन्दोलन र त्यसबाट सृजित विध्वसात्मक गतिविधिका कारण चौधरी समूह (सीजी) लाई मात्र करिब ५ अर्ब रुपैयाँ बराबरको क्षति भएको प्रारम्भिक अनुमान गरिएको छ ।

यति ठूलो क्षति भदौ २४ गते आन्दोलनकारीले गरेको आगजनी, तोडफोड र लुटपाटका कारण हुन पुगेको हो । शनिबार अर्थमन्त्री रामेश्वर खनालले गरेको सतुङ्गलस्थित सीजी इलेक्ट्रोनिक्स कारखाना निरीक्षण क्रममा पीडित समूहले सरकार समक्ष यस्तो जानकारी गराउँदै क्षतिग्रस्त व्यवसायको पुनरुत्थानका लागि विशेष राहत र सुविधा समेत माग गरेको छ ।

सीजीका अनुसार काठमाडौंको सतुङ्गलस्थित इलेक्ट्रोनिक्स कारखाना र गोदाममा आगजनीका कारण भवन, मेसिनरी, यन्त्र उपकरण, व्यवसायिक मौज्दात, तयारी सामान तथा सवारीसाधनहरू पूर्णरूपमा नष्ट भएका छन् भने सोही परिसरमा रहेको सिजी नेटको सर्भर र डाटा सेन्टरमा समेत क्षति पुगेको छ ।

भदौ गतेको आन्दोलनले विशेषगरी राजधानी लगायत देशका विभिन्न व्यावसायिक प्रतिष्ठानमाथि ठूलो हमला गरेको थियो । त्यसैको मारमा सीजी पनि परेको हो । आगजनी र तोडफोड गर्ने क्रममा काठमाडौंको थापाथलीमा रहेको सिजी मोटर्सको शोरुम र हरिसिद्धिमा रहेको सर्भिस सेन्टरमा समेत क्षति पुगेको छ ।

यस्तै, सीजीका अध्यक्ष विनोद चौधरीको काठमाडौंको रविभवन र बर्दघाटमा रहेको निजी निवास तथा कार्यालयमा समेत तोडफोड, लुटपाट र आगजनी गरिएको छ ।

त्यसैगरी काठमाडौं ललितपुर, विशालनगर लगायत क्षेत्रमा रहेका इलेक्ट्रोनिक्स सामानका शोरुममा समेत ठूलो क्षति पुर्‍याइएको छ । चितवन भरतपुरमा रहेको सीजी ल्यान्डमार्क व्यावसायिक भवन तथा पसलहरूमा लुटपाट तथा तोडफोड गरिएको छ भने जोरपाटीमा रहेको सीजी एजुकेसनको चाँदबाग स्कुलमा पनि लुटपाट, चोरी, तोडफोड र आगजनी भएको छ । विद्यार्थी ओसारपसार गर्न प्रयोग गरिने ६ वटा गाडीमा समेत आन्दोलनकारीले आगो लगाएको सीजीले जनाएको छ ।

कम्पनीले क्षतिग्रस्त व्यवसाय पुनरुत्थानका लागि सीजीले सरकार समक्ष विभिन्न सुझाव राखेको छ । जसमा व्यवसायको दीर्घकालीन सुरक्षा प्रत्याभूति, बीमा दाबीको द्रुत भुक्तानी, क्षतिग्रस्त व्यवसायका लागि ऋण पुनर्संरचना र ब्याज मिनाहा, निर्माण सामग्री तथा प्लान्ट मेसिनरीको पैठारीमा शतप्रतिशत छुट, क्षतिग्रस्त सवारीसाधनमा सहुलियत, लेखा परीक्षणमा लचकता र सेज (विशेष आर्थिक क्षेत्र) बाहिरका उद्योगलाई समेत सेजसरह सुविधा प्रदान गर्नुपर्ने लगायत सुझाव समावेश छन् ।

५ अर्ब भन्दा माथि क्षति भोग्नु परे पनि सीजीले आफ्ना कुनै पनि कर्मचारीलाई भने कामबाट नहटाउने प्रतिबद्धता जनाएको छ । समूहको इलेक्ट्रोनिक्स डिभिजन सतुङ्गलमा मात्रै १ हजारभन्दा बढी प्रत्यक्ष रोजगारी सिर्जना भएको र हजारौंको संख्यामा अप्रत्यक्ष रोजगारी निर्भर रहेको समूहले उल्लेख गरेको छ ।

थप समाचारहरु

‘हाइब्रिड’ मकैको बीउ पाउन कठिन एकैदिन १३ सयले बढ्यो सुन पाँच लाख एक हजार एक सय ११ नगद सहित भाटभटेनीका सुरक्षा गार्ड सम्मानित ट्रम्पको कर नीति : नेपालसहित १०० देशमाथिको करको नयाँ दर सूची सार्वजनिक वैदेशिक रोजगारबाट भित्रिने पुँजी र सीपको सदुपयोग गर्ने आधार बनाऔँः अर्थमन्त्री पौडेल एक वर्षको मुद्दती निक्षेपमा ९७ करोड लगानी गर्दै राष्ट्र बैंक चौतर्फी दवावपछि आन्दोलनरत शिक्षकका माग सम्बोधन गर्न अर्थमन्त्रालयमा छलफल हुँदै आजका लागि निर्धारित विदेशी मुद्राको विनिमयदर  ढाकावाङका किसानलाई मौरी वितरण    सुनको मूल्यमा सामान्य गिरावट गभर्नर बन्ने पक्का भएपछि भट्टले दिए कार्यकारी निर्देशक पदबाट राजीनामा सुनको मूल्यमा नयाँ रेकर्ड कायम कर नबुझाउने एक सय बाइस करदातामाथि कारबाही    बागमती प्रदेश सरकारको बजेट खर्च ९ महिनामा ३२ प्रतिशत नेपालमा एमसीसी अन्तर्गतका परियोजनाले निरन्तरता पाउने आजका लागि निर्धारित विदेशी मुद्राको विनिमयदर यातायात व्यवस्था कार्यालयद्वारा ८२ करोड बढी राजस्व सङ्कलन सहयोग जुटाएर एकाघरका चार दृष्टिविहीनलाई आवास बनाइँदै