भारी वर्षासँगै राजमार्ग अवरुद्ध हुने सम्भावना उच्च

ललितपुर भौतिक पूर्वाधार तथा यातायात मन्त्रालयअन्तर्गतको सडक विभागले असोज १७ देखि २० गतेसम्म मनसुन सक्रिय रहने र भारी वर्षासँगै सडक अवरुद्ध हुने सम्भावना रहेको भन्दै सचेत रहन अनुरोध गरेको छ । जल तथा मौसम विज्ञान विभाग, मौसम पूर्वानुमान महाशाखाले शनिबार र आइतबार मुलुकको अधिकांश स्थानमा भारी वर्षा हुने सम्भावना रहेको तथा पहिरो र बाढीको उच्च जोखिम रहने जनाएको छ । सडक विभागले विशेषगरी मुग्लिङ–नारायणगढ सडक, मुग्लिङ–गोरखा सडक, बिपी राजमार्ग, अरनिको राजमार्ग, त्रिभुवन राजपथ, गल्छी–स्याङ्जा सडक अवरुद्ध हुन सक्ने भन्दै यी स्थानहरूमा रातिको समयमा (बेलुकी ८ देखि बिहान ५ बजेसम्म) यात्रा नगर्न विभागले आग्रह गरेको छ । सडक विभागका प्रवक्ता प्रभातकुमार झाले प्रभावित क्षेत्रका अवरुद्ध सडक खण्डहरूमा आवश्यक उपकरण परिचालन गरी तत्कालै मर्मत तथा पहिरो हटाउने कार्य अघि बढाइने जानकारी दिनुभएको छ । विभागले सडक प्रयोगकर्तालाई आवश्यक सूचना पाउन टोल–फ्री नम्बर ९८५१४१६८९३ वा नजिकको सडक कार्यालय तथा जिल्ला प्रशासन कार्यालयमा सम्पर्क गर्न आग्रह गरेको छ । विभागले सडक अवरुद्ध हुनसक्ने सम्भावनालाई ध्यानमा राख्दै सम्पूर्ण सडक प्रयोगकर्तालाई सतर्क रहन अनुरोध गरेको छ ।

थप समाचारहरु

आजदेखि तेस्रो अन्तरराष्ट्रिय यातायात सम्मेलन आयोजना हुँदै मकवानपुरगढीमा सवारी दुर्घटनाः दुई जनाको मृत्यु, १४ घाइते कृष्णभिरमा मोटरसाइकल दुर्घटना हुँदा एकको मृत्यु पानीका कारण नारायणघाट–बुटवल सडकको दाउन्ने खण्ड अवरुद्ध आठ घण्टादेखि बिपी राजमार्ग अवरुद्ध, बेपत्ता महिलाको खोजी गरिँदै एसियन हाइवेको ‘डाइभर्सन’को काम सम्पन्न गर्न निर्देशन साँगामा सुख्खा पहिरो खस्दा मजदुर घाइते उपत्यकामा प्रहरीको निःशुल्क बस सञ्चालन कान्तिलोकपथ ४ दिनका लागि बन्द हुने बकर इदले आपसी भाइचारा र समानताको सन्देश प्रवाह गर्न मद्दत पुग्छ : राष्ट्रपति पौडेल तुइन खोलामा पहिरो जाँदा मुग्लिङ–नारायणगढ सडक अवरुद्ध छ स्थानमा राजमार्ग अवरुद्ध, चार ठाउँमा एकतर्फी यातायात सञ्चालन सात ठाउँको अवरुद्ध सडक खुलाइयो, तीन ठाउँ अझै बाँकी वर्षाका कारण देशभरका विभिन्न सात राजमार्ग अवरुद्ध बिपी राजमार्गमा राति सवारीसाधन गुडाउन रोक उपत्यकाका तीनवटै जिल्लामा निशोधाज्ञा जारी विभिन्न छ ठाउँमा राजमार्ग अवरुद्ध तुइन खोलामा फेरि पहिरो, नारायणगढ मुग्लिन सडकखण्ड अवरुद्ध