राष्ट्रिय परिचयपत्र बनाएका नेपालीले मतदाता नामावली संकलन गर्न अनलाइन फारम भरे पुग्ने

ललितपुर । मतादाता नामावली संकलन कार्यलाई सहज र सरल बनाउनका लागि राष्ट्रिय परिचयपत्र बाटै बायोमेट्रिक लिने तयारी गरिएको छ । विहीबार कार्यवाहक प्रमुख निर्वाचन आयुक्त रामप्रसाद भण्डारीले अनलाइन मतदाता नामावली संकलन गर्नेहरुको नेशनल आइडी कार्डबाट बायोमेट्रिक लिएर नामावली संकलनका लागि थप सहज बनाइने बताएका छन् । मतदाता नामावली संकलनका विषयमा जेनजी प्रतिनिधिहरुसँग गरिएको छलफलका क्रममा भण्डारीले नामावली संकलनलाई थप सहज बनाउन आयोगले यस्तो निर्णय गरेको जानकारी दिए ।

धेरैजसो युवा वर्गले राष्ट्रिय परिचयपत्र बनाइसकेकाले पनि यस निर्णयले थप सहज हुने बताए । राष्ट्रिय परिचयपत्र बनाइसकेका नागरिकहरु भए अब अनलाइनबाटै मतदाता नामावली संकलन गर्नेहरुको बायोमेट्रिक नेशनल आइडी कार्डबाटै लिइनेछ । यसले जेन–जीका मागहरु सम्बोधन गर्ने आयोगको विश्वास रहेको भण्डारीले बताए । अध्ययन वा कामका लागि विभिन्न मुलुकमा रहेका नेपाली नागरिकले पनि अनलाइन फारम भर्नसक्ने बताए ।

भण्डारीले भने, ‘अहिले हाम्रो नेशनल आइडीको भण्डारमा जम्मा भएको बायोमेट्रिक तपाईंहरुले अनलाइनमा भर्नुभएको निवेदनमा ल्याएर जोड्ने र छानविन गरेर नामावली प्रकाशन गर्ने भन्ने निर्णय गरेका छौँ । त्यसले तपाईंहरुका सबै मागलाई सम्बोधन गर्दछ । अध्ययनको कामका लागि विदेशमा रहेका नेपाली नागरिकका लागि मतदाता नामावली दर्ता गराउन नेपालका कुटनीतिक नियोग र अन्य संयन्त्र प्रयोग गर्ने भन्नुभएको छ । उहाँहरुले पनि अनलाइनमार्फत भर्न सक्नुहुन्छ । उहाँहरुले अनलाइनमा फारम भर्नुभयो भने नेशनल आइडी कार्डमा भएको बायोमेट्रिक ल्याएर दाँज्छौँ ।’

समय सकिँदै गर्दा नाम दर्ता गर्न धेरै चाप रहेकोले समय थप हुन सक्ने बताए ।

थप समाचारहरु

स्थगित माओवादी केन्द्रको जागरण अभियान पुन नवलपुरबाट सुरु राजावादीहरुले बनाएको संयुक्त जनआन्दोलन समितिले रास्वपालाई पठायो सहकार्यका निम्ति पत्र दुई दलका शीर्ष नेताहरुबीच गृहमन्त्री लेखकसहितको छलफल कमल थापालाई भेट्न गएका दिपक सिंह पक्राउ प्रतिनिधिसभाको बैठक सूचना टाँस गरेर भोलि १ बजे बस्ने गरी स्थगित अध्यक्ष नेपालविरुद्ध योजनाबद्ध षड्यन्त्र भएको समाजवादीको निष्कर्ष ओलीमा राजनीतिक प्रतिशोधको गन्ध आयो : प्रचण्ड मार्गप्रशस्त गरेर छानबिनमा सहयोग गर्न गृहमन्त्रीलाई माओवादीको सुझाव सत्तापक्ष र प्रमुख प्रतिपक्षीबीच २ बुँदे सहमति : सदन खुल्छ – प्रचण्ड खानेपानी विभागको चालु आर्थिक वर्षको वित्तिय प्रगति उत्कृष्ट स्पेन काण्ड : रास्वपाद्वारा प्रधानमन्त्रीको जवाफ माग सहज र सरल माध्यमबाट लगानी गर्ने वातावरण बनाउनुपर्छ : देउवा नवनियुक्त ३ मन्त्रीले बिहीबार दिउँसो १ बजे शपथ ग्रहण गर्ने सोमबारको मन्त्रिपरिषद् बैठकले गर्यो १८ निर्णय : एआई नीति स्वीकृत शेर बहादुर देउवा र आरजु राणा घाइते सभामुखले बोलाएको सर्वदलीय बैठकमा रास्वपासहित चार दलको अनुपस्थिति मंसीर २७ मा इतिहासकै ठूलो जनसभा गर्ने एमाले महासचिव पोखरेलको दाबी एमाले महाधिवेशनको प्रतिनिधि चयनको तयारी सुरु