भगवती कम्पोजिटले आइपिओ निष्काशन गर्दै, बिक्री प्रबन्धकमा नेपाल लाइफ

ललितपुर । भगवती कम्पोजिट इण्डष्ट्रिज लिमिटेडले सर्वसाधारणलाई जारी पूँजीको २० प्रतिशतका दरले प्रति शेयर अंकित मूल्य रु. १००।– मा आइपिओ निष्काशन गर्ने तयारी गरेको छ । कम्पनीले ६,४४,००० कित्ता शेयर निष्काशन गर्नको लागि निष्काशन तथा बिक्री प्रबन्धकमा नेपाल लाइफ क्यापिटल लिमिटेडलाई नियुक्त गरेको छ ।

बुधबार नेपाल लाइफ क्यापिटलको कमलपोखरीस्थित कार्यालयमा सम्पन्न कार्यक्रमबीच बिक्री प्रबन्धक नियुक्तिसम्बन्धी सम्झौतापत्रमा हस्ताक्षर भएको छ । सम्झौता पत्रमा भगवती कम्पोजिट इण्डष्ट्रिजका तर्फबाट अध्यक्ष दक्षिणा गैह्रे न्यौपाने तथा नेपाल लाइफ क्यपिटलका तर्फबाट प्रमुख कार्यकारी अधिकृत मनिष घिमिरेले हस्ताक्षर गरेका छन् ।

भगवती कम्पोजिट इण्डष्ट्रिज लिमिटेडले विगत १५ वर्षदेखि चितवनको भरतपुरमा अत्याधुनिक प्रविधि प्रयोग गर्दै गुणस्तरीय उद्योगजन्य वस्तु उत्पादन गर्दै आएको छ । उच्च गुणस्तरका, दिगो, सुरक्षित र प्रविधिमैत्री उत्पादन नेपाली बजारमा उपलब्ध गराउनु कम्पनीको उद्देश्य छ ।

अहिले कम्पनीले एसएमसी प्रणालीमा आधारित अत्याधुनिक कभरहरू, डब्लुपीसी उच्च घनत्वयुक्त होलो ढोका, पार्टेसन बोर्ड एवम् वाल क्याडिङ्ग, वाल प्यानल उत्पादन गर्दै आएको छ । फाइभर रिइन्फोर्सर्ड प्लाष्टिक टेक्नोलोजी अन्तर्गत ढोका, झ्याल, ढोका–झ्यालको फ्रेम, फाइबर सिट, फाइबर बाथ टब, फाइबर स्लाइड लगायतका फाइबर उत्पादन समेत कम्पनीले उत्पादन गर्दै आएको छ ।

त्यस्त्र, नेपाल लाइफ क्यापिटलले धितोपत्र बोर्डबाट लगानी व्यवस्थापन, धितोपत्र प्रत्याभूती, निक्षेप सदस्य सेवा, योजना व्यवस्थापक, डिपोजिटरी सेवा, संस्थागत परामर्श, शेयर रजिष्ट्रेशन र निष्काशन तथा बिक्री प्रबन्ध गर्ने अनुमति प्राप्त गरेको छ । यो नेपाल लाइफ इन्स्योरेन्स कम्पनी लिमिटेडको सहायक कम्पनी हो ।

थप समाचारहरु

हिमालयन बैंकले हविवको शेयर बेच्ने स्वीकृति पाएको छैन– राष्ट्र बैंक एलआईसी नेपालको नयाँ बोनसदर सार्वजनिक राष्ट्रिय वाणिज्य बैंकको ऋणपत्रमा आवेदन दिने समय बढ्यो, वैशाख २१ सम्म आवेदन दिन सकिने आज १६१ कम्पनीको शेयर मूल्य बढ्यो सर्वसाधारणका लागि आईपीओ निष्काशन गर्दै दरमखोला हाइड्रो इनर्जी नेपाल इन्फ्रास्ट्रक्चर्स इन्भेष्टमेन्ट फण्ड लिमिटेडले साधारण शेयर निष्काशन गर्ने नेप्से परिसूचक ४७.९३ अंकले घट्यो, करिव साढे १४ अर्ब बराबरको कारोबार एशियन लाईफ इन्स्योरेन्स कम्पनी लिमिटेडको हकप्रद शेयरमा आवेदन दिने म्याद थप नेप्से परिसूचक २६ अङ्कले घट्यो बुङ्गल हाइड्रोले दोस्रो चरणको आइपीओ निष्काशन गर्ने कालिन्चोक इन्भेष्टमेन्ट कम्पनीले प्राथमिक शेयर निष्काशन गर्ने प्रि ओपन सेसन अपडेट : नेप्से परिसूचकमा सामान्य अंकको गिरावट सार्वजनिक बिदा फिर्ता भए पनि सेयर बजार आज नखुल्ने नेप्से परिसूचकमा सामान्य अङ्कको गिरावट प्रि ओपन सेसन अपडेटः नेप्से परिसूचक सामान्य अंकले बढ्यो प्रि ओपन सेसन अपडेटः नेप्से परिसूचक साढे १ अंकले बढ्यो प्रि ओपन सेसन अपडेटः नेप्से परिसूचक सामान्य अंकले बढ्यो प्रि ओपन सेसन अपडेटः नेप्से परिसूच्क करिब ५ अंक बढ्यो