समानुपातिक उम्मेदवार सूचीमा ५० प्रतिशत महिला अनिवार्य

बिजनेस पाटी

२०८२ मंसिर १८

765 views

ललितपुर। निर्धारित समय अनुसार आगामी फागुन २१ गते हुने प्रतिनिधिसभा सदस्य निर्वाचनका लागि समानुपातिक निर्वाचन प्रणालीतर्फ कम्तीमा पनि ५० प्रतिशत महिला अनिवार्य हुनुपर्ने भएको छ ।

प्रतिनिधिसभा सदस्य निर्वाचन ऐनको दफा २८ मा व्यवस्था भएअनुसार राजनीतिक दलहरुले समानुपातिक उम्मेदवारको बन्दसूची तयार गर्दा कूल उम्मेदवारको कम्तीमा ५० प्रतिशत महिलाको नाम समावेश गर्नुपर्ने छ ।

संविधानले समानुपातिक समावेशीको सिद्धान्त अवलम्बन गरे पनि निर्वाचन कानुनले संविधानको सो मर्म आत्मसात् नगरेको भन्दै विभिन्न समयमा पटक पटक कानुन संशोधनको माग समेत उठ्दै आएको थियो ।

यसअघि पहिलो संविधानसभाका चार सभासदसहितको टोली (रेणु चन्द, बिन्दा पाण्डे, अमृता थापामगर, सुनीलबाबु पन्तलगायत) ले निर्वाचन आयोगका पदाधिकारीहरुलाई भेटेर कम्तिमा ५० प्रतिशत महिला सुनिश्चित गराउन माग गरेका थिए ।

थप समाचारहरु

फेसबुकबाट तपाईको प्रतिक्रिया