आगामी पुस ३ गतेदेखि प्रथम चरणको आईपीओ निष्काशन गर्दै भुजुङ्ग हाइड्रोपावर

ललितपुर । भुजुङ्ग हाइड्रोपावर लिमिटेडले आगामी पुस ३ गतेदेखि प्रथम चरणको आईपीओ निष्काशन गर्ने भएको छ। प्रथम चरणमा कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो।

यसअघि कम्पनीले नेपाल धितोपत्र बोर्डबाट जारी पूँजी १ अर्ब रुपैयाँको २० प्रतिशत अर्थात् २० करोड रुपैयाँ बराबरको २० लाख कित्ता शेयर निष्काशन गर्ने अनुमति पाएको थियो। जसमध्ये प्रथम चरणमा १० करोड रुपैयाँ बराबरको प्रतिशेयर १०० रुपैयाँ दरका १० लाख कित्ता साधारण शेयर आयोजना प्रभावित क्षेत्रका स्थानिय बासिन्दाहरुका लागि निष्काशन गर्न लागेको हो।

कम्पनीले आयोजना प्रभावित क्षेत्रका बासिन्दाहरुका लागि छुट्याइएको शेयरमध्ये ६० प्रतिशत अर्थात ६ लाख कित्ता प्रत्यक्ष प्रभावित क्षेत्र लमजुङ्ग जिल्लाको क्व्होलासोथार गाउँपालिका वडा नं. ४ का बासिन्दाहरुमा बाँडफाँट गरिनेछ भने बाँकी ४० प्रतिशत अप्रत्यक्ष प्रभावित क्षेत्र अर्थात सोही गाउँपालिकाको वडा नं. १, २, ३, ५, ६, ७, ८ र ९ का बासिन्दाहरुका लागि बाँडफाँट गरिने जनाएको छ ।

साथै कम्पनीले सर्वसाधारण लगानीकर्ताहरुका लागि छुट्याइएको शेयरको १० प्रतिशतले हुन आउने १ करोड रुपैयाँ बराबरको प्रतिशेयर १०० रुपैयाँ अंकित दरका १ लाख कित्ता साधारण शेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगार गरी रहेका नेपालीहरुका लागि निष्काशन गर्न लागेको हो।

उक्त आईपीओमा न्यूनतम १० कित्तादेखि अधिकतममा ५० हजार कित्तासम्म आवेदन दिन सकिने कम्पनीले जनाएको छ। आयोजना प्रभावित क्षेत्रका स्थानिय बासिन्दाहरुका लागि निष्काशन बन्द छिटोमा पुस १७ गते र ढिलोमा माघ २ गते हुनेछ भने वैदेशिक रोजगारीमा रहेका नेपालीहरुका लागि निष्काशन बन्द छिटोमा पुस ७ गते र ढिलोमा पुस १७ गते हुने कम्पनीले जनाएको छ।

कम्पनीको शेयर निष्काशन तथा बिक्री प्रबन्धक कुमारी क्यापिटल लिमिटेड रहेको छ। स्थानिय बासिन्दाले क्व्होलासोथार गाउँपालिका वडा नं. ४ कार्यालय, क्व्होलासोथार गाउँपालिकाको कार्यालय, कुमारी बैंक, सानिमा बैंक, प्रभु बैंक, माछापुच्छ्रे बैंकको बेसिशहर शाखा कार्यालय र भुजुङ्ग हाइड्रोपावरको सामाखुशी, काठमाडौँस्थित रजिस्टर्ड कार्यालयबाट आवेदन दिन सक्नेछन्। आयोजना प्रभावित क्षेत्रका बासिन्दाहरुले शेयर खरिद आवेदन प्राप्त गर्नका लागि दरखास्त फाराम बापत २ रुपैयाँ शुल्क बुझाउनु पर्नेछ।

यस्तै, वैदेशिक रोजगारीमा रहेका नेपालीहरुले नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि आस्बा प्रणाली मार्फत आवेदन दिन सक्ने व्यवस्था कम्पनीले गरेको छ ।

थप समाचारहरु

डिजिहबले ल्यायो अन्तर्राष्ट्रिय स्तरको ट्रेडिङ म्यानेजमेन्ट सिस्टम (टीएमएस) हिमालयन बैंकलाई बोर्डले दियो एफपीओ निष्कासनको अनुमति मौद्रिक नीतिपछिको पुँजी बजारः नेप्से परिसूचकमा २९ अङ्कको सुधार प्रि ओपन सेसन अपडेटः नेप्से परिसूचकमा २ अंकको वृद्धि नेप्से परिसूचक उकालो लाग्दा आठ अर्ब ५३ करोडको कारोबार झापा इनर्जीले गर्यो दोस्रो चरणको आईपीओ निष्काशन तथा बिक्री खुला यस साता शेयर कारोबार नहुने प्रि ओपन सेसन अपडेट : नेप्से परिसूचक साढे ७ अंकले बढ्यो प्रि ओपन सेसन अपडेटः नेप्से परिसूचक साढे १७ अंक बढ्यो प्रि ओपन सेसन अपडेटः नेप्से परिसूचक सामान्य अंकले घट्यो नेप्से परिसूचकमा दोहोरो अङ्कको सुधार वाणिज्य बैंकको ऋणपत्र निष्काशन तथा बिक्री प्रबन्धकमा कुमारी क्यापिटल प्रि ओपन सेसन अपडेटः २ अंकभन्दा बढीले बढ्यो नेप्से परिसूचक प्रि ओपन सेसन अपडेटः नेप्से परिसूचकमा करिब ६ अंकको गिरावट प्रि ओपन सेसन अपडेटः नेप्से परिसूचक करिब १ अंक बढ्यो साताको शेयर बजारः कारोबार भएको पाँचै दिन बढ्यो नेप्से प्रि ओपन सेसन अपडेटः नेप्से परिसूचक करिब साढे ४ अंक घट्यो लगातार छैटौं दिन पनि घट्यो नेप्से