एक सय राजनीतिक दलले दिए समानुपातिक निर्वाचन प्रणालीका लागि आवेदन

ललितपुर । आसन्न प्रतिनिधिसभा सदस्य निर्वाचनका लागि एक सय राजनीतिक दलले समानुपातिका निर्वाचन प्रणालीका लागि आवेदन दिएका छन् । निर्वाचन आयोगका अनुसार समानुपातिक निर्वाचन प्रणालीका लागि १०० राजनीतिक दलले आयोगमा आवेदन दिएका हुन् ।

निर्वाचन आयोगले यही मङ्सिर २१ देखि २३ गतेसम्म समानुपातिक निर्वाचन प्रयोजनका लागि दल दर्ताको समयसीमा निर्धारण गरेको थियो । उक्त समयसीमाभित्र प्रतिनिधिसभा सदस्य निर्वाचनको समानुपातिकतर्फ १०० राजनीतिक दलले निवेदन दिएका हुन् ।

यसरी आवेदन गर्नेमा संयुक्त निर्वाचन चिन्ह लिएका र एकल चुनाव चिन्ह लिएका राजनीतिक दल छन् । प्राप्त भएको आवेदन माथि आवश्यक अध्ययन गरी यही मङ्सिर २६ गतेसम्म स्वीकृत गरिने आयोगले उल्लेख गरेको छ । आयोगले तय गरेको कार्यसूची अनुसार आगामी पुस १३ र १४ गते समानुपातिकतर्फको बन्द सूची पेश गर्नुपर्नेछ । सो सूचीमाथि आवश्यक अध्ययन पश्चात् आगामी माघ ४ गते प्रारम्भिक सूची प्रकाशित हुनेछ । उक्त सूचीमाथि दावी विरोध र आवश्यक छानबिन गरी आगामी माघ २० गते अन्तिम सूची प्रकाशित हुने निर्वाचन आयोगले जनाएको छ ।

कूल २७५ सदस्यीय प्रतिनिधिसभामा १६५ सदस्य प्रत्यक्ष निर्वाचन प्रणालीमार्फत निर्वाचित हुनेछन् । यस्तै, ११० सदस्य भने समानुपातिक निर्वाचन प्रणालीमार्फत निर्वाचित हुनेछन् ।

थप समाचारहरु

राप्रपाको प्रदशनसँगै विभिन्न स्थानमा सवारी ड्राइभर्सन स्थगित माओवादी केन्द्रको जागरण अभियान पुन नवलपुरबाट सुरु सुस्मिता स्याङतानको आवाजमा ‘कुलमान दाइ’ गीत सार्वजनिक, सामाजिक सञ्जालमा भाइरल एमालेले सचिवालय बैठक बस्दै आगामी आर्थिक वर्षको नीति तथा कार्यक्रम जनअपेक्ष विपरीत : सांसद अर्याल खानेपानी मन्त्री यादवद्धारा सिंहदरबारमा मेलम्चीको शुद्ध खानेपानी वितरण कार्यको शुभारम्भ रविको रिटमा आदेश आउदै- सर्वोच्च र रुपन्देही कारागार अगाडि कार्यकर्ताको भिड कुनै पनि समुदाय विकासको मूलधारबाट पछाडि नपरोस् भन्ने सरकारको प्रमुख उद्देश्य हो : मन्त्री यादव प्रधानमन्त्री ओली आज महोत्तरी र बारा जाँदै आज प्रतिनिधिसभाको बैठक बस्दै शेर बहादुर देउवा र आरजु राणा घाइते जेनजी प्रतिनिधिहरू वार्तामा बस्दै संवैधानिक दायराभित्र रहेर निकास दिने प्रयास भइरहेको राष्ट्रपतीको भनाई विघटित प्रतिनिधिसभाका ८ वटा राजनीतिक दलहरूद्वारा प्रतिनिधिसभा पुनःस्थपनाको माग फागुन २१ गते हुने निर्वाचनको कार्यतालिका सार्वजनिक राजेश हमालका नाममा प्रचण्ड समर्थकको फेक प्रोपोगाण्डा प्रतिनिधि सभा विघटन र सरकार गठनको विषयमा अन्तरिम आदेश जारी गर्न अस्वीकार प्रतिनिधिसभा निर्वाचनमा सेना परिचालन गर्न सिफारिस