भदौको जेनजी आन्दोलन र असोजको बाढी पहिरोको क्षतिमा कूल ४ अर्ब ३९ करोड ८८ लाख बीमा भुक्तानी

ललितपुर। गत भदौ २३ र २४ गतेको जेनजी आन्दोलन र असोजमा गएको बाढी पहिरोबाट पुगेको क्षतिमा बीमा कम्पनीहरुले कूल ४ अर्ब ३९ करोड ८८ लाख बीमा भुक्तानी गरिसकिएको नेपाल बीमा प्राधिकरणले दावी गरेका छन् ।

जेनजी आन्दोलनको क्षतिमा ४ अर्ब ३८ करोड र असोजको बाढी पहिरोको क्षतिमा १ करोड ८८ लाख बीमा दाबी भुक्तानी गरेको प्राधिकरणले जनाएको हो । प्राधिकरणका अनुसार जेनजी आन्दोलनका क्रममा २३ अर्ब ४४ करोड तथा बाढी पहिरोका कारण भएका भौतिक तथा अन्य क्षतिको हालसम्ममा ४ अर्ब ४ करोड प्रारम्भिक दाबी परेको छ ।

प्राधिकरणका अनुसार गत भदौ महिनामा भएको जेनजी आन्दोलनका क्रममा भएका भौतिक तथा अन्य क्षतिको निर्जीवन बीमा कम्पनीहरूमा परेका कूल ३ हजार ३०० वटा बीमा दाबीको करिव २३ अर्ब ४४ करोड दाबी रकममध्ये हालसम्ममा बीमा कम्पनीहरूले अग्रिम भुक्तानी समेत गरी करिव ४ अर्ब ३८ करोड ४८ लाख दाबी रकम बीमितहरूलाई भुक्तानी गरिसकेका छन् ।

प्राधिकरणमा १४ वटा निर्जीवन बीमा कम्पनी र ४ वटा लघु निर्जीवन बीमा कम्पनीहरूबाट प्राप्त अद्यावधिक तथ्याङ्क अनुसार, कम्पनीहरूबाट अग्रिम भुक्तानी समेत गरी भुक्तानी भएको कूल दाबी रकममध्ये सम्पत्ति बीमातर्फ ७१० वटा बीमा दाबीको दाबी रकम करिव १९ अर्ब १ करोडमध्ये करिव ३ अर्ब १२ करोड २७ लाख र मोटर बीमातर्फ २ हजार ३०८ वटा बीमा दाबीको दाबी रकम करिव ३ अर्ब ४८ करोडमध्ये करिव १ अर्ब ९ करोड भुक्तानी भएको हो ।

यस्तै, इञ्जिनीयरिङ तथा ठेक्का जोखिम बीमातर्फ २२५ वटा बीमा दाबीको करिव ५५ करोड ५५ लाख दाबी रकममध्ये करिव ६ करोड ८१ लाख, परिवहन बीमातर्फ १२ वटा बीमा दाबीको करिव १ करोड ६९ लाख दाबी रकममध्ये करिव ६६ लाख र अन्य बीमातर्फ ४५ वटा बीमा दाबीको करिव रू. ३८ करोड ४० लाख दाबी रकममध्ये करिव ४९ लाख अग्रिम भुक्तानी समेत गरी दाबी रकम भुक्तानी भएको छ ।

जेनजी आन्दोलनका क्रममा भएका भौतिक तथा अन्य क्षतिको बीमा दाबी भुक्तानीका लागि नेपाल पुनर्बीमा कम्पनीले निर्जीवन बीमा कम्पनीहरूलाई करिव २ अर्ब ५६ करोड अग्रिम भुक्तानी सहित पुनर्बीमा दाबी भुक्तानी गरेको प्राधिकरणले जनाएको छ । नेपाल पुनर्बीमा कम्पनीमा विभिन्न १४ वटा निर्जीवन बीमा कम्पनीहरूबाट परेका कूल २ हजार ८६१ वटा पुनर्बीमा दाबीको दाबी रकम करिव १५ अर्ब ८१ करोड रहेको अद्यावधिक तथ्याङ्क रहेको प्राधिकरणले जननाएको छ ।

थप समाचारहरु

नेपाल लाइफले सगरमाथामा फोहोर संकलन गर्न राउण्ड टेबल नेपालसँग सहकार्य गर्ने प्रभु क्यापिटलका ग्राहकले सिद्धार्थ बिजनेश ग्रुपका होटल, रेष्टुरेन्टमा २० प्रतिशतसम्म छुट पाउने नेशनल लाईफ इन्स्योरेन्सको इम्प्लोइ स्कील इनह्यान्समेण्ट वर्कशप सम्पन्न साना किसान विकास लघुवित्त वित्तीय संस्थाको १५ प्रतिशत लाभांस पारित हिमालयन रिन्स्योरेन्सले भारतबाट पुनर्बीमा व्यवसाय गर्न पाउने बढ्यो नेशनल लाइफको खुद नाफा रिलायबल लाइफको सातौं वार्षिक साधारण सभा सम्पन्न, दुई संचालक निर्विरोध निर्वाचित सूर्यज्योति लाइफको सुबिधायुक्त क्यू आर सेवा संचालनमा आईपीओ निष्काशन गर्दै पियोर इनर्जी एलआईसी नेपालको नयाँ बोनसदर सार्वजनिक नेशनल लाइफ इन्स्योरेन्सको बोनस दर सार्वजनिक नेको इन्सुरेन्सको २ लाख २५ हजार कित्ता शेयर लिलामीमा नेपाल लाइफले मनायो २४औँ वार्षिकोत्सव ५० प्रतिशतको जगेडा कोषको ब्यवस्थालाई खारेज गरी २० प्रतिशतमा झार्न बिमा प्राधिकरणसमक्ष सङ्घको आग्रह नेपाल लाइफ इन्स्योरेन्स कम्पनीको तीन दिवसीय लिडरसिप एक्सलेन्स अवार्ड २०२५ भव्यतापूर्वक सम्पन्न सन नेपाल लाइफ इन्स्योरेन्सद्वारा एमएल/सीएफटी  तालिम सम्पन्न: वित्तीय प्रणालीमा पारदर्शिता र सुरक्षा सुदृढीकरणमा जोड रिलायवल नेपाल लाइफ नवौं वर्षमा प्रवेश सन नेपाल लाइफ इन्स्योरेन्सको बीमाशुल्क भुक्तानीमा क्यासब्याक अफर