रमेश लेखक पुगे बयानका लागि जाँचबुझ आयोग

ललितपुर - ललितपुर । तत्कालीन गृहमन्त्री एवं नेपाली काँग्रेस नेता रमेश लेखक जेनजी आन्दोलन जाँचबुझ आयोगमा बयान दिनका लागि आज आयोग पुगेका छन् । गत भदौ २३ र २४ गतेको जेनजी आन्दोलनपछि भएको क्षति र त्यसको छानबिनका लागि बनेको जाँचबुझ आयोगमा बयान दिनका लागि लेखक आज गएका हुन् ।

लेखकलाई आयोगले पत्र पठाएपछि उनी बयानका लागि गएका हुन् । सोमवार मध्यान्ह लेखक आयोगका पुगेका हुन् । बयान सकिसकेपछि संसदीय दलको कार्यालयमा पत्रकार सम्मेलन आयोजना गर्ने उनी निकट स्रोतले जानकारी दिएको छ ।